HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម សែ វុទ្ធី អនុប្រធានក្រុមការងារគណបក្ស ចុះជួយមូលដ្ឋានស្រុកស្វាយទាប អញ្ជើញធ្វើពិធីក្រុងពាលី កសាងទីស្នាក់ការគណបក្សប្រជាជនកម្ពុជា ឃុំសំបួរ និងហេដ្ឋារចនាសម្ព័ន្ធនានា (ទីតាំងថ្មី) ស្ថិតនៅឃុំសំបួរ ស្រុកស្វាយទាប ខេត្តស្វាយរៀង **|**

ទីស្នាក់ការគណបក្សប្រជាជនកម្ពុជា ឃុំសំបួរ(ថ្មី) គ្រោងចំណាយថវិកាសរុប ២៨៨,១៨៧ ដុល្លារ!

ស្វាយរៀង៖នៅព្រឹកថ្ងៃពុធ ទី៣ ខែធ្នូ ឆ្នាំ២០២៥ ឯកឧត្តម សែ វុទ្ធី អនុប្រធានក្រុមការងារចុះជួយមូលដ្ឋានស្រុកស្វាយទាប និងជាប្រធានក្រុមការងារចុះជួយមូលដ្ឋានឃុំសំបួរ និងលោកឧកញ៉ា ឯកឧត្តម អនុប្រធានក្រុមការងារថ្នាក់កណ្តាលចុះជួយមូលដ្ឋានឃុំសំបួរ លោក ជា ហ៊ន ប្រធានគណបក្សស្រុកស្វាយទាប លោក-លោកស្រីអនុប្រធានក្រុមការងារថ្នាក់ស្រុកចុះជួយមូលដ្ឋានឃុំសំបួរ លោក-លោកស្រីប្រធាន អនុប្រធាន សមាជិកគណបក្សឃុំ និងប្រធានសាខាបក្សភូមិ បានអញ្ជើញធ្វើពិធីក្រុងពាលីកសាងទីស្នាក់ការគណបក្សប្រជាជនកម្ពុជា ឃុំសំបួរ និងហេដ្ឋារចនាសម្ព័ន្ធនានា (ទីតាំងថ្មី) ស្ថិតនៅភូមិអូក្អាម ឃុំសំបួរ ស្រុកស្វាយទាប ខេត្តស្វាយរៀង។

សូមបញ្ជាក់ថា៖ ដោយពិនិត្យឃើញទីស្នាក់ការគណបក្សប្រជាជនកម្ពុជា ឃុំសំបួរ មានសភាពតូចចង្អៀត ឯកឧត្តម សែ វុទ្ធី បានពិភាក្សាជាមួយគណៈអចិន្ត្រៃគណបក្សឃុំ ស្នើសុំទៅគណបក្សខេត្ត និងក្រុមការងារបានសម្រេចចិត្តទិញដីមួយកន្លែងស្ថិតនៅភូមិអូក្អាម ចំនួន ១០,០០០ម៉ែត្រការ៉េ ក្រោយបានទិញដីរួចមកបានធ្វើការចាក់ដីបំពេញ ធ្វើរបង ខួងអណ្តូង តភ្ជាប់ចរន្តអគ្គីសនី និងបំពាក់សូឡាបំភ្លឺចំណាយថវិកាចំនួន ១០០,៦២៥ដុល្លារ ។ ចំពោះការគ្រោងចំណាយការសាងសង់ទីស្នាក់ការគណបក្សប្រជាជនកម្ពុជាឃុំសំបួរ មានទទឹង៣១,៥ម៉ែត្រ បណ្តោយ ១២ម៉ែត្រ បូកផ្នែកខាងមុខ ៨ម៉ែត្រ គុណនឹង ៨ម៉ែត្រ ដែលមានទំហំសរុប ៤៤២ម៉ែត្រការ៉េ គ្រោងចំណាយថវិកាអស់ចំនួន ១៨៧,៥៦២ ដុល្លារ សរុបថវិកាទាំងអស់ចំនួន ២៨៨,១៨៧ដុល្លារ (ពីរសែនប្រាំបីម៉ឺនប្រាំបីពាន់មួយរយប៉ែតសិបប្រាំពីរដុល្លារ) ។