HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ជើញចុះត្រួតពិនិត្យ វឌ្ឍនភាព នៃការសាងសង់អាគាររដ្ឋបាលថ្មី របស់អធិការដ្ឋាននគរបាលស្រុកព្រៃឈរ និងអាគារប៉ុស្តិ៍នគរបាលរដ្ឋបាលមួយចំនួនទៀត ក្នុងស្រុកជើងព្រៃ និងស្រុកបាធាយ
===================
នាព្រឹកថ្ងៃព្រហស្បតិ៍ ទី២២ ខែឧសភា ឆ្នាំ២០២៥ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានអញ្ចើចុះត្រួតពិនិត្យវឌ្ឍនភាពនៃការសាងសង់អាគាររដ្ឋបាលថ្មី របស់អធិការដ្ឋាននគរបាលស្រុកព្រៃឈរ និងអាគារប៉ុស្តិ៍នគរបាលរដ្ឋបាលមួយចំនួនទៀត ក្នុងស្រុកជើងព្រៃ និងស្រុកបាធាយ ។

ជាមួយនឹងការអញ្ជើញចុះត្រួតពិនិត្យការសាងសង់អាគារថ្មីនេះ លោកឧត្តមសេនីយ៍ទោ ហេង វុទ្ធី ក៏បានចុះត្រួតពិនិត្យ តាមដានការផ្ដល់អត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋនៅតាមបណ្ដា អធិការដ្ឋាននគរបាលស្រុក និងប៉ុស្តិ៍នគរបាលរដ្ឋបាល និងបានអំពាវនាវដល់បងប្អូនប្រជាពលរដ្ឋទាំងអស់ ដែលមានអត្តសញ្ញាណប័ណ្ណហួសសុពលភាព ឬសុពលភាពនៅសល់តិចជាង ឬត្រឹម១៨០ថ្ងៃ សូមអញ្ជើញមកបំពេញបែបបទសុំប្តូរយកអត្តសញ្ញាណប័ណ្ណសញ្ជាតិខ្មែរថ្មី ចំពោះពលរដ្ឋដែលមានអាយុ ១៥ឆ្នាំឡើង ហើយពុំទាន់មានអត្តសញ្ញាណប័ណ្ណសញ្ជាតិខ្មែរ សូមអញ្ជើញទៅធ្វើឲ្យបានគ្រប់ៗគ្នា នៅប៉ុស្តិ៍នគរបាលរដ្ឋបាលឃុំ សង្កាត់ ឬអធិការដ្ឋាននគរបាលក្រុង ក្រុង/ស្រុក នៃលំនៅឋានអចិន្ត្រៃយ៍ របស់ខ្លួន ដើម្បីជាផលប្រយោជន៍ក្នុងការប្រើប្រាស់ប្រចាំថ្ងៃរបស់បងប្អូន ។

បន្ទាប់មក លោកឧត្តមសេនីយ៍ស្នងការ និងសហការី ក៏បានបន្ដចុះត្រួតពិនិត្យទីតាំងមួយកន្លែង ក្នុងស្រុកចំការលើ ដែលត្រូវត្រៀមរៀបចំកម្មវិធីជូនថ្នាក់ដឹកនាំ នាពេលខាងមុខនេះ ៕