អបអរសាទរខួបអនុស្សាវរីយ៍ លើកទី៤៧ ២ ធ្នូ ១៩៧៨ - ២ ធ្នូ ២០២៥ ទិវាកំណើត រណសិរ្សសាមគ្គី អភិវឌ្ឍន៍មាតុភូមិកម្ពុជា ក្រោមអធិបតីភាពលោក ស៊ីម គង់ ប្រធានគណៈកម្មាធិការ គណបក្សប្រជាជនកម្ពុជាស្រុកជើងព្រៃ និងជាប្រធានគណៈកម្មាធិការ រណសិរ្សសាមគ្គី អភិវឌ្ឍន៍មាតុភូមិកម្ពុជា
អបអរសាទរខួបអនុស្សាវរីយ៍លើកទី៤៧ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា ២ធ្នូ ឆ្នាំ២០២៥
រណសិរ្សសាមគ្គីសង្រ្គោះជាតិកម្ពុជា ត្រូវបានកើតឡើងដោយកម្លាំងមហាសាមគ្គីប្រជាជនទាំងមូល ទាំងក្នុងនិងក្រៅប្រទេស ដែលមានសម្តេចអគ្គមហាពញាចក្រី ហេង សំរិន, សម្តេចអគ្គមហាធម្មពោធិសាល ជា ស៊ីម, សម្តេចអគ្គមហាសេនាបតីតេជោ ហ៊ុន សែន និងវីរជនស្នេហាជាតិជាច្រើនរូបទៀត ក្នុងការរៀបចំកម្លាំងផ្ដួលរំលំរបបប្រល័យពូជសាសន៍ ប៉ុល ពត និងទទួលបានជ័យជម្នះលើរបបនេះនៅថ្ងៃទី៧ មករា ឆ្នាំ១៩៧៩។
នាព្រឹកថ្ងៃអង្គារ ១២កើត ខែមិគសិរ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២ ខែធ្នូ ឆ្នាំ២០២៥ នៅស្រុកជើងព្រៃ បានរៀបចំមិទ្ទីញអបអរសាទរខួបអនុស្សាវរីយ៍ លើកទី៤៧ ២ ធ្នូ ១៩៧៨ - ២ ធ្នូ ២០២៥ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា ក្រោមអធិបតីភាពលោក ស៊ីម គង់ ប្រធានគណៈកម្មាធិការគណបក្សប្រជាជនកម្ពុជាស្រុកជើងព្រៃ និងជាប្រធានគណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជា ស្រុកជើងព្រៃ ជាប្រធានគណៈអធិបតី។
កម្មវិធីនេះក៏មានការចូលរួមពី លោកអនុប្រធានប្រចាំការ លោកអនុប្រធាន សមាជិកគណ:អចិន្ត្រៃយ៍ សមាជិក សមាជិកាគណបក្សស្រុក លោក លោកស្រី ,គណៈកម្មាធិការគណបក្សមូលដ្ឋានរដ្ឋបាលស្រុក,វិទ្យាល័យ,មន្ទីរពេទ្យបង្អែក, លោក លោកស្រីប្រធាន និងសមាជិកគណបក្សឃុំទាំង១០, លោក លោកស្រី សមាជិកក្រុមប្រឹក្សាឃុំ,លោកនាយប៉ុស្តិ៍រដ្ឋបាលឃុំ, លោកនាយកអនុវិទ្យាល័យ,នាយកបឋមសិក្សា,ស្មៀនឃុំ, ប្រធានមណ្ឌលសុខភាព,ប្រធានយុវជនគណបក្សឃុំ តំណាងខ្មែរឥស្លាម និងអ្នកពាក់ព័ន្ធមួយចំនួនទៀត សរុបចំនួន ២៥៦ នាក់ ស្រី ៧៩ នាក់។
