HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោកឧត្តមសេនីយ៍ទោ ហេង វុទ្ធី និងភរិយា អញ្ជើញនាំយកអំណោយដ៏ថ្លៃថ្លារបស់ សម្ដេចមហាបវរធិបតី និងលោកជំទាវបណ្ឌិត ឧបត្ថម្ភដល់បងប្អូនប្រជាពលរដ្ឋភៀសសឹក ចំនួន ១០៤គ្រួសារ ក្នុងខេត្តកំពង់ចាម

យោងតាមអនុសាសន៍ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ត្រូវយកចិត្តទុកដាក់ខ្ពស់ លើសុវត្ថិភាព សន្តិសុខ និងសណ្តាប់ធ្នាប់ ព្រមទាំងនាំយកអំណោយដ៏ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ឧបត្ថម្ភដល់បងប្អូនប្រជាពលរដ្ឋភៀសសឹក ដែលបានជម្លៀសចេញពីការវាយប្រហារ ឈ្លានពានរបស់កងទ័ពថៃ មកកាន់ទីសុវត្ថិភាព ។

នៅព្រឹកថ្ងៃព្រហស្បតិ៍ ទី៣០ ខែកក្កដា ឆ្នាំ២០២៥នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងភរិយា ព្រមទាំងសហការី បានចុះជួបសំណេះសំណាល សាកសួរសុខទុក្ខ និងនាំយកអំណោយដ៏ថ្លៃថ្លារបស់សម្ដេចបវរធិបតី និងលោកជំទាវបណ្ឌិត ឧបត្ថម្ភដល់ប្រជាពលរដ្ឋភៀសសឹក សរុបចំនួន ១០៤គ្រួសារ ក្នុងនោះមានស្រុកកំពង់សៀម ៤៨គ្រួសារ ស្រុកព្រៃឈរ ៣៦គ្រួសារ និងស្រុកកោះសូទិន ២០គ្រួសារ ។

អំណោយបានចែកជូនប្រជាពលរដ្ឋភៀសសឹកក្នុងមួយគ្រួសារ រួមមាន: ថវិកា ២មុឺនរៀល, អង្ករ ១បេ (២៥គីឡូ), មុី ១កេស, ទឹកសុទ្ធ ១កេស, ត្រីខ ១យួ, ទឹកត្រី ១យួ និងទឹកសុីអុីវ ១យួរ សរុបក្នុងការចំណាយទាំងអស់ចំនួន ១៨,៣០៤,០០០រៀល ។

ក្នុងឱកាសនោះដែរ លោកឧត្តមសេនីយ៍ស្នងការ ក៏បានចាត់តាំងកម្លាំង នៃអធិការដ្ឋាននគរបាលស្រុក នីមួយៗ រៀបចំកម្លាំងការពារ សន្តិសុខ សណ្តាប់ធ្នាប់ ដើម្បីបាននូវសុវត្ថិភាពដល់បងប្អូន ភៀសសឹក ឱ្យបានល្អប្រសើរ ។

ទាំងអស់នេះ សបញ្ជាក់អំពីព្រួយបារម្ភ និងការគិតគូរយកចិត្តខ្ពស់ពីសំណាក់ប្រមុខរាជរដ្ឋាភិបាល និងថ្នាក់ដឹកនាំគ្រប់ជាន់ថ្នាក់ ចំពោះប្រជាពលរដ្ឋកម្ពុជា ៕