HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម អ៊ុន ចាន់ដា អភិបាលខេត្តកំពង់ចាម ណែនាំដល់មន្ត្រីនៃសេវាទាំងបី ត្រូវបម្រើសេវាប្រកបដោយវិជ្ជាជីវៈខ្ពស់ យកចិត្តទុកដាក់ រួសរាយរាក់ទាក់ **|**

ឯកឧត្តម អ៊ុន ចាន់ដា អភិបាលខេត្តកំពង់ចាម ណែនាំដល់មន្ត្រីនៃសេវាទាំងបី ត្រូវបម្រើសេវាប្រកបដោយវិជ្ជាជីវៈខ្ពស់ យកចិត្តទុកដាក់ រួសរាយរាក់ទាក់

ឯកឧត្តម អ៊ុន ចាន់ដា អភិបាលខេត្តកំពង់ចាម ណែនាំដល់មន្ត្រីនៃសេវាទាំងបី ត្រូវបម្រើសេវាប្រកបដោយវិជ្ជាជីវៈខ្ពស់ យកចិត្តទុកដាក់ រួសរាយរាក់ទាក់

កំពង់ចាម: អភិបាល នៃគណៈអភិបាលខេត្តកំពង់ចាម ឯកឧត្ដម អ៊ុន ចាន់ដា បានណែនាំដល់មន្ត្រីនៃសេវាទាំងបី (រដ្ឋបាលឃុំ សង្កាត់ មណ្ឌលសុខភាព និងសាលាបឋមសិក្សា) ត្រូវបម្រើសេវាប្រកបដោយវិជ្ជាជីវៈខ្ពស់ យកចិត្តទុកដាក់ រួសរាយរាក់ទាក់ ពេលពលរដ្ឋទៅប្រើប្រាស់សេវា ឬទទួលសេវា ជាពិសេសប្រជាពលរដ្ឋ ក្រីក្រ និងជនងាយរងគ្រោះ និងទាញយកប្រជាប្រិយភាព ពីប្រជាពលរដ្ឋឱ្យបាន តាមរយៈការផ្តល់សេវាល្អ ការថ្លែងបែបនេះក្នុងពិធីបិទវេទិកាឆ្លុះបញ្ចាំងប្រចាំឆ្នាំអ្នកសម្របសម្រួលគណនេយ្យភាពសហគមន៍ នាព្រឹកថ្ងៃទី២៧ ខែធ្នូ ឆ្នាំ២០២៤ នៅសាលាខេត្តកំពង់ចាម ។

ក្នុងឱកាសនោះដែរ ឯកឧត្ដម អ៊ុន ចាន់ដា អភិបាលខេត្តកំពង់ចាម បានណែនាំដល់ក្រុមការងារគណនេយ្យភាពសង្គមថ្នាក់ក្រុង ស្រុក ត្រូវបន្តពង្រឹងកិច្ចសហការ គាំទ្រ បណ្តាញ អ្នកសម្របសម្រួលគណនេយ្យភាពសហគមន៍ថ្នាក់ខេត្ត ថ្នាក់ក្រុង ស្រុក និងថ្នាក់ឃុំ សង្កាត់ ដើម្បីចុះត្រួតពិនិត្យ គាំទ្រការអនុវត្តការងារនៅមូលដ្ឋានរបស់ខ្លួន ទៅតាមវដ្តនៃការអនុវត្តសកម្មភាពការងារ និងជំរុញការអនុវត្តផែនការសកម្មភាព រួមស្តីពីការងារគណនេយ្យភាពសង្គម (ផ.ស.រ.គ) របស់អង្គភាពផ្តល់សេវាទាំង បី (រដ្ឋបាលឃុំ, មណ្ឌលសុខភាព និងសាលាបឋមសិក្សា)។

បន្ថែមពីនោះឯកឧត្ដមអភិបាលខេត្ត ក៏បានណែនាំដល់ក្រុមការងារគណនេយ្យភាពសង្គមថ្នាក់ក្រុង ស្រុក ត្រូវពង្រឹងសមត្ថភាពរបស់ខ្លួន តាមរយៈការសិក្សា អំពីដំណើរការវដ្តនៃការអនុវត្តការងារគណនេយ្យភាពសង្គមឱ្យ បានច្បាស់លាស់ ព្រោះទៅអនាគត នឹងពង្រីកវិសាលភាពការអនុវត្តគណនេយ្យ ភាពសង្គម លើការផ្តល់សេវានៅថ្នាក់រដ្ឋបាលក្រុង ស្រុក។

ជាមួយគ្នានោះ ឯកឧត្ដម អ៊ុន ចាន់ដា អភិបាលខេត្តកំពង់ចាម បានបញ្ជាក់ថា ផែនការអនុវត្តគណនេយ្យភាពសង្គម សម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ ក្រោមជាតិ គឺជាផ្នែកមួយនៅក្នុងកម្មវិធីកំណែទម្រង់វិមជ្ឈការ និងវិសហមជ្ឈការរបស់រាជរដ្ឋាភិបាលកម្ពុជា និងជាផ្នែកមួយយ៉ាងសំខាន់ក្នុងយុទ្ធសាស្ត្របញ្ចកោណដំណាក់កាលទី១ នីតិកាល ទី៧ នៃរដ្ឋសភាផងដែរ ៕