HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោក ស៊ីម គង់ អភិបាលស្រុកជើងព្រៃ បានអញ្ជើញចូលរួមពិធីជួបសំណេះសំណាល និងសម្ពោធដាក់ឱ្យប្រើប្រាស់ជាផ្លូវការនូវរបង ខ្លោងទ្វារ និងសមិទ្ធិផលនានា របស់គណបក្សឃុំសំពងជ័យ ស្រុកជើងព្រៃ ខេត្តកំពង់ចាម
=================
នៅព្រឹកថ្ងៃអាទិត្យ ៧រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែធ្នូ ឆ្នាំ២០២៤ លោក ស៊ីម គង់ អភិបាលនៃគណៈអភិបាលស្រុក និងជាប្រធានឡណៈកម្មាធិការគណបក្សស្រុកជើងព្រៃ បានអញ្ជើញចូលរួមក្នុងពិធីជួបសំណេះសំណាល និងសម្ពោធដាក់ឱ្យប្រើប្រាស់ជាផ្លូវការនូវរបង ខ្លោងទ្វារ និងសមិទ្ធិផលនានា របស់គណបក្សឃុំសំពងជ័យ ស្រុកជើងព្រៃ ខេត្តកំពង់ចាម ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ម៉ា ឈឿន សមាជិកគណៈកម្មាធិការកណ្តាល អ្នកតំណាងរាស្ត្រមណ្ឌលកំពង់ចាម និងជាប្រធានក្រុមការងារគណបក្សប្រជាជនកម្ពុជាចុះជួយស្រុកជើងព្រៃ និងលោកជំទាវបណ្ឌិត អ៊ុក ម៉ាលី សមាជិកព្រឹទ្ធសភា ឯកឧត្តម លន់ លឹមថៃ សមាជិកគណៈកម្មាធិការកណ្តាល និងជាតំណាងរាស្ត្រមណ្ឌលកំពង់ចាម។

ក្នុងឱកាសនោះដែលឯកឧត្តមបណ្ឌិត និងលោកជំទាវបណ្ឌិត បានផ្តល់ថវិកាដល់សមាជិក សមាជិកា កម្លាំងប៉ូលីស និងប្រជាការពារភូមិ ក្នុង១នាក់ ២០.០០០រៀល។ ដោយឡែកលោកជំទាវបណ្ឌិត បានឧបត្ថម្ភដល់មណ្ឌលសុខភាពសំពងជ័យ និងវិទ្យាល័យ ហ៊ុន សែន សំពងជ័យ នូវថវិកាចំនួន៥០០.០០០រៀល សម្រាប់១កន្លែង។

សូមបញ្ជាក់ជូនថា៖ ក្រោមការផ្តួចផ្តើមរបស់ឯកឧត្តមបណ្ឌិត ម៉ា ឈឿន និងលោកជំទាវបណ្ឌិត ឯកឧត្តម លន់ លឹមថៃ បានដឹកនាំកសាងសមិទ្ធិផលបន្ថែមជូនទីស្នាក់ការបក្សឃុំសំពងជ័យនូវ ខ្លោងទ្វារ១ របងថ្មប្រវែង ១៧៦ម៉ែត្រ ដោយចំណាយអស់ថវិកាសរុបចំនួន ៥៣.៨៣៥.៦១១រៀល។