HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

អ្នកឧកញ៉ា គិត ម៉េង ប្រធានសភាពាណិជ្ជកម្ពុជា បានអញ្ជើញចូលរួម ជាគណៈធិបតីក្នុងមហាសន្និបាត ប្រចាំឆ្នាំលើកទី៣៣ របស់សហព័ន្ធ សមាគមបញ្ជូន ទំនិញអាស៊ាន **|**

អ្នកឧកញ៉ា គិត ម៉េង ប្រធានសភាពាណិជ្ជកម្ពុជា បានអញ្ជើញចូលរួម ជាគណៈធិបតីក្នុងមហាសន្និបាត ប្រចាំឆ្នាំលើកទី៣៣ របស់សហព័ន្ធ សមាគមបញ្ជូន ទំនិញអាស៊ាន

មហាសន្និបាតប្រចាំឆ្នាំលើកទី៣៣ របស់សហព័ន្ធសមាគមបញ្ជូនទំនិញអាស៊ាន The 33rd AFFA Annual Conference & General Meeting (AGM).
================
ភ្នំពេញ៖នាថ្ងៃសៅរ៍ ៥រោច ខែកត្ដិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២ ខែធ្នូ ឆ្នាំ២០២៣ នៅសណ្ឋាគារណាហ្គាវើលទី១ អ្នកឧកញ៉ា គិត ម៉េង ប្រធានសភាពាណិជ្ជកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានអញ្ជើញចូលរួមជាគណៈធិបតីក្នុងមហាសន្និបាតប្រចាំឆ្នាំលើកទី៣៣ របស់សហព័ន្ធសមាគមបញ្ជូនទំនិញអាស៊ាន” ក្រោមអធិបតីភាព ឯកឧត្តម រស់ សីលវ៉ា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម អគ្គបណ្ឌិតសភាចារ្យ អូន ព័ន្ធនមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងគណៈអធិបតី តំណាងមកពី ក្រសួងសាធារណការ និងដឹកជញ្ជូន, ឧកញ៉ា ស៊ីន ចន្ធី ប្រធានសមាគម CLA, លោក Alvin Chua ប្រធាន AFFA, ព្រមទាំងវត្តមានថ្នាក់ដឹកនាំសំខាន់ៗ ពីក្រសួង-ស្ថាប័នរដ្ឋាភិបាល និងសភាពាណិជ្ជកម្មកម្ពុជាតំណាងវិស័យឯកជន និងមានការចូលរួមពី សមាជិកសមាជិការបស់ CLA ជាច្រើនកុះករ ។

គោលបំណងនៃសន្និបាទនេះ គឺដើម្បីបង្ហាញពីលទ្ធផលដែលសម្រចបានក្នុងសកម្មភាពកន្លងមករបស់ AFFA ក៏ដូចជាបង្ហាញនូវភាពរួបរួមគ្នា គាំទ្រគ្នា និងបន្តដំណើររួមគ្នាក្នុងវិស័យដឹកជញ្ជូន សម្រាប់ក្នុងតំបន់អាស៊ាន ក៏ដូចជាសកម្មភាពបុរេសកម្មក្នុងសកលលោកផងដែរ។ ជាពិសេស គឺបង្ហាញពីការទទួលដឹកនាំរៀបចំមហាសន្និបាទដែលរៀបចំដោយ សមាមភស្តុភាកម្មកម្ពុជា (CLA) សម្រាប់មហាសន្និបាតប្រចាំឆ្នាំលើកទី៣៣ របស់សហព័ន្ធសមាគមបញ្ជូនទំនិញអាស៊ាន នៅមម្ពុជា។

មហាសន្និបាតនេះ ក៏បានរៀបចំកម្មវិធីជាច្រើន ដូចជំនួបធុរកិច្ចរវាងធុរជនក្នុងស្រុក ជាមួយបណ្តាធុរជនមកពីបណ្តាប្រទេសក្នុងតំបន់អាស៊ាន ក្នុងវិស័យបញ្ជូនទំនិញ ដែលអាចបញ្ជាក់បានថា វិស័យហេដ្ឋារចនាសម្ព័ន្ធ និងដឹកជញ្ជូន គឺជាវិស័យមួយដែលធ្ចូលរួមចំណែកអាចធ្វើឲ្យចរន្តកំណើនសេដ្ឋកិច្ច ជាតិ, អាស៊ាន និងបណ្តាប្រទេសអាស៊ានទាំងអស់ផងដែរ និងធ្វើឲ្យវិស័យនេះមានចរន្តតំណរភ្ជាប់គ្នាកាន់តែរលូនបណ្តើៗនាពេលអនាគតដ៏ខ្លី។

មហាសន្និបាទនេះ ក៏មានការបង្ហាញស្តង់នានា របស់ក្រុមហ៊ុនជាតិ និងអន្តរជាតិ នៃ AFFA និងសមាជិកសមាជិកានៃ CLA ក្នុងវិស័យដឹកជញ្ជូននេះជាច្រើនផងដែរ។