HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ជើញទទួលបដិសណ្ឋារកិច្ច គណៈប្រតិភូខេត្តប៊ិញភឿក ប្រទេសវៀតណាម អញ្ជើញជូនពរ និងអបអរសាទរបុណ្យចូលឆ្នាំថ្មី ប្រពៃណីជាតិខ្មែរ **|**

ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ជើញទទួលបដិសណ្ឋារកិច្ច គណៈប្រតិភូខេត្តប៊ិញភឿក ប្រទេសវៀតណាម អញ្ជើញជូនពរ និងអបអរសាទរបុណ្យចូលឆ្នាំថ្មី ប្រពៃណីជាតិខ្មែរ

អភិបាលខេត្តកំពង់ចាម អញ្ជើញទទួលបដិសណ្ឋារកិច្ច គណៈប្រតិភូខេត្តប៊ិញភឿក ប្រទេសវៀតណាម អញ្ជើញជូនពរ និងអបអរសាទរបុណ្យចូលឆ្នាំថ្មី ប្រពៃណីជាតិខ្មែរ

នាព្រឹកថ្ងៃទី២៦ ខែមីនា ឆ្នាំ២០២៥ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញទទួលបដិសណ្ឋារកិច្ចគណៈប្រតិភូខេត្តបិញភឿកនៃសាធារណរដ្ឋសង្គមនិយមវៀតណាម ដែលដឹកនាំដោយលោកជំទាវ ត្រើន ទ្វេហៀន អនុលេខាគណៈកម្មាធិការបក្សខេត្ត និងជាប្រធាន គណៈកម្មាធិការប្រជាជនខេត្តបិញភឿក (អភិបាលខេត្ត) ដើម្បីចូលរួមជូនពរ និងអបអរសាទរ បុណ្យចូលឆ្នាំថ្មីប្រពៃណីជាតិ ខ្មែរ ឆ្នាំម្សាញ់ សប្តស័ក ព.ស. ២៥៦៨ នៅ សាកលាខេត្តកំពង់ចាម។

មានប្រសាសន៍នាឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានសម្តែងនូវការស្វាគមន៍ និង ថ្លែងអំណរគុណយ៉ាងជ្រាលជ្រៅ ចំពោះវត្តមានរបស់គណៈប្រតិភូខេត្តប៊ិញភឿក និងភ្ញៀវកិត្តិយសទាំងអស់ ដែលបាន ចំណាយពេលវេលាដ៏មមាញឹក ផ្តល់កិត្តិយស អញ្ជើញចូលរួម ក្នុងពីធីជូនពរ និងអបអរសាទរ ពិធី បុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ព.ស. ២៥៦៨ គ.ស.២០២៥ នៅក្នុងខេត្តកំពង់ចាម នាពេលនេះ ប្រកបដោយ ភាតរភាព មិត្តភាព និងពោរពេញដោយស្នាមញញឹម ដើម្បីត្រៀមទទួលយកអំណរ សាទរពរជ័យឆ្នាំថ្មី ដែលនឹងឈានចូលមកនៅថ្ងៃទី ១៤-១៥-១៦ ខែមេសា ឆ្នាំ២០២៥ នាពេលដ៏ខ្លីខាងមុខនេះ។

ឯកឧត្តម អ៊ុន ចាន់ មានប្រសាសន៍បន្តថា នាពេលបច្ចុប្បន្នមិនមានជាប់ព្រំប្រទល់ ជាមួយប្រទេសវៀតណាមក៏ដោយ ប៉ុន្តែក្រោមការដឹកនាំរបស់ថ្នាក់ដឹកនាំខេត្តកំពង់ចាមជំនាន់មុន ដែលដឹកនាំ ដោយសម្តេចទេពញ្ញាណ ហ៊ុន ណេង តែងតែមានទំនាក់ទំនងល្អជាមួយបងប្អូនប្រជាជនវៀតណាម ដូច្នេះ ក្នុងនាមឯកឧត្តម ជាថ្នាក់ដឹកនាំខេត្តជំនាន់ក្រោយ គឺត្រូវតែបន្តរក្សានូវប្រពៃណីយ៍ ទំនាក់ទំនងល្អ ដែលនាំមកនូវភាពរីកចម្រើនសម្រាប់ ជីវភាពនៃប្រជាជនយើងទាំង២ផង ក៏ដូចជាខេត្តកំពង់ចាម និងខេត្តប៊ិញភឿក ផងដែរ។

ឯកឧត្តមអភិបាលខេត្ត មានប្រសាសន៍បន្ថែមថា រដ្ឋបាលខេត្តកំពង់ចាម នឹងបន្តពង្រឹងទំនាក់ទំនង កិច្ចសហប្រតិបត្តិការល្អ ជាមួយអាជ្ញាធរខេត្តបិញភឿកនៃសាធារណៈរដ្ឋសង្គមនិយមវៀតណាម ក្នុងការការពារ សន្តិសុខ សណ្តាប់ធ្នាប់ និងការអភិវឌ្ឍ ប្រកបដោយ មិត្តភាព សាមគ្គីភាព និងមានកិច្ចសហប្រតិបត្តិការល្អប្រសើរ ឋិតថេរ គង់វង្សតរៀងទៅ។