HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា អញ្ជើញជួបពិភាក្សាការងារ ជាមួយឯកឧត្តម វ៉ាង ជីមីន ( WANG ZHIMIN) សមាជិកគណៈកម្មាធិការអចិន្ត្រៃយ៍ និងជាអនុប្រធានគណៈកម្មាធិការកិច្ចការជនជាតិ នៃសភាប្រជាជនចិន ទូទាំងប្រទេស **|**

ឯកឧត្តម ប៉ា សុជាតិវង្ស អញ្ជើញជួបពិភាក្សាការងារជាមួយ ឯកឧត្តម វ៉ាង ជីមីន ( WANG ZHIMIN) សមាជិកគណៈកម្មាធិការអចិន្ត្រៃយ៍ និងជាអនុប្រធានគណៈកម្មាធិការកិច្ចការជនជាតិ នៃសភាប្រជាជនចិន ទូទាំងប្រទេស
==================
ឯកឧត្តម ប៉ា សុជាតិវង្ស ប្រធានគណៈកម្មការអប់រំ យុវជន កីឡា ធម្មការ សាសនា វប្បធម៌នៃរដ្ឋសភា នារសៀលថ្ងៃទឺ១៥ ខែកក្កដា ឆ្នាំ២០២៥ បានអញ្ជើញជួបពិភាក្សាការងារជាមួយឯកឧត្តម វ៉ាង ជីមីន ( WANG ZHIMIN) សមាជិកគណៈកម្មាធិការអចិន្ត្រៃយ៍ និងជាអនុប្រធានគណៈកម្មាធិការកិច្ចការជនជាតិនៃសភាប្រជាជនចិនទូទាំងប្រទេស នៅវិមានរដ្ឋសភា។

ឯកឧត្តម ប៉ា សុជាតិវង្ស បានសម្តែងការស្វាគមន៍យ៉ាងកក់ក្តៅជូនចំពោះ ឯកឧត្តម វ៉ាង ជីមីន និងសមាជិកគណៈប្រតិភូសភាប្រជាជនចិនទាំងអស់ដែល បានអញ្ជើញមកបំពេញទស្សនៈកិច្ចនៅប្រទេសកម្ពុជានាពេលនេះ គឺដើម្បីរិតចំណងមិត្តភាព សាមគ្គីភាព និងកិច្ចសហប្រតិបត្តិការ រវាងប្រទេសទាំងពីរកម្ពុជា-ចិនក្នុងទំនាក់ទំនងដែកថែប មកជាទំនាក់ទំនងត្បូងពេជ្រ និងកិច្ចសហប្រតិបត្តិការស្ថាប័ននីតិប្បញ្ញតិ នៃប្រទេសទាំងពីរកម្ពុជា-ចិនឱ្យកាន់តែស្អិតល្មួតថែមទៀត។

ឯកឧត្តម វ៉ាង ជីមីន បានរំលឹកឡើងវិញពីចំណងមិត្តភាព សាមគ្គីភាព របស់ឯកឧត្តម ម៉ៅ សេទុង ដែលជាថ្នាក់ដឹកនាំជាន់ខ្ពស់របស់ចិន និងសម្តេចព្រះបរមរតនកោដ្ឋ និងបន្តររហូតមកដល់ថ្នាក់ដឹកនាំនាពេលបច្ចុប្បន្ន។
ឯកឧត្តម ក៏បានចែករំឡែកផងដែរលើកាងារគ្រប់គ្រងនិងអភិវឌ្ឍន៍ជនជាតិចិនដែលមានការរីកចម្រើនឡើង។

ឯកឧត្តម ប៉ា សុជាតិវង្ស បានថ្លែងអំណរគុណជូនចំពោះឯកឧត្តម វ៉ាង ជីមីន ដែលបានចែករំលែកបទពិសោធន៍ល្អៗក្នុងការគ្រប់គ្រងគ្រងអភិវឌ្ឍន៍លើការងារជនជាតិនៅប្រទេសចិន។
ឯកឧត្តម ក៏បានជម្រាបជូនភ្ញៀវអំពីការរៀបចំសមាជរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា នីថ្ងៃទី២ និងទី៣ ខែមិថុនា ឆ្នាំ២០២៥ កន្លងមកក្រោមការដឹកនាំសមាជដោយផ្ទាល់ពីសម្តេចអគ្គមហាសេនាបតីតេជោ ហ៊ុន សែន ប្រធានសមាជ និងជាប្រធានព្រឹទ្ធសភា ដោយបានប្រជុំពិភាក្សាយ៉ាងផុលផុសលើប្រធានបទសំខាន់ៗចំនួន៣ រួមមាន៖ ប្រធានបទស្តីពីប្រព័ន្ធគាំពារសង្គម ប្រធានបទស្តីពីសេដ្ឋកិច្ចក្រៅប្រព័ន្ធ និងប្រធានបទស្តីពីវិស័យកសិកម្ម ៕