HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម នាយឧត្តមសេនីយ៍ វង្ស ពិសេន បានអនុញ្ញាតឱ្យអគ្គនាយកក្រុមហ៊ុនមិត្តហ្វូន និងសហការី ចូលជួបសម្តែងការគួរសម និងជូនពរឆ្នាំថ្មី ប្រពៃណីជាតិខ្មែរ **|**

ឯកឧត្តម នាយឧត្តមសេនីយ៍ វង្ស ពិសេន បានអនុញ្ញាតឱ្យអគ្គនាយកក្រុមហ៊ុនមិត្តហ្វូន និងសហការី ចូលជួបសម្តែងការគួរសម និងជូនពរឆ្នាំថ្មី ប្រពៃណីជាតិខ្មែរ

អគ្គមេបញ្ជាការ អនុញ្ញាតឱ្យអគ្គនាយកក្រុមហ៊ុនមិត្តហ្វូន និងសហការី ចូលជួបសម្តែងការគួរសម និងជូនពរឆ្នាំថ្មីប្រពៃណីជាតិខ្មែរ

(ភ្នំពេញ)៖ នៅថ្ងៃទី២៥ ខែមីនា ឆ្នាំ២០២៦ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ បានអនុញ្ញាតឱ្យលោក កៅ ម៉ាញ់ឌឹក អគ្គនាយកក្រុមហ៊ុនមិត្តហ្វូន និងសហការី ចូលជួបសម្តែងការគួរសម និងជូនពរឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៦៩។

ក្នុងឱកាសដ៏ស្និទ្ធស្នាលនោះ លោក កៅ ម៉ាញ់ឌឹក បានថ្លែងនូវការកោតសរសើរខ្ពស់ចំពោះការដឹកនាំរបស់ឯកឧត្តម អគ្គមេបញ្ជាការ ដែលបានខិតខំប្រឹងប្រែងយ៉ាងសកម្ម សម្រេចបាននូវសមិទ្ធផលធំៗជាច្រើនជូនជាតិមាតុភូមិ នាពេលកន្លងមក។

លោកអគ្គនាយកក្រុមហ៊ុន បានបួងសួងដល់វត្ថុស័ក្តិសិទ្ធិក្នុងលោក ជាពិសេសទេវតាឆ្នាំថ្មី សូមជួយប្រោះព្រំសព្ទសាធុការពរជ័យ សិរីសួស្តី ជ័យមង្គល ជូនចំពោះ ឯកឧត្តម និងក្រុមគ្រួសារ សូមមានសុខភាពល្អបរិបូរណ៍ កម្លាំងមាំមួន និងបញ្ញាភ្លឺថ្លា ដើម្បីបន្តដឹកនាំកងយោធពលខេមរភូមិន្ទឱ្យកាន់តែរីកចម្រើនថែមទៀត។

ជាការឆ្លើយតប ឯកឧត្តម នាយឧត្តមសេនីយ៍ វង្ស ពិសេន បានថ្លែងអំណរគុណចំពោះថ្នាក់ដឹកនាំ និងបុគ្គលិកក្រុមហ៊ុនមិត្តហ្វូន ដែលបានចំណាយពេលវេលាដ៏មានតម្លៃមកចូលជួបសម្តែងការគួរសម និងជូនពរឆ្នាំថ្មីដល់ឯកឧត្តមនាពេលនេះ។

ឯកឧត្តម បានវាយតម្លៃខ្ពស់ចំពោះការចូលរួមចំណែករបស់វិស័យឯកជន ក្នុងការជំរុញកំណើនសេដ្ឋកិច្ចជាតិ និងបានជូនពរដល់គណៈគ្រប់គ្រងក្រុមហ៊ុន សូមឱ្យទទួលបានជោគជ័យក្នុងគ្រប់ភារកិច្ច និងអាជីវកម្មកាន់តែរីកចម្រើនរុងរឿងជានិរន្តរ៍៕