HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ បានអញ្ជើញចូលរួម សិក្ខាសាលាស្តីពី បទល្មើសកាស៊ីណូ នៅប្រទេសសិង្ហបុរី **|**

ឯកឧត្តម ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ បានអញ្ជើញចូលរួម សិក្ខាសាលាស្តីពី បទល្មើសកាស៊ីណូ នៅប្រទេសសិង្ហបុរី

ឯកឧត្តម ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ អញ្ជើញចូលរួមសិក្ខាសាលាស្តីពី បទល្មើសកាស៊ីណូ នៅប្រទេសសិង្ហបុរី
==============
សិង្ហបុរី ៖ ឯកឧត្តម ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ អញ្ជើញចូលរួមសិក្ខាសាលាស្តីពី “បទល្មើសកាស៊ីណូ” ចាប់ពីថ្ងៃទី២៧ ខែកុម្ភៈ ដល់ថ្ងៃទី១ ខែមីនា ឆ្នាំ២០២៤ នៅប្រទេសសិង្ហបុរី ដោយផ្តោតទៅលើទិដ្ឋភាពទូទៅនៃកាស៊ីណូ បទប្បញ្ញត្តិនានា វិធីសាស្ត្រក្នុងការក្លែងបន្លំ ប្រភេទឧបករណ៍ប្រើប្រាស់ក្នុងការក្លែងបន្លំ វិធានការក្នុងការការពារ និងដកពិសោធន៍បន្ថែមនូវធាតុចូលអំពីបទល្មើសដែលធ្លាប់កើតមានក្នុងកាស៊ីណូនៅប្រទេសសិង្ហបុរី។

ក្នុងអំឡុងពេលអញ្ជើញមកប្រទេសសិង្ហបុរី ឯកឧត្តម អគ្គស្នងការរងនគរបាលជាតិ បានអញ្ជើញទស្សនា មជ្ឈមណ្ឌលប្រឆាំងការឆបោក (Anti-Scam Centre) និងបានស្តាប់បទបង្ហាញស្តីពីការបង្កើតមជ្ឈមណ្ឌលប្រឆាំងឆបោកនៅសិង្ហបុរី និងលទ្ធផលប្រតិបត្តិការកន្លងមក ព្រមទាំងបានចូលទស្សនាកាស៊ីណូ ក្នុងរមណីយដ្ឋានពិភពលោក Sentosa (RWS) ដោយមានមគ្គុទេ្ទសក៍របស់អាជ្ញាធរគ្រប់គ្រងល្បែងសិង្ហបុរី (GRA)។

ទន្ទឹមនេះដែរ កងកម្លាំងនគរបាលសិង្ហបុរី បានប្រារព្ធរៀបចំអាហារពេលល្ងាចស្វាគមន៍ ក្រោមវត្តមានដ៏ខ្ពង់ខ្ពស់របស់លោក ហូង វៃ តេក (Hoong Wee Teck) អគ្គស្នងការ នៃកងកម្លាំងប៉ូលីសសិង្ហបុរី នៅថ្ងៃទី២៦ ខែកុម្ភៈ ឆ្នាំ២០២៤ និងបានរៀបចំអាហារពេលថ្ងៃក្រោមវត្តមានដ៏ខ្ពង់ខ្ពស់របស់លោក ហូវ ក្វាង វេ (How Kwang Hwee) អគ្គស្នងការរងទទួលដឹកនាំការងារព្រហ្មទណ្ឌ និងចារកម្ម នៅថ្ងៃទី២៨ ខែកុម្ភៈ ឆ្នាំ២០២៤ ដែលជាការស្វាគមន៍ប្រកបដោយភាពកក់ក្តៅ ការយកចិត្តទុកដាក់ខ្ពស់ និងបានបង្ហាញនូវអត្ថន័យកិច្ចសហប្រតិបត្តិការ និងមិត្តភាព៕