HomePage

ថ្ងៃទី២៨ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការចំពោះកិច្ច បានអញ្ចើញចុះប្រតិបត្តិការ បង្រ្កាបល្បែងអនឡាញខុសច្បាប់ នៅក្រុងខេត្តព្រះសីហនុ **|**

អនុវត្តតាមសារាចរណែនាំរបស់ប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កាលពីថ្ងៃទី២៩ ខែកុម្ភៈ ឆ្នាំ២០២៤ និងលិខិតបង្គាប់ការរបស់ក្រសួងមហាផ្ទៃ ក្រុមការងារបង្រ្កាបបទល្មើសឆបោកតាមប្រព័ន្ធអនឡាញ (Scammed online)

នាថ្ងៃអាទិត្យ ១កើត ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១០ ខែមីនា ឆ្នាំ២០២៤ គណៈកម្មការចំពោះកិច្ច បង្ក្រាបបទល្មើសឆបោកតាមប្រព័ន្ធអនឡាញ ដឹកនាំដោយ ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការចំពោះកិច្ច ដើម្បីបង្ក្រាបបទល្មើសឆបោកតាមប្រព័ន្ធអនឡាញ បានអញ្ចើញចុះប្រតិបត្តិការបង្រ្កាបល្បែងអនឡាញខុសច្បាប់ នៅចំណុចអតីតកាស៊ីណូ PARADISE ISLAND ស្ថិតនៅផ្ទះលេខ៣៤២ ភូមិ៣ សង្កាត់លេខ៤ ក្រុង-ខេត្តព្រះសីហនុ ធ្វើការត្រួតពិនិត្យអគារ ចំនួន៣ មានបន្ទប់ស្នាក់នៅចំនួន ១៩៥បន្ទប់ និងបន្ទប់ធ្វើការ ៣បន្ទប់ ជាលទ្ធផលរកឃើញជនបរទេសសរុបចំនួន ១៧២នាក់ (ស្រី ៤៣នាក់) មាន ៤សញ្ជាតិ។

ក្រុមការងារដឹកនាំដោយ ឯកឧត្តម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការចំពោះកិច្ច សម្រេចបញ្ជូនខ្លួនអ្នកគ្រប់គ្រងចំនួន ០៥នាក់(ស្រី ០២នាក់) មានសញ្ជាតិចិនតៃវ៉ាន់ ០៤នាក់ និងសញ្ជាតិចិន ០១នាក់ ដើម្បីបន្តនីតិវិធី កសាងសំណុំរឿងបញ្ជូនទៅសាលាដំបូងខេត្តព្រះសីហនុ ពាក់ព័ន្ធករណីបើកល្បែងស៊ីសងខុសច្បាប់។

ចំពោះជនបរទេសចំនួន ១៦៧នាក់ (ស្រី ៤១នាក់) មាន ៣សញ្ជាតិ៖
-វៀតណាម ចំនួន ១០៩នាក់(ស្រី ១៧នាក់)
-ថៃ ចំនួន ៥៤នាក់ ( ស្រី ២៤នាក់)
-ចិនតៃវ៉ាន់ ចំនួន ០៤នាក់ ។
ក្រុមការងារបានសម្រេចបញ្ជូនខ្លួនទៅអគ្គនាយកដ្ឋានអន្តោប្រវេសន៍ដើម្បីបន្តអនុវត្តតាមនីតិវិធី។

គោលបំណងនៃប្រតិបត្តិការនេះ គឺលុបបំបាត់ឱ្យអស់នូវទីតាំងដែលមានបទល្មើសឆបោកតាមប្រព័ន្ធអនឡាញ (Scammed Online) គ្រប់ប្រភេទនៅក្នុងភូមិសាស្ត្រខេត្តព្រះសីហនុ។