HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្ដម ឧត្ដមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការ ចលនូប្បត្ថម្ភ អគ្គបញ្ជាការ បានអញ្ជើញជាអធិបតី ដឹកនាំកិច្ចប្រជុំ បូកសរុបលទ្ធផលការងារ ឆ្នាំ២០២៣ លើកទិសដៅការងារ ឆ្នាំ២០២៤ **|**

ឯកឧត្ដម ឧត្ដមសេនីយ៍ឯក ហួត ឈាងអន បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារឆ្នាំ២០២៣ លើកទិសដៅការងារឆ្នាំ២០២៤
==================
រាជធានីភ្នំពេញ៖នារសៀលថ្ងៃចន្ទ ១៣កេីត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែធ្នូ ឆ្នាំ២០២៣ ឯកឧត្ដម ឧត្ដមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការចលនូប្បត្ថម្ភ អគ្គបញ្ជាការ បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារឆ្នាំ២០២៣ លើកទិសដៅការងារឆ្នាំ២០២៤។

ក្នុងឱកាសនោះ ឯកឧត្ដម ឧត្តមសេនីយ៍ឯក ហួត ឈាងអន នាយកទីចាត់ការ បានថ្លែងនូវការកោតសរសើរ និងវាយតម្លៃខ្ពស់ចំពោះស្នាដៃ ដែលថ្នាក់ដឹកនាំសាលាបើកបរ បណ្ដាការិយាល័យ កងឯកភាពចំណុះ នាយទាហាន នាយទាហានរង និងពលទាហានទាំងអស់នៃទីចាត់ការចលនូប្បត្ថម្ភ បានខិតខំប្រឹងប្រែង យកចិត្តទុកដាក់ក្នុងការបំពេញតួនាទី ភារកិច្ច និងបេសកកម្មរបស់ខ្លួនប្រកបដោយស្មារតី ទទូលខុសត្រូវខ្ពស់ ហើយសម្រេចបានសមិទ្ធផលជាផ្លែផ្កាគួរជាទីមោទនៈ ។

ខណៈថ្លែងលើកសរសើរដល់ការអនុវត្តតួនាទី ភារកិច្ចរបស់ជំនាញនីមួយៗចំណុះទីចាត់ការចលនូប្បត្ថម្ភ ឯកឧត្ដម ហួត ឈាងអន ក៏បានថ្លែងនូវការដឹងគុណយ៉ាងជ្រាលជ្រៅដល់បងប្អូនយោធិនពិការ និងសោធននិវត្តន៍ដែលបានលះបង់កម្លាំងកាយ-ចិត្ត និងអាយុជីវិត ដើម្បីជាតិ មាតុភូមិនៃយើង។ ជាមួយនោះ ឯកឧត្ដម នាយកទីចាត់ការ ក៏បានជូនជាថវិកាមួយចំនួន ដល់បងប្អូនយោធិនពិការ និងនិវត្តន៍ជន ព្រមទាំងសាលាបើកបរឈើកាច់ ការិយាល័យចំណុះ ដើម្បីចូលរួមអបអរសារទរឆ្នាំថ្មីឆ្នាំ២០២៤។

មានមតិផ្ដាំផ្ញើក្នុងពិធីនេះដែរ ឯកឧត្ដម ឧត្ដមសេនីយ៍ឯក ហួត ឈាងអន បានណែនាំឱ្យនាយទាហាន នាយទាហានរង និងពលទាហានទាំងអស់ចំណុះទីចាត់ការចលនូប្បត្ថម្ភ គោរពវិន័យ បទបញ្ជា និងយកចិត្តទុកដាក់បំពេញការងារតាមជំនាញ ដើម្បីសម្រេចជោគជ័យជូនថ្នាក់ដឹកនាំអគ្គបញ្ជាការ និងចូលរួមការពារសុខសន្តិភាពជូនជាតិមាតុភូមិរបស់យើង៕