HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្ដមសន្តិបណ្ឌិត សុខ ផល ប្រធានក្រុមការងាររាជរដ្នាភិបាលចុះមូលដ្ឋានស្រុកបាណន់ អញ្ចើញជាអធិបតីភាពដ៏ខ្ពង់ខ្ពស់ ក្នុងពិធីសំណេះសំណាល និងនាំយកសម្ភារ: និងថវិកា ផ្តល់ជូនលោកគ្រូ អ្នកគ្រូ និងសិស្សថ្នាក់ទី១២ នៅវិទ្យាល័យសម្តេចក្រឡាហោម ស ខេង កន្ទឺ២ **|**

ឯកឧត្ដមសន្តិបណ្ឌិត សុខ ផល អញ្ចើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាល និងនាំយកសម្ភារ: និងថវិកា ផ្តល់ជូនលោកគ្រូ អ្នកគ្រូ និងសិស្សថ្នាក់ទី១២ នៅវិទ្យាល័យសម្តេចក្រឡាហោម ស ខេង កន្ទឺ២
==================
(ស្រុកបាណន់)៖នៅថ្ងៃអាទិត្យ ១៣កើត ខែជេស្ឋ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៨ ខែមិថុនា ឆ្នាំ២០២៥ ឯកឧត្ដមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានក្រុមការងាររាជរដ្នាភិបាលចុះមូលដ្ឋានស្រុកបាណន់ បានអញ្ចើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាល និងនាំយកកៅអី ចំនួន១៥០ឈុត និងថវិកាមួយចំនួន ផ្តល់ជូនលោកគ្រូ អ្នកគ្រូ និងសិស្សថ្នាក់ទី១២ រៀនបំប៉នត្រៀមប្រឡងចំនួន ២២២ នៅវិទ្យាល័យសម្តេចក្រឡាហោម ស ខេង កន្ទឺ២ ស្ថិតក្នុងស្រុកបាណន់ ខេត្តបាត់ដំបង។ ក្នុងពិធីនេះដោយមានការចូលរួមពីក្រុមការងារចុះមូលដ្នានស្រុក -ឃុំ លោកអភិបាលស្រុកបាណន់ លោក លោកស្រី លោកគ្រូ អ្នកគ្រូ សិស្សថ្នាក់ទី១២ ជាច្រើននាក់ទៀត។

ក្នុងពិធីនេះសំណេះសំណាលនេះដែរ ឯកឧត្តមសន្តិបណ្ឌិត សុខ ផល បានឧបត្ថម្ភដល់សិស្សានុសិស្ស ចំនួន២២២នាក់ ក្នុងម្នាក់ៗទទួលបានសម្ភារៈសិក្សា១ឈុត និងថវិកា ៣០,០០០រៀល ព្រមទាំងឧបត្ថម្ភថវិកា ជូនលោកនាយក ចំនួន២៤០០ដុល្លារដើម្បីទិញកៅអីបង្វែរមកទិញកង្ហាល់ដាក់តាមថ្នាក់រៀនវិញ ទីកន្លែងនៅបរិវេណវិទ្យាល័យ ស ខេង កន្ទឺ២ ។

បន្ទាប់មកឯកឧត្ដមសន្តិបណ្ឌិត សុខ ផល ប្រធានក្រុមការងាររាជរដ្នាភិបាលចុះមូលដ្ឋានស្រុកបាណន់ បានអញ្ចើញបន្តចុះពិនិត្យសកម្មភាពយុវជនសិក្សាជំនាញកុំព្យូទ័រ នៅទីស្នាក់ការគណបក្សប្រជាជនកម្ពុជា ឃុំកន្ទឺ២ និងឃុំឈេីទាល ថែមទៀត ៕