HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោក ស៊ីម គង់ អភិបាលស្រុក និងជាប្រធានកិត្តិយស អនុសាខាកាកបាទក្រហមកម្ពុជាស្រុកជើងព្រៃ បានផ្ដល់អំណោយមនុស្សធម៌ ជូនប្រជាពលរដ្ឋ ដែលកំពុងជួបការលំបាក ចំនួន ៥០ គ្រួសារ ក្នុងស្រុកជើងព្រៃ និងយោធិន ១នាក់ នៃផ្នែកសឹករងស្រុកជើងព្រៃ **|**

សំភារៈ និងថវិការបស់ព្រះសង្ឃ និងប្រជាពលរដ្ឋគ្រប់មជ្ឍដ្ឋានត្រូវបានចែករំលែកបន្តជូនប្រជាពលរដ្ឋដែលមានជីវភាពខ្វះខាតតាមរយៈសកម្មភាពមនុស្សធម៌។
=============
អនុសាខាកាកបាទក្រហមកម្ពុជាស្រុកជើងព្រៃ បានផ្ដល់អំណោយមនុស្សធម៌ ជូនប្រជាពលរដ្ឋ ដែលកំពុងជួបការលំបាក ចំនួន ៥០ គ្រួសារ មកពីឃុំចំនួន ០៥ ក្នុងស្រុកជើងព្រៃ ខេត្តកំពង់ចាម និងយោធិន១នាក់នៃផ្នែកសឹករងស្រុកជើងព្រៃ។

ថ្ងៃព្រហស្បតិ៍ ១៣កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែសីហា ឆ្នាំ២០២៥ លោក ស៊ីម គង់ អភិបាលនៃគណៈអភិបាលស្រុកជើងព្រៃ និងជាប្រធានកិត្តិយសអនុសាខាកាកបាទក្រហមកម្ពុជាស្រុកជើងព្រៃ និងលោក ឆាយ វ៉ាន់ស៊ី ប្រធានក្រុមប្រឹក្សាស្រុក ព្រមទាំងថ្នាក់ដឹកនាំ មន្រ្តីរាជការ និងតំណាងកងកម្លាំងប្រដាប់អាវុធទាំងបី ក្នុងស្រុកជើងព្រៃ បានអញ្ជើញផ្ដល់អំណោយមនុស្សធម៌ របស់អនុសាខាកាកបាទក្រហមកម្ពុជាស្រុកជើងព្រៃ ផ្ដល់ជូនប្រជាពលរដ្ឋដែលកំពុងជួបការលំបាក ចំនួន ៥០គ្រួសារ នៅក្នុងឃុំចំនួន ០៥ រួមមាន៖ ឃុំខ្នរដំបង ឃុំគោករវៀង ឃុំផ្តៅជុំ ឃុំសូទិប និងឃុំព្រៃចារ និងយោធិន១នាក់ សរុបចំនួន៥១គ្រួសារ ក្នុងនោះ០១គ្រួសារ ទទួលបាន៖
- អង្ករ ០១ បេ ស្មើនឹង ២៥ គីឡូក្រាម
- មី ០១ កេស
- ត្រីខ ០១ យួរ
- ទឹកត្រី ០១ យួរ
- ទឹកស៊ីអ៊ីវ ០១ យួរ
- ទឹកបរិសុទ្ធ ០៥ យួរ
- ថវិកា ២០,០០០ រៀល

ក្នុងឱកាសនោះដែរលោកអភិបាល ក៏បានពាំនាំយកការផ្ដាំផ្ញើសួរសុខទុក្ខពីសំណាក់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងបានណែនាំឱ្យប្រជាពលរដ្ឋទាំងអស់បន្តគាំទ្រលើរាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា ដើម្បីបន្តថែរក្សាសន្ដិភាព ជាពិសេសនៅក្នុងដំណាក់កាលនេះគឺត្រូវជឿជាក់យ៉ាងមុតមាំលើរាជរដ្ឋាភិបាល និងវីរៈកងទ័ពកម្ពុជាកំពុងឈរជើង ការពារបូរណភាពទឹកដីនៅជួរមុខ ដែលបាននឹងកំពុងធ្វើកិច្ចការយ៉ាងសកម្ម និងប្រកបដោយភាពក្លាហាន មោះមុត ក្នុងការការពារដែនអធិបតេយ្យភាពនិងបូរណភាពទឹកដី និងឧត្តមប្រយោជន៍របស់ជាតិ ប្រជាជនកម្ពុជាទាំងលើសមរភូមិយោធា និងសមរភូមិការទូត ក៏ដូចជាជួយដល់បងប្អូនប្រជាពលរដ្ឋរងផលប៉ះពាល់ ដោយសារការឈ្លានពានរបស់កងទ័ពថៃនៅពេលថ្មីៗនេះ។