HomePage

ថ្ងៃទី៣០ ខែឧសភា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

រដ្ឋបាលស្រុកស្រីសន្ធរ បានរៀបចំពិធីសំណេះសំណាល និងចែកអំណោយ របស់សម្តេចតេជោ និងសម្តេចកិត្តិព្រឹទ្ធបណ្ឌិត និងសម្តេចបវរធិបតី និងលោកជំទាវបណ្ឌិត ជូនដល់គ្រួសារភៀសសឹក ចំនួន៣១៤គ្រួសារ និងគ្រួសារកងទ័ព ចំនួន៥គ្រួសារ ចូលមកស្នាក់នៅក្នុងស្រុកស្រីសន្ធរ **|**

រដ្ឋបាលស្រុកស្រីសន្ធរ បានរៀបចំពិធីសំណេះសំណាល និងចែកអំណោយ របស់សម្តេចតេជោ និងសម្តេចកិត្តិព្រឹទ្ធបណ្ឌិត និងសម្តេចបវរធិបតី និងលោកជំទាវបណ្ឌិត ជូនដល់គ្រួសារភៀសសឹក និងគ្រួសារកងទ័ព មកស្នាក់នៅស្រុកស្រីសន្ធរ
============
ស្រុកស្រីសន្ធរ៖ នារសៀលថ្ងៃចន្ទ ទី១៥ ខែធ្នូ ឆ្នាំ២០២៥ រដ្ឋបាលស្រុកស្រីសន្ធរ បានរៀបចំពិធីសំណេះសំណាល និងចែកអំណោយរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនដល់គ្រួសារភៀសសឹក សរុបចំនួន ៣១៤គ្រួសារ ស្មើចំនួន ១ ០៨១នាក់ ស្រី៥៤៧នាក់ និងគ្រួសារកងទ័ពចំនួន៥គ្រួសារ ចូលមកស្នាក់នៅក្នុងមូលដ្ឋានស្រុកស្រីសន្ធរ បន្ទាប់ពីសង្រ្គាមឈ្លានពានរបស់សៀម មកអធិបតេយ្យ បូរណភាពទឹកដីកម្ពុជា លើកទី២ ចាប់ពីថ្ងៃទី៧ ខែធ្នូ ឆ្នាំ២០២៥ ។

ពិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការនិងដឹកជញ្ជូន ឯកឧត្តម លូ គឹមឈន់ ប្រតិភូរាជរដ្ឋាភិបាលទទួលបន្ទុកប្រធានអគ្គនាយកកំពង់ផែស្វយ័តក្រុងព្រះសីហនុ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុក និងឯកឧត្តម ផេន សុផល អភិបាលរងខេត្តកំពង់ចាម តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងមានការចូលរួមពីសំណាក់ឯកឧត្តម ប្រតិភូអមដំណើរឯកឧត្តមរដ្ឋមន្រ្តី និងក្រុមការងារ ឯកឧត្តម លោក លោកស្រីប្រធាន អនុប្រធានក្រុមការងាររាជរដ្ឋាភិបាលចុះមូលដ្ឋានឃុំទាំង១៤ ប្រធានមន្ទីរសាធារណការនិងដឹកជញ្ជូនខេត្តកំពង់ចាម ក្រុមប្រឹក្សាស្រុក គណៈអភិបាលស្រុក តំណាងកងកម្លាំង មន្រ្តីរាជការ មេឃុំ ក្រុមប្រឹក្សាឃុំ ស្មៀនឃុំ យុវជន ស.ស.យ.ក ស្រុក យុវជនបញ្ញវន្តក្មេងវត្តស្រុក សរុបចំនួន៤២៣នាក់នាក់ ស្រី២០៥នាក់។