HomePage

ថ្ងៃទី២៨ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម សង្កត់ធ្ងន់ថា នគរបាលយើងត្រូវបង្កើនល្បឿន ប្រកបដោយប្រសិទ្ធភាព ក្នុងការអនុវត្តការងារជំនាញ **|**

លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម សង្កត់ធ្ងន់ថា នគរបាលយើងត្រូវបង្កើនល្បឿន ប្រកបដោយប្រសិទ្ធភាព ក្នុងការអនុវត្តការងារជំនាញ

លោកឧត្តមសេនីយ៍ទោ ហេង វុទ្ធី សង្កត់ធ្ងន់ថា នគរបាលយើងត្រូវបង្កើនល្បឿន ប្រកបដោយប្រសិទ្ធភាព ក្នុងការអនុវត្តការងារជំនាញ

ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកំពង់ចាម នៅព្រឹកថ្ងៃចន្ទ ទី២២ ខែធ្នូ ឆ្នាំ២០២៥នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានអញ្ជើញដឹកនាំកិច្ចប្រជុំផ្សព្វផ្សាយ និងណែនាំអំពីការងារចាំបាច់ និងចំពោះមុខមួយចំនួន ដល់លោកគ្រប់ផែនជំនាញ និងអធិការនគរបាលក្រុង/ស្រុក ទាំង១០ ដូចមានរបៀបវារៈ ខាងក្រោម:

១-ផ្សព្វផ្សាយ អនុសាសន៍ដែលទទួលបានពី ឯកឧត្តម អគ្គស្នងការនគរបាលជាតិ និងឯកឧត្តម អភិបាលខេត្ត ។

២-ផ្សព្វផ្សាយអំពីសភាពការណ៍ថ្មីៗ ។

៣-បន្ដពង្រឹងវិធានការ គ្រប់គ្រងការងារសន្តិសុខ ការរៀបចំសណ្ដាប់ធ្នាប់សាធារណៈ និងការធានាបាននូវសុវត្ថិភាពខ្ពស់ ជូនថ្នាក់ដឹកនាំ និងបងប្អូនប្រជាពលរដ្ឋក្នុងមូលដ្ឋាន និងការធ្វើដំណើរឆ្លងកាត់ក្នុងភូមិសាស្ត្រខេត្តកំពង់ចាមទាំងមូល ។

៤-បង្កើនការយកចិត្តទុកដាក់ខ្ពស់ លើវេនប្រចាំបញ្ជា នីមួយៗ និងត្រូវប្រមូលផ្ដុំកម្លាំង ២៤/២៤ម៉ោង ដើម្បីទ្រសភាពការណ៍ចំពោះមុខ ។

៥-បង្កើនការល្បាតចល័ត និងត្រូវអន្តរាគមន៍បន្ទាន់ រាល់សំណូមពររបស់ប្រជាពលរដ្ឋ ។

៦-បន្ដផ្ដល់សេវាសំណូមពរ និងសេវាធារណៈជូនប្រជាពលរដ្ឋឱ្យបានឆាប់រហ័ស តាមដែលអាចធ្វើទៅបាន ។

៧-បន្ដនិរន្តរភាពការងារគ្រប់ផែនជំនាញ និងគ្រប់អធិការដ្ឋាន មិនឱ្យមានការកកស្ទះឡើយ ។

ជាមួយគ្នានេះ លោកឧត្តមសេនីយ៍ស្នងការ បានសង្កត់ធ្ងន់ថា ក្រោយពីទទួលបានការណែនាំក្នុងកិច្ចប្រជុំនេះហើយ គ្រប់គណៈជំនាញ ត្រូវយកទៅអនុវត្តឱ្យទទួលបានលទ្ធផលវិជ្ជមាន ប្រកបដោយគុណភាព និងប្រសិទ្ធភាព ដូចដែលធ្លាប់បានអនុវត្តនាពេលកន្លងមកនេះ ។