ឧត្ដមសេនីយ៍ឯក ហួត ឈាងអន បានអញ្ជើញអមដំណើរ នាយឧត្តមសេនីយ៍ វង្ស ពិសេន នាំយកទៀន ព្រះវស្សា បច្ច័យ និងទេយ្យទាន ទៅប្រគេនព្រះសង្ឃ គង់ចាំព្រះវស្សា នៅវត្តចំនួន ៩វត្ត ក្នុងស្រុកពារាំង
ខេត្តព្រៃវែង៖នៅព្រឹកថ្ងៃសៅរ៍ ៨កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែកក្កដា ឆ្នាំ២០២៤នេះ ឯកឧត្តម ឧត្ដមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការចលនូប្បត្ថម្ភ អគ្គបញ្ជាការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកពារាំងជួយឃុំមេសរប្រចាន់ បានអញ្ជើញអមដំណើរឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ជាប្រធានក្រុមការងាររាជរដ្ឋាភិបាលចុះមូលដ្ឋានស្រុកពារាំង នាំយកទៀនព្រះវស្សា បច្ច័យ និងទេយ្យទានមួយចំនួនទៅប្រគេនព្រះសង្ឃគង់ចាំព្រះវស្សានៅតាមបណ្ដាវត្តចំនួន៩វត្ត ក្នុងឃុំទាំង៩នៃស្រុកពារាំង ខេត្តព្រៃវែង។
ពិធីនេះបានធ្វើឡើងនៅវត្តមេលោង ឃុំព្រៃស្នៀត ដោយក្នុងមួយវត្តៗទទួលបាន ទៀនវស្សា ១គូ, ស្លាដក់ ១ឈុត, អង្ករ ២០០គីឡូក្រាម, ស្ករស ១០គីឡូក្រាម, តែ ៥គីឡូក្រាម, ទឹកត្រី ៥យួរ, ទឹកស៊ីអុីវ ៥យួរ, ទឹកដោះគោ ១កេសធំ, មីម៉ាម៉ា ២កេសធំ, ត្រីខកំប៉ុង ២កេសធំ, ទឹកក្រូច ៥កេស, ទឹកបរិសុទ្ធ ៥កេស, ប្រេងម៉ាស៊ូត ១កាន។ ក្រៅពីប្រគេនទៀនវស្សា បច្ច័យនិងទេយ្យទានមួយចំនួនខាងលើហើយនោះ ឯកឧត្តម នាយឧត្តមសេនីយ៍ វង្ស ពិសេន និងមន្រ្តីរួមដំណើរ ក៏បានប្រគេនបច្ច័យសម្រាប់កសាងទីអារាម ក្នុង១វត្តចំនួន ៤.៥០០.០០០៛, ប្រគេនបច្ច័យដល់ព្រះសង្ឃចំនួន ៤៥០.០០០រៀល, ជូនអាចារ្យ និងគណៈកម្មការវត្តចំនួន២នាក់ ក្នុង១នាក់ ៤៥.០០០៛, ជូនយាយជីតាជី ចំនួន៩៨នាក់ ក្នុង១នាក់ ២០.០០០៛ ផងដែរ។ សរុបថវិកាក្នុង១វត្តចំនួន ៧.២៨១.៩០០៛ សរុបថវិការួមមានចំនួន ៦៧,៤៩៧,៥០០៛ (ហុកសិបប្រាំពីរលានបួនសែនប្រាំបួនម៉ឺនប្រាំពីរពាន់ប្រាំរយរៀល។
