HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ស៊ុន សុវណ្ណារិទ្ធិ អញ្ចើញចុះសួរសុខទុក្ខ និងនាំយកអំណោយ ថវិកាឧបត្ថម្ភជូនក្មួយស្រី ទន ម៉ីសៀង និងក្មួយស្រី ទន ម៉ារីណា ដែលត្រូវជាកូនៗរបស់វីរកងទ័ពលោក ចែ ម៉ាញ និងលោកស្រី ភួង ស្រីណាក់ ដែលកំពុងឈរជើងការពារទឹកដី នៅខេត្តព្រះវិហារ
===================
នៅថ្ងៃទី១៤ ខែសីហា ឆ្នាំ២០២៥ ឯកឧត្តម ស៊ុន សុវណ្ណារិទ្ធិ អភិបាលនៃគណ:អភិបាលខេត្តកំពង់ឆ្នាំង រួមជាមួយអភិបាលរងខេត្ត អភិបាលស្រុក និងក្រុមការងារ បានចុះសួរសុខទុក្ខ និងនាំយកអំណោយ ថវិកាឧបត្ថម្ភជូនក្មួយស្រី ទន ម៉ីសៀង អាយុ១១ឆ្នាំ និងក្មួយស្រី ទន ម៉ារីណា អាយុ៨ឆ្នាំ ដែលត្រូវជាកូនៗរបស់វីរកងទ័ពលោក ចែ ម៉ាញ និងលោកស្រី ភួង ស្រីណាក់ ជាកងកម្លាំងនៅអង្គភាពវរៈ២ កងពលតូចអន្តរាគមន៍លេខ១ ដែលកំពុងឈរជើងការពារទឹកដីយ៉ាងអង់អាចក្លាហាន នៅខេត្តព្រះវិហារ។

សូមបញ្ជាក់ថា ពេលឪពុកម្ដាយជាប់បំពេញភារកិច្ចជូនជាតិ ក្មួយស្រីទាំងពីរបានមកស្នាក់នៅជាមួយជីដូនឈ្មោះ ភួង ស្រីអន អាយុ ៦៧ឆ្នាំ នៅភូមិថ្លុកឫស្សី ឃុំសេដ្ឋី ស្រុកសាមគ្គីមានជ័យ ប៉ុន្តែជីដូនរបស់ក្មួយៗមានជំងឺ បានចូលសម្រាកព្យាបាលនៅមន្ទីរពេទ្យ ឪពុកម្ដាយបានផ្ញើក្មួយៗឲ្យស្នាក់នៅជាមួយអ្នករាប់អានគ្នា។ ឯកឧត្តមអភិបាលខេត្ត និងក្រុមការងារក៏បានមកសួរសុខទុក្ខ និងឧបត្ថម្ភថវិកាជូនមីង ភួង ស្រីអន ដែលកំពុងសម្រាកព្យាបាលនៅមន្ទីរពេទ្យបង្អែកកំពង់ត្រឡាចផងដែរ។

ឯកឧត្តមអភិបាលខេត្ត និងក្រុមការងារទាំងអស់ នឹងបន្តយកចិត្តទុកដាក់មើលថែទាំសុខទុក្ខក្មួយៗ និងជីដូន ជូនវីរកងទ័ពលោក ចែ ម៉ាញ និងលោកស្រី ភួង ស្រីណាក់។