HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញចូលរួមជាអធិបតី ក្នុងនាមក្នុងពិធីបើក វគ្គបណ្តុះបណ្តាល ស្តីពី ប្រព័ន្ធផ្សព្វផ្សាយ និងការយល់ដឹង អំពីព័ត៌មាន **|**

ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញចូលរួមជាអធិបតី ក្នុងនាមក្នុងពិធីបើក វគ្គបណ្តុះបណ្តាល ស្តីពី ប្រព័ន្ធផ្សព្វផ្សាយ និងការយល់ដឹង អំពីព័ត៌មាន

ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញចូលរួមជាអធិបតីក្នុងនាមក្នុងពិធីបើកវគ្គបណ្តុះបណ្តាលស្តីពីប្រព័ន្ធផ្សព្វផ្សាយ និងការយល់ដឹងអំពីព័ត៌មាន
======≈=========
នាព្រឹកថ្ងៃទី២៨ ខែមីនា ឆ្នាំ២០២៤ ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញចូលរួមជាអធិបតីក្នុងនាមឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងពិធីបើក «វគ្គបណ្តុះបណ្តាលស្តីពីប្រព័ន្ធផ្សព្វផ្សាយ និងការយល់ដឹងអំពីព័ត៌មាន» ជាមួយឯកឧត្តមបណ្ឌិត ឆាយ សុផល រដ្ឋលេខាធិការក្រសួងព័ត៌មាន និងជាគ្រូឧទេ្ទស នៃវគ្គបណ្តុះបណ្តាល រៀបចំនៅសាលប្រជុំសាលារាជធានីភ្នំពេញ។

ឆ្លៀតក្នុងឱកាសនេះ ឯកឧត្តម កើត ឆែ អភិបាលរងរាជធានីភ្នំពេញ សូមថ្លែងអំណរគុណ និងស្វាគមន៍ចំពោះវត្តមានរបស់ឯកឧត្តមបណ្ឌិត ឆាយ សុផល រដ្ឋលេខាធិការក្រសួងព័ត៌មាន ដែលបានចំណាយពេលវេលាដ៏មានតម្លៃ អញ្ជើញចូលរួមជាគ្រូឧទ្ទេសក្នុងវគ្គបណ្តុះបណ្តាលនាថ្ងៃនេះ ដែលត្រូវបានរៀបចំឡើងដោយទីចាត់ការគ្រប់គ្រងធនធានមនុស្ស នៃរដ្ឋបាលរាជធានីភ្នំពេញ ។

ក្នុងគោលបំណងបញ្រ្ជាបនូវចំណេះដឹងបន្ថែមជូនដល់អ្នកចូលរួម ដែលជាមន្ត្រីរាជការចំណុះរដ្ឋបាលរាជធានីភ្នំពេញមកពី សាលារាជធានីភ្នំពេញ មន្ទីរ-អង្គភាពជំនាញ និងរដ្ឋបាលខណ្ឌទាំង១៤ ដែលទទួលបន្ទុកការងារព័ត៌មាន និងគ្រប់គ្រងប្រព័ន្ធបណ្តាញសង្គមនៅតាមស្ថាប័នរបស់ខ្លួន ដើម្បីពង្រឹងនូវយន្តការប្រើប្រាស់បណ្តាញសង្គមរបស់ស្ថាប័នក្នុងការទទួលព័ត៌មាន ចាត់ចែង និងដោះស្រាយតម្រូវការរបស់ប្រជាពលរដ្ឋឱ្យបានឆាប់រហ័ស និងមានប្រសិទ្ធភាព។ លើសពីនេះ ឯកឧត្តម កើត ឆែ បានជម្រាបដល់សមាសភាពចូលរួមទាំងអស់អំពីសារៈសំខាន់ នៃព័ត៌មាន នៅក្នុងជីវភាពរស់នៅប្រចាំថ្ងៃ, ប្រភេទ នៃព័ត៌មានផ្សេងៗ, និងការបែងចែករវាងព័ត៌មានពិត និងព័ត៌មានក្លែងក្លាយ។

នាឱកាសនេះ ឯកឧត្តម កើត ឆែ ក៏បានផ្តាំផ្ញើដល់អ្នកចូលរួមទាំងអស់ត្រូវយកចិត្តទុកដាក់ចូលរួមឱ្យបានពេញលេញ និងខិតខំត្រង់ត្រាប់ទទួលនូវចំណេះដឹង និងបទពិសោធន៍នានា តាមរយៈការធ្វើបទបង្ហាញរបស់ឯកឧត្តមវាគ្មិន ហើយត្រូវចោទជាសំណួរដែលពាក់ព័ន្ធនឹងប្រធានបទ ក្នុងករណីដែលមានចម្ងល់ ដើម្បីជូនឯកឧត្តមវាគ្មិនធ្វើការពន្យល់បកស្រាយបន្ថែម។