HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានអញ្ចើញជាអធិបតីដឹកនាំកិច្ចសេចក្ដីព្រាង សៀវភៅណែនាំ ស្ដីពីបែបបទ និតិវិធី សម្រាប់អនុវត្តចំពោះជនបរទេសអន្តោប្រវេសន្ត នៅព្រះរាជាណាចក្រកម្ពុជា
===============
នាព្រឹកថ្ងៃពុធ ១៣ រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៧ ខែកុម្ភៈ ឆ្នាំ២០២៤នេះ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានដឹកនាំកិច្ចសេចក្ដីព្រាង សៀវភៅណែនាំ " ស្ដីពីបែបបទ និតិវិធី សម្រាប់អនុវត្តចំពោះជនបរទេសអន្តោប្រវេសន្តនៅព្រះរាជាណាចក្រកម្ពុជា "។ កិច្ចប្រជុំកិច្ចក៏មានអញ្ជេីញចូលរួមពីឯកឧត្តម អគ្គនាយករងទទួលជួយនាយកដ្ឋាន លោកប្រធាន-អនុនាយកដ្ឋានជនបរទេសអន្តោប្រវេសន្ត លោកនាយ-នាយរងការិយាល័យ និងមន្រ្តីនីតិកម្មពាក់ព័ន្ធមួយចំនួន។

ជាកិច្ចចាប់ផ្ដើម ឯកឧត្ដម ឧត្តមសេនីយ៍ឯក សុខ វាសនា បានមានប្រសាសន៍បើកកិច្ចប្រជុំ និងអនុញ្ញាតឱ្យដំណើរការកិច្ចប្រជុំ។

បន្ទាប់មកអង្គប្រជុំ បានលេីកឡេីងយ៉ាងលំអិតទៅលើកសៀវភៅណែនាំស្ដីពីបែបបទនិតិវិធី ក្នុងការអនុវត្តចំពោះជនបរទេសអន្តោប្រវេសន្ត នៅព្រះរាជាណាចក្រកម្ពុជាជូនប្រធានអង្គប្រជុំ។ បន្ទាប់មកទៀតឯកឧត្ដម អគ្គនាយករង លោកប្រធាន បានលេីកយកចំណុចសំខាន់ៗមួយចំនួនមកពិភាក្សា និងកែសម្រួលពាក់ព័ន្ធ សៀវភៅណែនាំស្ដីពីបែបបទនិតិវិធី ។

នាឱកាសនោះឯកឧត្តម ឧត្តមសេនីយ៍ឯក បានបញ្ជាក់ឲ្យអង្គប្រជុំសិក្សា ពិភាក្សាវែកញែក និងបន្ថែមទៀតទៅលេីខ្លឹមសារ ពាក្យពេចន៍មួយចំនួន ក្នុងគោលបំណងឱ្យមន្រ្តីអនុវត្តនិតិវិធីនេះ ក៏ដូចជាជនបរទេសអន្តោប្រវេសន្តមានលក្ខណៈងាយស្រួលក្នុងការអាន ងាយយល់ពីច្បាប់នៃសៀវភៅណែនាំនេះ ដើម្បីគោរពច្បាប់ និងអនុវត្តតាម។ ឯកឧត្តម បន្តទៀតថាការធ្វើសៀវភៅណែនាំស្ដីពីបែបបទនិតិវិធី ក្នុងការអនុវត្តចំពោះជនបរទេសអន្តោប្រវេសន្ត នៅព្រះរាជាណាចក្រកម្ពុជា គឺជាកិច្ចការងារមួយយ៉ាងសំខាន់ដែលការគ្រប់គ្រងជនបរទេសព្រះរាជាណាចក្រកម្ពុជាឱ្យមានមានប្រសិទ្ធភាព ដែលជាការចូលរួម ក្នុងការអភិវឌ្ឍន៍ និងការថែរក្សាសន្តិសុខ សុខភាព សុវត្ថិភាពរបស់ជាតិមាតុភូមិ ។