HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ប៉ា សុជាតិវង្ស បានដឹកនាំសមាជិក សមាជិកា គណៈកម្មាធិការអចិន្ត្រៃយ៍រដ្ឋសភា អញ្ជើញគោរពជូនពរឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា ក្នុងឱកាសចម្រើនជន្មាយុគម្រប់៧៩ឆ្នាំ ឈានចូល៨០ឆ្នាំ **|**

គណៈកម្មាធិការអចិន្ត្រៃយ៍រដ្ឋសភា អញ្ជើញគោរពជូនពរឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា ក្នុងឱកាសចម្រើនជន្មាយុ
===================
ឯកឧត្តម ប៉ា សុជាតិវង្ស ប្រធានគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ នៃរដ្ឋសភា នៅព្រឹកថ្ងៃពុធ ទី២២ ខែតុលា ឆ្នាំ២០២៥ នៅវិមានរដ្ឋសភា បានដឹកនាំសមាជិក សមាជិកា គណៈកម្មាធិការអចិន្ត្រៃយ៍រដ្ឋសភា អញ្ជើញចូលគោរពជូនពរ និងសម្ដែងនូវសេចក្ដីគោរពស្រលាញ់ដ៏ជ្រាលជ្រៅបំផុត ចំពោះ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា នៅក្នុងឱកាសដ៏មហានក្ខត្តឫក្សឧត្ដុង្គឧត្តម ប្រកបដោយសេចក្ដីសោមនស្សរីករាយនៃពិធី ចម្រើនជន្មាយុគម្រប់ ៧៩ឆ្នាំ ឈានចូល៨០ឆ្នាំ។

តាងនាមសមាជិក សមាជិកា ទាំងអស់នៃគណៈកម្មាធិការអចិន្ត្រៃយ៍រដ្ឋសភា ឯកឧត្តម ប៉ា សុជាតិវង្ស បានគោរពថ្លែងនូវសារជូនពរឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា នៅក្នុងឱកាសដ៏មហាប្រសើរថ្លៃថ្លា នៃពិធីចម្រើនជន្មាយុរបស់ឯកឧត្តមកិត្តិសេដ្ឋាបណ្ឌិត ដោយសូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្ដិសិទ្ធិទាំងឡាយក្នុងលោក និងទេវតាឆ្នាំថ្មី សូមតាមជួយបីបាច់ថែរក្សា និងប្រោះព្រំសព្ទសាធុការពរជ័យជូនចំពោះ ឯកឧត្តមកិត្តិសេដ្ឋាបណ្ឌិត និងលោកជំទាវ ព្រមទាំងបុត្រា បុត្រី និងចៅៗ សូមប្រកបដោយ សិរីសួស្ដី ជ័យមង្គល វិបុលសុខ កម្លាំងពលំមាំមួន បញ្ញាញាណភ្លឺថ្លា ជន្មាយុយឺនយូរ ដើម្បីបន្តដឹកនាំកិច្ចការនីតិប្បញ្ញត្តិរបស់រដ្ឋសភា ឱ្យទទួលបានជោគជ័យ និងចូលរួមចំណែកយ៉ាងសកម្មក្នុងការកសាង និងអភិវឌ្ឍមាតុភូមិកម្ពុជាឱ្យកាន់តែរីកចម្រើនតទៅមុខទៀត។
សូមឯកឧត្តមកិត្តិសេដ្ឋាបណ្ឌិត និងលោកជំទាវ ព្រមទាំងបុត្រា បុត្រី និងចៅៗ បានសមប្រកបនូវព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។