HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឧត្តមសេនីយ៍ឯក ហួត ឈាងអន អញ្ចើញអមដំណើរជាមួយ នាយឧត្តមសេនីយ៍ វង្ស ពិសេន អញ្ចើញចុះសួរសុខទុក្ខ សំណេះសំណាល និងនាំថវិកាឧបត្ថម្ភកងកម្លាំងការពារតាមបន្ទាត់ព្រំដែនកម្ពុជា-វៀតណាម ទិសយោធភូមិភាគទី២ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ
================
(ខេត្តក្រចេះ)៖នៅព្រឹកថ្ងែអាទិត្យ ៩កើត ខែចេត្រ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី០៦ ខែមេសា ឆ្នាំ២០២៥ ឯកឧត្តម ឧត្តមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការ ចលនូប្បត្ថម្ភ អគ្គបញ្ជាការ បានអញ្ចើញអមដំណើរជាមួយឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ អញ្ចើញចុះសួរសុខទុក្ខ សំណេះសំណាល និងនាំថវិកាឧបត្ថម្ភកងកម្លាំងការពារតាមបន្ទាត់ព្រំដែនកម្ពុជា-វៀតណាម ទិសយោធភូមិភាគទី២ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។ពិធីនេះធ្វើឡើងនៅទីបញ្ជាការវរសេនាតូចលេខ២២៥ ស្ថិតក្នុងភូមិសាស្រ្តស្រុកស្នួល ខេត្តក្រចេះ ។

ក្នុងឱកាសនោះ ឯកឧត្តម នាយឧត្ដមសេនីយ៍ វង្ស ពិសេន បានពាំនាំនូវការផ្តាំផ្ញើសួរសុខទុក្ខពីសម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត, ឯកឧត្តម នាយឧត្ដមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលតែងតែបានយកចិត្តទុកដាក់ពីសុខទុក្ខកងទ័ព និងក្រុមគ្រួសារកងទ័ព។

ស្របពេលដែលពិធិបុណ្យចូលឆ្នាំថ្មីប្រពៃណីជាតិខ្មែរ នឹងឈានមកដល់នាពេលខាងមុខនេះ ឯកឧត្តម អគ្គមេបញ្ជាការ បានជូនពរដល់ថ្នាក់ដឹកនាំ នាយទាហាន នាយទាហានរង និងពលទាហានទាំងអស់ដែលកំពុងបំពេញការងារនៅតាមបន្ទាត់ព្រំដែន សូមមានសុខភាពល្អ កម្លាំងមាំមួន ទទួលជោគជ័យក្នុងភារកិច្ច ព្រមទាំងបានឧបត្ថម្ភថវិកាមួយចំនួនផងដែរ៕