HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ជើញចុះត្រួតពិនិត្យការសាងសង់ផ្ទះជូន បងប្អូនអតីតយុទ្ធជន ដែលជាអំណោយដ៏ថ្លៃថ្លារបស់ឯកឧត្តម ឧបនាយករដ្ឋមន្ត្រី នេត សាវឿន **|**

លោកឧត្តមសេនីយ៍ទោ ហេង វុទ្ធី អញ្ជើញចុះត្រួតពិនិត្យការសាងសង់ផ្ទះជូន បងប្អូនអតីតយុទ្ធជន ដែលជាអំណោយដ៏ថ្លៃថ្លារបស់ ឯកឧត្តម ឧបនាយករដ្ឋមន្ត្រី នេត សាវឿន

ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅព្រឹកថ្ងៃសៅរ៍ ទី២៧ ខែធ្នូ ឆ្នាំ២០២៥នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្ត និងជាប្រធានលេខាធិការដ្ឋាន អ.ន.ក ខេត្តកំពង់ចាម អញ្ជើញចុះត្រួតពិនិត្យការសាងសង់ផ្ទះជូនអតីតយុទ្ធជន សរុបចំនួន២១ខ្នងផ្ទះ លើស្រុកចំនួន ៧ ក្នុងនោះបានសាងសង់រួចរាល់ជាស្ថាពរ ចំនួន០៥ខ្នងផ្ទះ ស្ថិតក្នុងស្រុកបាធាយ និងនៅសល់ចំនួន ១៦ខ្នងផ្ទះ បាននឹងកំពុងពន្លឿនការសាងសង់ ជាអំណោយដ៏ថ្លៃថ្លារបស់ ឯកឧត្តម សន្តិបណ្ឌិត នេត សាវឿន ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម ។

ជាមួយគ្នានេះ លោកឧត្តមសេនីយ៍ទោ ហេង វុទ្ធី ក៏បានបន្ដចុះត្រួតពិនិត្យការសាងសង់អាគាររដ្ឋបាល និងការជួសជុលកែលម្អ រោងសម្រាប់ដាក់រថយន្ដពន្លត់អគ្គិភ័យរបស់អធិការដ្ឋាននគរបាលស្រុកជើងព្រៃ និងស្រុកព្រៃឈរ ។

ក្នុងឱកាសនោះដែរ លោកឧត្តមសេនីយ៍ស្នងការ ក៏បានជួបសំណេះសំណាល និងត្រួតពិនិត្យកងកម្លាំង តាមបណ្ដាអធិការដ្ឋាននគរបាលស្រុកទាំងបីខាងលើ និងបានធ្វើការណែនាំ និងផ្សព្វផ្សាយនូវអនុសាសន៍របស់ថ្នាក់ដឹកនាំ និងបានឱ្យកងកម្លាំងទាំងអស់បង្កើនការយកចិត្តទុកដាក់ខ្ពស់ ក្នុងការបន្ដផ្ដល់សេវាសំណូមពរ និងសេវាធារណៈជូនប្រជាពលរដ្ឋឱ្យបានឆាប់រហ័ស តាមដែលអាចធ្វើទៅបាន និងត្រូវបន្ដពង្រឹងវិធានការ បង្ការ ទប់ស្កាត់ និងបង្ក្រាបគ្រប់បទល្មើស និងការគ្រប់គ្រងការងារសន្តិសុខ ការរៀបចំសណ្ដាប់ធ្នាប់សាធារណៈ ដើម្បីធានាបាននូវសុវត្ថិភាពខ្ពស់ ជូនថ្នាក់ដឹកនាំ ភ្ញៀវជាតិ អន្តរជាតិ ព្រមទាំងបងប្អូនប្រជាពលរដ្ឋក្នុងមូលដ្ឋាន និងការធ្វើដំណើរឆ្លងកាត់ក្នុងភូមិសាស្ត្រខេត្តកំពង់ចាម ៕