HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ឧត្តមសេនីយ៍ឯក សុខ វាសនា និងលោកជំទាវ អញ្ជើញចុះពិនិត្យស្ថានភាព និងសំណេះសំណាលសាកសួរសុខទុក្ខជាមួយកម្លាំងការពារព្រំដែនគោកលេខ៨២៣ ៣១០ ខេត្តបាត់ដំបង និងវរសេនាតូចនគរបាលការពារព្រំដែនលេខ ៨២១ ខេត្តប៉ៃលិន
=================
ខេត្តបាត់ដំបង៖ នៅព្រឹកថ្ងៃសុក្រ ១០រោច ខែជេស្ឋ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី២០ ខែមិថុនា ឆ្នាំ២០២៥នេះ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ និងលោកជំទាវ ព្រមទាំងថ្នាក់ដឹកនាំ នៃអគ្គនាយកដ្ឋាអន្តោប្រវេសន៍ជាច្រើនរូប បានអញ្ជើញចុះសួរសុខទុក្ខកកងកម្លាំងកងវរសេនាតូចនគរបាលការពារព្រដែន ដែលកំពុងឈរជើងការពារនៅតាមបន្ទាត់ព្រំដែន ក្នុងភូមិសាស្ត្រខេត្តបាត់ដំបង និងប៉ៃលិន។

ឯកឧត្តម ឧត្តមសេនីយ៍ឯក សុខ វាសនា និងលោកជំទាវ ព្រមទាំងគណៈប្រតិភូបានអញ្ជើញចុះសួរសុខទុក្ខនៅតាមអង្គភាពកងកម្លាំងកំពុងឈរជើងនៅតាមបន្ទាត់ព្រំដែន រួមមាន វរសេនាតូចនគរបាលការពារព្រំដែនលេខ ៨២៣ ៣១០ ខេត្តបាត់ដំបង និងវរសេនាតូចនគរបាលការពារព្រំដែនលេខ ៨២១ខេត្តប៉ៃលិន។

ក្នុងឱកាសចុះសួរសុខទុក្ខនៅតាមអង្គភាពកងកម្លាំងកំពុងឈរជើងនៅតាមបន្ទាត់ព្រំដែន ឯកឧត្តម អគ្គនាយក ក៏បានមានប្រសាសន៍កោតសរសើរ និងលើកទឹកចិត្តដល់កងកម្លាំងដែលបានបំពេញភារកិច្ចរបស់ខ្លួនក្នុងការការពារបូរណភាពទឹកដី និងរក្សាសុវត្ថិភាព សន្តិសុខ ជូនប្រជាពលរដ្ឋបានយ៉ាងល្អប្រសើរ។

ឯកឧត្តម ឧត្តមសេនីយ៍ឯក អគ្គនាយក និងគណៈប្រតិភូ ក៏បានពាំនាំនូវការផ្ដាំផ្ញើសួរសុខទុក្ខដល់បងប្អូនកងកម្លាំងវរសេនាតូចទាំងអស់ពីសំណាក់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនចំពោះកងកម្លាំងដែលឈរជើងតាមបន្ទាត់ព្រំដែនខេត្តបត់ដំបង និងខេត្តប៉ៃលិន សូមយកចិត្តថែរក្សាសុខភាព និងសូមមានការប្រុងប្រយ័ត្នខ្ពស់ និងត្រៀមលក្ខណៈឱ្យបានជាប់ជាប្រចាំសម្រាប់ករណីចាំបាច់ណាមួយកើតឡើង។

ក្នុងឱកាសនោះដែរ ឯកឧត្តម អគ្គនាយក បាននាំយកនូវឧបភោគបរិភោគ និងថវិកាមួយចំនួនជូនដល់កងកម្លាំងគ្រប់អង្គភាពទាំងនោះផងដែរ។

ឆ្លៀតឱកាសនោះដែរ ឯកឧត្តម អគ្គនាយក និងគណៈប្រតិភូ ក៏បានឆ្លៀតចូលសំណេះសំណាលជាមួយកងកម្លាំងនគរបាលច្រកទ្វារព្រំដែនអន្តរជាតិព្រំ ក្នុងភូមិសាស្ត្រខេត្តប៉ៃលិន។