HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុក ជាប្រធានអគ្គនាយក កំពង់ផែស្វយ័ត ក្រុងព្រះសីហនុ អញ្ចើញជាអធិបតីភាព ក្នុងកិច្ចប្រជុំមហាសន្និបាតភាគហ៊ុនិក លើកទី៧ របស់ កំពង់ផែស្វយ័តក្រុងព្រះសីហនុ **|**

ឯកឧត្តម លូ គឹមឈន់ អញ្ចើញជាអធិបតីភាពក្នុងកិច្ចប្រជុំមហាសន្និបាតភាគហ៊ុនិក លើកទី៧ របស់ កំពង់ផែស្វយ័តក្រុងព្រះសីហនុ

នៅព្រឹកថ្ងៃសុក្រ ១៥កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែមិថុនា ឆ្នាំ២០២៤ កំពង់ផែស្វយ័តក្រុងព្រះសីហនុ (កសស) បានរៀបចំកិច្ចប្រជុំមហាសន្និបាតភាគហ៊ុនិក លើកទី៧ ក្រោមអធិបតីភាពរបស់ ឯកឧត្តម ផាន់ ផល្លា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ ឯកឧត្តម ឈួន វិន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្រ្តី ក្រសួងសាធារណការ និងដឹកជញ្ជូន និង ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងជាប្រធានមហាសន្និបាតភាគហ៊ុនិក លើកទី៧ ព្រមទាំងមានការចូលរួមពីឯកឧត្តម និង លោក ជាសមាជិកក្រុមប្រឹក្សាភិបាល និងមន្រ្តីត្រួតពិនិត្យរដ្ឋ របស់ កសស តំណាងនិយ័តករមូលបត្រកម្ពុជា (SERC) តំណាងផ្សារមូលបត្រកម្ពុជា (CSX) ភាគហ៊ុនិកសក្តានុពល KAMIGUMI Co., Ltd. និង Kobe-Osaka International Port Corporation ភ្ញៀវជាតិ និងអន្តរជាតិ និងភាគហ៊ុនិក របស់ កសស ទាំងអស់ នៅសណ្ឋាគារសុខា ប៊ិច រីសត ខេត្តព្រះសីហនុ ។

កិច្ចប្រជុំមហាសន្និបាតភាគហ៊ុនិក លើកទី៧ របស់ កសស នេះ បានរាយការណ៍ពីលទ្ធផលការងារអាជីវកម្ម-សេវាកម្មឆ្នាំ ២០២៣ និងទិសដៅការងារឆ្នាំ ២០២៤ ព្រមទាំបានបោះឆ្នោតជ្រើសរើស លោក ហ៊ុន មុន្នីវណ្ណ ជាអភិបាលឯករាជ្យ និងលោក KUME Hidetoshi អភិបាលមិនប្រតិបត្តិ តំណាងភាគហ៊ុនិកឯកជន សម្រាប់ជាសមាជិកក្រុមប្រឹក្សាភិបាល កសស អាណត្តិទី៩, និងបានបោះឆ្នោតអនុម័តបែងចែកភាគលាភជូនដល់បណ្តាភាគហ៊ុនិកឯកជនរបស់ខ្លួន ជាលើកទី៧ ចំនួន ៥០៤ រៀល ក្នុង ១ហ៊ុន ស្មើនឹង ១០ % នៃតម្លៃ IPO សម្រាប់កាលបរិច្ឆេទឆ្នាំ២០២៣ និងប្រាក់លាភការក្រុមប្រឹក្សាភិបាល កសស សម្រាប់ឆ្នាំ ២០២៤ ផងដែរ។