HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា អញ្ជើញចូលរួមក្នុងកម្មវិធី បាឋកថាដ៏មានសារៈសំខាន់ ក្រោមប្រធានបទ កិច្ចព្រមព្រៀងកម្ពុជា-សហរដ្ឋអាមេរិក ស្តីពីការ កំណត់ពន្ធគយ ទៅវិញទៅមក (The Cambodia-US Agreement on Reciprocal Tariffs) **|**

ឯកឧត្តម ប៉ា សុជាតិវង្ស អញ្ជើញចូលរួមក្នុងកម្មវិធីបាឋកថាដ៏មានសារៈសំខាន់ក្រោមប្រធានបទ កិច្ចព្រមព្រៀងកម្ពុជា-សហរដ្ឋអាមេរិក ស្តីពីការកំណត់ពន្ធគយទៅវិញទៅមក” (The Cambodia-US Agreement on Reciprocal Tariffs)
==============
នាព្រឹកថ្ងៃទី៣ ខែកុម្ភៈ ឆ្នាំ២០២៦ ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា បានអញ្ជើញចូលរួមក្នុងកម្មវិធីបាឋកថាដ៏មានសារៈសំខាន់ក្រោមប្រធានបទ “កិច្ចព្រមព្រៀងកម្ពុជា-សហរដ្ឋអាមេរិក ស្តីពីការកំណត់ពន្ធគយទៅវិញទៅមក” (The Cambodia-US Agreement on Reciprocal Tariffs) ក្រោមអធិបតីភាពឯកឧត្តមសាស្ត្រាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈកម្មាធិការផ្តល់យោបល់ លើគោលនយោបាយពាណិជ្ជកម្ម អញ្ជើញធ្វើជាវាគ្មិនកិត្តិយសក្នុងបាឋកថាដ៏មានសារៈសំខាន់ នៅវិមានរដ្នសភា។

កម្មវិធីនេះរៀបចំឡើង ដោយអគ្គលេខាធិការដ្ឋានរដ្ឋសភា ក្រោមការសម្របសម្រួលពី ឯកឧត្តមបណ្ឌិត ឈាង វណ្ណារិទ្ធ អគ្គលេខាធិការរង និងជាប្រធានក្រុមទីប្រឹក្សារដ្ឋសភា ដោយមានការអញ្ជើញចូលរួមពីសមាជិក សមាជិកាគណៈកម្មការជំនាញទាំង១០ ព្រមទាំងថ្នាក់ដឹកនាំ និងមន្ត្រីជំនាញនៃអគ្គលេខាធិការដ្ឋានរដ្ឋសភាជាច្រើនរូប។ តាមរយៈបាឋកថានេះ ឯកឧត្តមសាស្ត្រាចារ្យបណ្ឌិតសភាចារ្យ បានធ្វើការវិភាគយ៉ាងស៊ីជម្រៅ និងច្បាស់លាស់ ដោយផ្អែកលើសូចនករថ្មីៗ នៃរដ្ឋបាលអាណត្តិទីពីរ របស់លោកប្រធានាធិបតី ដូណាល់ ត្រាំ ជាពិសេសគោលនយោបាយ “America First” ដែលផ្ដោតលើការអនុវត្តពន្ធបដិការ។