HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ពិធីសំណេះសំណាល និងផ្តល់អំណោយជូនគ្រួសារ កំពុងជួបការលំបាក ចំនួន ៥០ គ្រួសារ ក្នុងឃុំសំពងជ័យ ស្រុកជើងព្រៃ ក្រោមអធិបតីភាពឯកឧត្តម លន់ លឹមថៃ **|**

ពិធីសំណេះសំណាល និងផ្តល់អំណោយជូនគ្រួសារ កំពុងជួបការលំបាក ចំនួន ៥០ គ្រួសារ ក្នុងឃុំសំពងជ័យ ស្រុកជើងព្រៃ ក្រោមអធិបតីភាពឯកឧត្តម លន់ លឹមថៃ

(ឃុំសំពងជ័យ): ឯកឧត្តម លន់ លឹមថៃ បានអញ្ជើញចែកអំណោយជូនគ្រួសារកំពុងជួបការលំបាក ចំនួន ៥០ គ្រួសារ ក្នុងឃុំសំពងជ័យ

ឯកឧត្តម លន់ លឹមថៃ សមាជិកគណៈកម្មាធិការកណ្ដាលគណបក្សប្រជាជនកម្ពុជា លេខាគណៈកម្មការទី៣ នៃរដ្ឋសភា និងជាអនុប្រធានក្រុមការងារថ្នាក់កណ្ដាលគណបក្សប្រជាជនកម្ពុជាចុះជួយស្រុកជើងព្រៃ ទទួលបន្ទុកឃុំសំពងជ័យ លោក ស៊ីម គង់ សមាជិកគណៈកម្មាធិការគណបក្សខេត្ត ប្រធានគណៈកម្មាធិការគណបក្សស្រុក និងជាប្រធានក្រុមការងារគណបក្សចុះជួយឃុំសំពងជ័យ និងលោក ឆាយ វ៉ាន់ស៊ី សមាជិកគណៈកម្មាធិការគណបក្សខេត្ត និងជាអនុប្រធានប្រចាំការគណៈកម្មាធិការគណបក្សស្រុក ព្រមទាំងក្រុមការងារចុះជួយឃុំសំពងជ័យទាំងអស់ នៅថ្ងៃទី៣០ ខែមករា ឆ្នាំ ២០២៦ បានអញ្ជើញសំណេះសំណាល និងផ្តល់អំណោយជូនគ្រួសារកំពុងជួបការលំបាក ចំនួន ៥០ គ្រួសារ ក្នុងឃុំសំពងជ័យ ស្រុកជើងព្រៃ។

ក្នុងពេលសំណេះសំណាលនោះ ឯកឧត្តម បានពាំនាំនូវប្រសាសន៍ផ្ដាំផ្ញើសួរសុខទុក្ខ ពីសម្ដេចតេជោ ហ៊ុន សែន សម្ដេចធិបតី ហ៊ុន ម៉ាណែត ឯកឧត្តមបណ្ឌិត ម៉ា ឈឿន និងលោកជំទាវបណ្ឌិត អ៊ុក ម៉ាលី ជូនចំពោះ បងប្អូនប្រជាពលរដ្ឋទាំងអស់ ដោយក្ដីនឹករលឹក និងអាណិតអាសូរជាទីបំផុត។

ទាំងនេះ បង្ហាញឲ្យឃើញ ពីក្តីកង្វល់របស់ប្រមុខថ្នាក់ដឹកនាំ ដែលតែងតែបានណែនាំដល់អាជ្ញាធរគ្រប់លំដាប់ថ្នាក់ អោយយកចិត្តទុកដាក់គិតគូរពីសុខទុក្ខ និងជីវភាពរបស់បងប្អូនប្រជាពលរដ្ឋ ហើយត្រូវជួយអន្តរាគមន៍ ជួយដោះស្រាយសម្រាលទុក្ខលំបាក របស់ប្រជាពលរដ្ឋយើង អោយទាន់ពេលវេលា ដោយមិនរើសអើង ឬនិន្នាការនយោបាយអ្វីឡើយ។

ឯកឧត្តម ក៏បានក្រើនរំលឹកដល់បងប្ហូនទាំងអស់គ្នា ត្រូវខិតខំថែទាំសុខភាពអោយបានល្អ តាមវិធានអនាម័យ ស្អាត ៣យ៉ាង ដើម្បីបង្ការ ទប់ស្កាត់ ការពារការឆ្លងនៃជម្ងឺរាតត្បាតនានា ព្រោះថា បើមានការធ្វេសប្រហែស វាអាចនាំអោយប៉ះពាល់ដល់សុខភាពផ្ទាល់ខ្លួន និងសុវត្ថិភាពរបស់បងប្អូនផងដែរ៕