HomePage

ថ្ងៃទី២៨ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្ដមបណ្ឌិត សួស គង់ អញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលការងារប្រចាំត្រីមាសទី៣ និងលើកទិសដៅការងារត្រីមាសទី៤ ឆ្នាំ២០២៥ របស់មន្ទីរអភិវឌ្ឍន៍ជនបទខេត្តកំពង់ស្ពឺ
=========================
នាព្រឹកថ្ងៃព្រហស្បតិ៍ ១១រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៨ ខែកញ្ញា ឆ្នាំ២០២៥ មន្ទីរអភិវឌ្ឍន៍ជនបទខេត្តកំពង់ស្ពឺ បានរៀបចំកិច្ចប្រជុំបូកសរុបលទ្ធផលការងារប្រចាំត្រីមាសទី៣ និងលើកទិសដៅការងារត្រីមាសទី៤ ឆ្នាំ២០២៥ របស់មន្ទីរអភិវឌ្ឍន៍ជនបទខេត្តកំពង់ស្ពឺ ក្រោមអធិបតីភាព ឯកឧត្តមបណ្ឌិត សួស គង់ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ប្ញទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងសហការី និងឯកឧត្តម អ៊ុក ផាន់ ទីប្រឹក្សាក្រសួងអភិវឌ្ឍន៍ជនបទ ឯកឧត្ដម សុខ ម៉េង អនុរដ្ឋលេខាធិការ ក្រសួងអភិវឌ្ឍន៍ជនបទ។ ក្នុងនោះក៏មានការចូលរួមផងដែរពី ថ្នាក់ដឹកនាំ និងមន្ត្រីរាជការ នៃមន្ទីរអភិវឌ្ឍន៍ជនបទខេត្ត សរុបចំនួន ៤៣នាក់ ស្រី ១២នាក់។

បន្ទាប់ពីបានចូលរួមក្នុងកិច្ចប្រជុំការងារនៅមន្ទីរអភិវឌ្ឍន៍ជនបទខេត្តកំពង់ស្ពឺរួចមក ឯកឧត្តមបណ្ឌិត សួស គង់ រដ្ឋលេខាធិការ ឯកឧត្តម សុខ ម៉េង អនុរដ្ឋលេខាធិការ ឯកឧត្តម អ៊ុក ផាន់ ទីប្រឹក្សាក្រសួង លោក អៀង ដាំ ប្រធានមន្ទីរអភិវឌ្ឍន៍ជនបទ លោកអនុប្រធានមន្ទីរ និងមន្ត្រីបច្ចេកទេសជាច្រើនរូបទៀត បានចុះពិនិត្យការស្ថាបនាផ្លូវក្រាលកៅស៊ូពិរជាន់១ខ្សែ ប្រវែង ១៣,៣០គ.ម របស់គម្រោងគ្រប់គ្រងគ្រោះបហន្តរាយនៅកម្ពុជា និងអាស៊ីអាគ្នេយ៍ជំហានទី២ (CSADRM-2) មានលេខកូដ KPS8_DRM2 (ដីកណ្តាល-ចេក) ប្រវែង ១៣,៣០ គ.ម ភា្ជប់ពីផ្លូវជាតិលេខ៥១ ត្រង់ភូមិស្តុកស្លាត ឃុំភ្នំតូច ទៅភ្ជាប់ផ្លូវលេខ១៤៤០ ត្រង់ភូមិដីកណ្តាល ឃុំជើងរាស់ ស្រុកសាមគ្គីមុនីជ័យ ខេត្តកំពង់ស្ពឺ គម្រោងវឌ្ឍនភាពជារួម៖ ក្រុមបច្ចេកទេសរបស់ក្រុមហ៊ុនបានធ្វើការវាស់ស្ទង់ និងបានកំពុងធ្វើការ ស្ថាបនាសាងសង់សំណង់សិប្បការបានចំនួន ៣កន្លែង បានឈូសឆាយសម្អាតតួផ្លូវបានប្រវែង ៤,៥០គ.ម ស្មើនឹង ៤,៤១%។ នៅពេលនោះ ឯកឧត្តមបណ្ឌិត សួស គង់ រដ្ឋលេខាធិការ បានជួបសំណេះសំណាលជាមួយមេភូមិ និងប្រជាពលរដ្ឋចំនួន ២៥នាក់ ស្រី ១២នាក់ ហើយពិនិត្យសកម្មភាពធ្វើគ្រិះផ្លូវត្រង់PK1+200។