HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្ដមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ បានទទួលជួប ពិភាក្សាការងារ ជាមួយ ឯកឧត្ដម អនុរដ្ឋមន្ត្រីក្រសួង នគរបាលវៀតណាម និងគណៈប្រតិភូ នៅទីស្ដីការក្រសួងមហាផ្ទៃ **|**

ឯកឧត្ដមសន្តិបណ្ឌិត សុខ ផល បានទទួលជួបពិភាក្សាការងារ ជាមួយ ឯកឧត្ដម អនុរដ្ឋមន្ត្រីក្រសួងនគរបាលវៀតណាម និងគណៈប្រតិភូ នៅទីស្ដីការក្រសួងមហាផ្ទៃ
====================
រាជធានីភ្នំពេញ៖នៅថ្ងៃសុក្រ ១៤រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែតុលា ឆ្នាំ២០២៣ ឯកឧត្ដមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ បានទទួលជួបពិភាក្សាការងារជាមួយ ឯកឧត្ដម ឧត្ដមសេនីយ៍ឯកបម្រុង លឿង តាមក្វាង អនុរដ្ឋមន្ត្រីក្រសួងនគរបាលវៀតណាម និងគណៈប្រតិភូជាន់ខ្ពស់ក្រសួងនគរបាលវៀតណាម នៅទីស្ដីការក្រសួងមហាផ្ទៃ ក្នុងឱកាស ឯកឧត្ដម អនុរដ្ឋមន្ត្រី អញ្ជើញបំពេញទស្សនកិច្ចនៅព្រះរាជាណាចក្រកម្ពុជា។

ជាកិច្ចចាប់ផ្ដើម ឯកឧត្ដម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ បានសម្ដែងនូវ សេចក្តីសោមនស្សរីករាយចំពោះការទទួលស្វាគមន៍ ឯកឧត្ដម អនុរដ្ឋមន្ត្រីក្រសួងនគរបាលវៀតណាម ព្រមទាំងសហការី ដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា។ ឯកឧត្តម សន្តិបណ្ឌិត បានមានប្រសាសន៍ថ្លែងអំណរគុណដល់ក្រសួងនគរបាលវៀតណាម ដែលតែងតែផ្តល់កិច្ចសហការដ៏ល្អលើការងារប្រយុទ្ធប្រឆាំងបទល្មើសគ្រប់ប្រភេទ ក្នុងរយៈពេលកន្លងមករួមចំណែកដល់ការថែរក្សាសន្តិសុខសណ្តាប់ធ្នាប់សាធារណៈ សុវត្ថិភាពសង្គម ជូនប្រជាជន នៃប្រទេសទាំងពីរ។

ភាគីទាំងពីរបានវាយតម្លៃខ្ពស់ចំពោះទំនាក់ទំនង និងកិច្ចសហការដ៏ល្អ រវាងកងកម្លាំងអនុវត្តច្បាប់នៃប្រទេសទាំងពីរ នាពេលកន្លងមក ដែលបន្តរក្សាការជួបប្រាស្រ័យទាក់ទងគ្នាជាប់ជាប្រចាំ។

ក្នុងឱកាសនៃកិច្ចប្រជុំនេះ ឯកឧត្ដម សន្តិបណ្ឌិត សុខ ផល រដ្ឋលេខាធិការ និងឯកឧត្ដម ឧត្ដមសេនីយ៍ឯកបម្រុង លឿង តាមក្វាង អនុរដ្ឋមន្រ្តី បានថ្លែងអំណរគុណគ្នាទៅវិញទៅមកចំពោះការខិតខំប្រឹងប្រែងបន្តអនុវត្តតាមផែនការកិច្ចសហ-ប្រតិបត្តិការរវាងក្រសួងទាំងពីរនាពេលកន្លងមក ដែលនាំមកនូវវឌ្ឍនភាពគួរឱកត់សម្គាល់។

ភាគីទាំងពីរក៏សង្ឃឹមយ៉ាងមុតមាំថាតាមរយៈលទ្ធផលនៃកិច្ចប្រជុំ ជាពិសេសដំណើរទស្សនកិច្ចរបស់គណៈប្រតិភូនឹងរួមចំណែកដល់ការពង្រឹងពង្រីកកិច្ចសហប្រតិបត្តិការរវាងកងកម្លាំងអនុវត្តច្បាប់ និងអាជ្ញាធរពាក់ព័ន្ធនៃភាគីទាំងពីររក្សាបាននូវយន្តការទំនាក់ទំនងដ៏ល្អ ក្នុងការថែរក្សាសន្តិសុខ និងសុវត្ថិភាពសង្គម ជាពិសេសសហការក្នុងការប្រយុទ្ធប្រឆាំងឧក្រិដ្ឋកម្មឆ្លងដែន៕