HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញជាអធិបតីក្នុងពិធីប្រគល់វិញ្ញាបនបត្របញ្ចប់កម្រិតសិក្សាដល់សិស្សានុសិស្ស នៃសាលាអន្តរជាតិអុីលីត នៅអគារខេមរវិទូ នៃរាជបណ្ឌិតសភាកម្ពុជា
=================
ភ្នំពេញ៖នារសៀលថ្ងៃអង្គារ ៧រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែកញ្ញា ឆ្នាំ២០២៤ ឯកឧត្តម កើត ឆែ អភិបាលរងរាជធានីភ្នំពេញ បានអញ្ចើញជាអធិបតីក្នុងនាមឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងពិធីប្រគល់វិញ្ញាបនបត្របញ្ចប់កម្រិតសិក្សាដល់សិស្សានុសិស្ស នៃសាលាអន្តរជាតិអុីលីត ប្រារព្ធឡើងនៅអគារខេមរវិទូ នៃរាជបណ្ឌិតសភាកម្ពុជា។

នាឱកាសនេះ ឯកឧត្តម កើត ឆែ អភិបាលរងរាជធានីភ្នំពេញ បានចូលរួមអបអរសាទរជាមួយនឹងមាតាបិតា និងអាណាព្យាបាល ជាពិសេសគឺក្មួយៗសិស្សានុសិស្សទាំងអស់ដែលបានខិតខំរៀនសូត្ររហូតទទួលបានបណ្ណសរសើរពានរង្វាន់ និងជ័យលាភី នៅសាលាអន្តរជាតិ អុីលីត សម្រាប់ឆ្នាំសិក្សា ២០២៣-២០២៤ នាពេលនេះ។

លើសពីនេះ ឯកឧត្តម កើត ឆែ សូមវាយតម្លៃខ្ពស់ចំពោះថ្នាក់ដឹកនាំ គណៈគ្រប់គ្រង លោកគ្រូ-អ្នកគ្រូ បុគ្គលិកអប់រំទាំងអស់ នៃសាលាអន្តរជាតិ អុីលីត ដែលបានយកចិត្តទុកដាក់ ការគិតគូរ និងការលើកទឹកចិត្តពីសំណាក់សាលា ក៏ដូចជាអាជ្ញាធរមូលដ្ឋានគ្រប់លំដាប់ថ្នាក់ ហើយការចូលរួមពីសំណាក់មាតាបិតា និងអាណាព្យាបាលក្នុងថ្ងៃនេះ ក៏បានបង្ហាញអំពីការចូលរួមតាមដាន គាំទ្រ និងជំរុញលើកទឹកចិត្តកូនៗ ដែលជា «ទំពាំងស្នងឬស្សី» និងជា «សសរទ្រូងប្រទេសជាតិ» ទៅថ្ងៃអនាគត។