HomePage

ថ្ងៃទី២៨ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ឧបនាយករដ្ឋមន្រ្តី សាយ សំអាល់ ប្រធានក្រុមការងារ រាជរដ្ឋាភិបាល ចុះមូលដ្ឋានខេត្តកំពត បានអញ្ចើញជាអធិបតីភាព ដឹកនាំកិច្ចប្រជុំបូកសរុប លទ្ធផលការងារ ប្រចាំត្រីមាសទី១ និងទិសដៅអនុវត្តបន្ត ឆ្នាំ២០២៤ ស្ថិតនៅខេត្តកំពត **|**

ឯកឧត្តម ឧបនាយករដ្ឋមន្រ្តី សាយ សំអាល់ បានអញ្ចើញជាអធិបតីភាពដឹកនាំកិច្ចប្រជុំបូកសរុបលទ្ធផលការងារ ប្រចាំត្រីមាសទី១ និងទិសដៅអនុវត្តបន្ត ឆ្នាំ២០២៤ ស្ថិតនៅខេត្តកំពត
=====================
នាព្រឹកថ្ងៃពុធ ១រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែកញ្ញា ឆ្នាំ២០២៤ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត និងខេត្តព្រះសីហនុ បានអញ្ចើញជាអធិបតីភាពដឹកនាំកិច្ចប្រជុំបូកសរុបលទ្ធផលការងារ ប្រចាំត្រីមាសទី១ និងទិសដៅអនុវត្តបន្ត ឆ្នាំ២០២៤ របស់ក្រុមការងាររាជរដ្ឋាភិបាលចុះមូលដ្ឋានខេត្តកំពត ស្ថិតនៅសាលបូកគោ ខេត្តកំពត ។ ដោយមានការអញ្ជើញចូលរួមពី ឯកឧត្តម លោកជំទាវ អនុប្រធានក្រុមការងារនិងសមាជិក សមាជិកាក្រុមការងាររាជរដ្ឋាភិបាលចុះមូលដ្ឋានខេត្តកំពត និងមន្រ្តីពាក់ពន្ធ័ជាច្រើនរូបទៀត៕

រយៈពេល១ឆ្នាំ ដើមអាណត្តិទី៧ ខេត្តកំពតបានអនុវត្តយុទ្ធសាស្រ្តបញ្ចកោណ-ដំណាក់កាលទី១ ប្រកបដោយនវានុវត្តន៍ និងភាពប្រាកដនិយម ដោយបាននិងកំពុងឆ្លើយតបទៅនឹងអាទិភាពគន្លឹះទាំង៥ ដែលធានាធ្វើឱ្យប្រជាពលរដ្ឋទូទាំងខេត្ត នឹងមានទឹក ភ្លើង ផ្លូវ ប្រើប្រាស់គ្រប់គ្រាន់។

អង្គប្រជុំក៏បានត្រួតពិនិត្យលើបញ្ហាប្រឈមមួយចំនួនទៀតក្នុងភូមិសាស្ត្រទូទាំងខេត្ត និងបានដាក់ចេញនូវវិធានការដោះស្រាយឆ្លើយតបតម្រូវការរបស់មូលដ្ឋាន និងចក្ខុវិស័យអភិវឌ្ឍន៍តំបន់ឆ្នេរសមុទ្រ។

ជាមួយគ្នានេះ ឯកឧត្តម សាយ សំអាល់ ឧបនាយករដ្ឋមន្ត្រី ក៏បានប្រគល់រថយន្តសង្គ្រោះបន្ទាន់ជូនរដ្ឋបាលខេត្តកំពត ចំនួន៣គ្រឿង ខេត្តព្រះសីហនុ ចំនួន៣គ្រឿង និងខេត្តកែបចំនួន ០១គ្រឿង ព្រមទាំងបានផ្តល់នូវគ្រឿងឧបភោគបរិភោគមួយចំនួន ដែលជាអំណោយរបស់ ឯកឧត្តមបណ្ឌិត តាន់ មុនីវណ្ណ ជូនសហភាពសហព័ន្ធយុវជនកម្ពុជាខេត្តកំពត សម្រាប់កិច្ចការសង្គមនិងមនុស្សធម៌ ផងដែរ។