ឯកឧត្តម ហេង វណ្ណនី អភិបាល បានអញ្ជើញជាអធិបតីក្នុងកិច្ចប្រជុំ PWG ប្រចាំត្រីមាសទី៤ ឆ្នាំ២០២៣ ស្តីពីការពន្លឿនស្ថានភាពបញ្ចប់ការបន្ទោបង់ពាសវាលពាសកាល (ODF) ក្នុងខេត្តកំពង់ចាម
===================
នៅព្រឹកថ្ងៃពុធ ៨កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២០ ខែធ្នូ ឆ្នាំ​២០​២៣ ​នេះ ឯកឧត្តម ហេង វណ្ណនី អភិបាលរងខេត្ត និងជាប្រធានក្រុមការងារវិស័យផ្គត់ផ្គង់ទឹកស្អាត និងអនាម័យជនបទ តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញជាអធិបតីក្នុងកិច្ចប្រជុំPWG ប្រចាំត្រីមាសទី៤ ឆ្នាំ២០២៣ ស្តីពីការពន្លឿនស្ថានភាពបញ្ចប់ការបន្ទោបង់ពាសវាលពាសកាល (ODF) ក្នុងខេត្តកំពង់ចាម ៕ ដោយមានការអញ្ជើញចូលរួមពី លោក អុឹង វិសុទ្ធ ប្រធានមន្ទីរអភិវឌ្ឍន៍ជនបទខេត្ត អង្គការដៃគូ លោក លោកស្រីអនុប្រធានមន្ទីរ អង្គភាពពាក់ព័ន្ធ និងលោក លោកស្រីអភិបាលរង ក្រុង-ស្រុកទាំង១០ ៕

គោលបំណងសំខាន់នៃកិច្ចប្រជុំនេះ ដើម្បីពិនិត្យវឌ្ឍនភាពនៃការសម្រេចបានស្ថានភាពបញ្ចប់ការបន្ទោបង់ពាសវាលពាសកាល (ODF) និងបញ្ហាប្រឈមពាក់ព័ន្ធការងារ ODF នៅតាមបណ្តាក្រុង ស្រុកទាំង១០ តាមរយះការរាយការណ៍បច្ចុប្បន្នភាពពីវិស័យផ្គត់ផ្គង់ទឹកជនបទ និងអនាម័យពីស្រុក ក្រុង ទាំង១០ផងដែរ។

កិច្ចប្រជុំគឺដើម្បីកំណត់គោលដៅ ក្រុង ស្រុក ៥ ដែលអាចឈានទៅដល់ការប្រកាស ODF និងយុទ្ធសាស្ត្រសម្រេចឱ្យបានស្ថានភាព ODF ខេត្តក្នុងឆ្នាំ២០២៤ ព្រមទាំងបង្ហាញសូចនាករ ODF តាមគោលការណ៍ណែនាំស្តីពីការផ្ទៀងផ្ទាត់ ODF ដល់ថ្នាក់ ក្រុង ស្រុក និងតួអង្គពាក់ព័ន្ធ (សមាជិក PWG) ក្នុងការជំរុញឱ្យខេត្តសម្រេចបាន ODF និងអត្រាទឹកស្អាត១០០%នៅចុងឆ្នាំ២០២៤។

លើកទឹកចិត្តដល់អភិបាលរងស្រុកទទួលបន្ទុកវិស័យអនាម័យ និងទឹកស្អាតទាំងអស់ បន្តជំរុញផ្សព្វផ្សាយអប់រំពីអនាម័យ ការសាងសង់បង្គន់ប្រើប្រាស់ ការហូប និងប្រើប្រាស់ទឹកស្អាត អោយបានត្រឹមត្រូវជូនដល់បងប្អូនប្រជាពលរដ្ឋក្នុងមូលដ្ឋាន ជៀសផុតពីជម្ងឺដង្កាត់ផ្សេងៗជាយកថាហេតុ។

សូមបញ្ជាក់ថា គិតត្រឹមពេលនេះ អត្រាគ្របដណ្ដប់អនាម័យរបស់ខេត្តកំពង់ចាមសម្រេចបានប្រមាណ ៨៣,៣៣% និងអត្រាទឹកស្អាតមាន ៩៣%

បចុប្បន្នអង្គការសហការមានដូចជា: អង្គការPlan International ,EMW,ទឹកស្អាត១០១

កិច្ចប្រជុំបានបញ្ចប់ដោយស្មារតីយកចិត្តទុកដាក់ កិច្ចសហប្រតិបត្តិការខ្ពស់ និងមានភាពសិទ្ធស្នាលបំផុត៕