ឯកឧត្តមរដ្នមន្ត្រី ជា សុមេធី និងលោកជំទាវ អញ្ចើញចុះជួបសំណេះសំណាល សួរសុខទុក្ខ និងនាំយកអំណោយជាសម្ភារៈ និងគ្រឿងឧបភោគបរិភោគ ជូនប្រជាពលរដ្ឋភៀសសឹក និងគ្រួសារកងទ័ពនៅសមរភូមិមុខ ចំនួន២៧៦គ្រួសារ ស្ថិតនៅស្រុកពាមជរ
===================
នាព្រឹកថ្ងៃអាទិត្យ ទី២៨ ខែធ្នូ ឆ្នាំ២០២៥ ឯកឧត្តម ជា សុមេធី រដ្នមន្ត្រីក្រសួងសង្គមកិច្ច និងយុវនីតិសម្បទា និងលោកជំទាវ ព្រមទាំងឯកឧត្តម ពេជ្រ ជីវ័ន តំណាងរាស្រ្ត និងឯកឧត្ដម សួន សុម៉ាលីន អភិបាលនៃគណៈអភិបាលខេត្តព្រៃវែង ព្រមទាំងថ្នាក់ដឹកនាំក្រុមការងាររាជរដ្ឋាភិបាល និងក្រុមការងារគណបក្សប្រជាជនកម្ពុជាចុះមូលដ្ឋានស្រុកពាមជរ​ ខេត្តព្រៃវែង​ បានអញ្ចើញចុះជួបសំណេះសំណាល សួរសុខទុក្ខ និងនាំយកអំណោយជាសម្ភារៈ និងគ្រឿងឧបភោគបរិភោគផ្ទាល់ខ្លួនរបស់ឯកឧត្តម ជា សុមេធី និងលោកជំទាវ ព្រមទាំងសប្បុរសជននានា ជូនប្រជាពលរដ្ឋភៀសសឹក និងក្រុមគ្រួសាររបស់កងទ័ពនៅសមរភូមិមុខ ចំនួន ២៧៦គ្រួសារ ។ ពិធីនេះស្ថិតនៅវិទ្យាល័យរស្មីសាមគ្គី ស្រុកពាមជរ ខេត្តព្រៃវែង។

អំណោយរួមមាន៖
១-អង្ករ ២០គីឡូក្រាម
២-ទឹកសុទ្ធ(ហាយតិច) ១កេស
៣-ទឹកត្រី ៣ដប
៤-ទឹកស៊ីអ៊ីវ ៣ដប
៥-ត្រីខ ៥កំប៉ុង
៦-ប្រេងឆា ១ដប
៧-មី ១៥កញ្ចប់
៨-ភួយ ១
៩-ថ្នាំពេទ្យ ១កញ្ចប់
១០-ឆាសៀង ១កំប៉ុង
១១-ឆៃប៉ូវ ១កញ្ចប់
១២-ក្នុងម្នាក់ ៣០,០០០រៀល
១៣-សម្ភារៈកូនក្មេង ៦០ឃីត (ទឹកដោះគោ នំ តុក្កតា និងវីតាមីន ក្នុងមួយឃីត)

ក្នុងឱកាសនេះផងដែរ ឯកឧត្តម ជា សុមេធី រដ្នមន្ត្រីក្រសួងសង្គមកិច្ច និងយុវនីតិសម្បទា បានពាំនាំប្រសាសន៍​សួរសុខទុក្ខរបស់សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ
និងជាប្រធានព្រឹទ្ធសភា នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ហ៊ុនម៉ាណែត និងសម្ដេចក្រឡាហោម ស ខេង ឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងលោកជំទាវ ញ៉ែម សាខន សខេង ជូនបងប្អូនប្រជាពលរដ្ឋភៀសសឹក និងក្រុមគ្រួសាររបស់កងទ័ពនៅសមរភូមិមុខ ផងដែរ។

ឯកឧត្តម រដ្នមន្ត្រី ជា សុមេធី និងលោកជំទាវសូមថ្លែងអំណរគុណយ៉ាងជ្រាលជ្រៅ ចំពោះសប្បុរសជនទាំងអស់ ដែលបានជួយឧបត្ថម្ភ និងសូមអរគុណដល់ក្រុមការងារ ដែលបានចូលរួមសាមគ្គីគ្នាយ៉ាងសស្រាក់សស្រាំជួយរៀបចំ និងវេចខ្ចប់អំណោយបានទាន់ពេលវេលា។