HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ថ្លែងអំណរគុណជូន ឯកឧត្តម ប៉ា សុជាតិវង្ស និងលោកជំទាវ ដែលបានផ្តល់ អំណោយជាថវិកា ១០ម៉ឺនដុល្លារ ជូនរដ្ឋសភា បែងចែកជួយ វីរយុទ្ធជន និងពលរដ្ឋ ភៀសសឹក **|**

សម្តេចប្រធានរដ្ឋសភាថ្លែងអំណរគុណជូន ឯកឧត្តម ប៉ា សុជាតិវង្ស និងលោកជំទាវ ដែលបានផ្តល់អំណោយជាថវិកា១០ម៉ឺនដុល្លារ ជូនរដ្ឋសភាបែងចែកជួយវីរយុទ្ធជននិងពលរដ្ឋភៀសសឹក
-----------------
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃចន្ទទី១៥ ខែធ្នូឆ្នាំ២០២៥ បាន ថ្លែងអំណរគុណយ៉ាងជ្រាលជ្រៅ ជូន ឯកឧត្តម ប៉ា សុជាតិវង្ស តំណាងរាស្រ្តមណ្ឌលភ្នំពេញនិងជាប្រធានគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍នៃរដ្ឋសភា និងលោកជំទាវ ដែលបានឧត្ថម្ភថវិកាចំនួន១០ម៉ឺនដុល្លារ ជូនសម្តេចប្រធានរដ្ឋសភា ដើម្បីធ្វើការបែងចែកជូនវីរយុទ្ធជននិងពលរដ្ឋភៀសសឹក ក្នុងគ្រាលំបាកដែលកម្ពុជាកំពុងប្រឈមនឹងការឈ្លានពានរបស់ប្រទេសថៃយ៉ាងឃោរឃៅមកលើអធិបតេយ្យកម្ពុជា។

សម្តេចរដ្ឋសភាធិបតី ឃួន សុដារី បានបង្ហាញមោទនភាពចំពោះស្មារតីស្នេហាជាតិ រួមគ្នាជាធ្លុងមួយ របស់ថ្នាក់ដឹកនាំ សមាជិកសមាជិការដ្ឋសភា ថ្នាក់ដឹកនាំនិងមន្រ្តីរាជការនៃអគ្គលេខាធិការដ្ឋានរដ្ឋសភា ក្រុមទីប្រឹក្សា ជំនួយការប្រធានរដ្ឋសភានិងសប្បុរសជនទំាងអស់ផងដែរ។

សម្តេចបានគូសបញ្ជាក់ថា មហាគ្រួសារខ្មែរ បានចូលរួមយ៉ាងសស្រាក់សស្រាំក្នុងសកម្មភាពមនុស្សធម៌ គំាទ្រ លើកទឹកចិត្តគ្រប់បែបយ៉ាងទំាងថវិកា សម្ភារៈ និងកម្លំាងកាយចិត្ត ជូនដល់វីរៈកងទ័ពនិងពលរដ្ឋភៀសសឹក នៅក្នុងគ្រាដែលកម្ពុជាកំពុងប្រឈមការលំបាក ពីការឈ្លានពានដ៏ឃោរឃៅព្រៃផ្សៃនិងទំាងកំរោល របស់ទាហានថៃមកលើអធិបតេយ្យកម្ពុជា។ សូមឱ្យកម្លាំងមហាសាមគ្គីជាតិខ្មែរនៅបន្តជាថាមពលដ៏រឹងមាំ សម្រាប់គាំទ្រនិងផ្ដល់កម្លាំងចិត្តដល់វីរៈកងទ័ព វីរនគរបាលជាតិរបស់យើង បន្តបេសកកម្មការពារទឹកដី។

អំណោយដែល ឯកឧត្តម ប៉ា សុជាតិវង្ស និងលោកជំទាវបានឧត្ថម្ភថវិកាចំនួន១០ម៉ឺលដុល្លារនឹងយក៥ម៉ឹនដុល្លារសម្រាប់ទិញម៉ាសការពារសារធាតុពុលនិង៥ម៉ឺនដុល្លារទៀតសម្រាប់ទិញទឹកបរិសុទ្ធ។ សម្តេចប្រធានរដ្ឋសភាបានគូសបញ្ជាក់ថា នៅក្នុងគ្រាលំបាកនេះ សាមគ្គីភាពជាកក្តាសំខាន់បំផុតដើម្បីតតំាងនឹងចោរឈ្លានពាន។ សម្តេចរដ្ឋសភាធិបតី ឃួន សុដារី បានមាន ប្រសាសន៍បន្តថា ឆ្លើយតបការគិតគូររបស់ថ្នាក់ដឹកនាំកំពូល ដែលមាន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ក៏ដូចជាដើម្បីតបស្នងសងគុណចំពោះពលីកម្មដ៏ធំធេងរបស់វីរយុទ្ធជននៅសមរភូមិមុខ។ រាជរដ្ឋាភិបាលប្តេជ្ញានៅជាមួយបងប្អូនប្រជាពលរដ្ឋ ក៏ដូចជាវីរៈកងទ័ព វីរនគរបាលជាតិរបស់យើងគ្រប់ពេលវេលា៕