HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម លូ គីមឈន់ ប្រតិភូរាជរដ្នាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ ផ្ញើសាររំលែកទុក្ខជូនឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ដ្រី ចំពោះមរណភាពឧបាសិកា នេត សុគន្ធ ត្រូវជាបងស្រីបង្កើត **|**

ឯកឧត្តម លូ គីមឈន់ ប្រតិភូរាជរដ្នាភិបាលកម្ពុជា ផ្ញើសាររំលែកទុក្ខជូន ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ដ្រី ចំពោះមរណភាពឧបាសិកា នេត សុគន្ធ ត្រូវជាបងស្រីបង្កើត

(ភ្នំពេញ)៖ ឯកឧត្តម លូ គីមឈន់ ប្រតិភូរាជរដ្នាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ និងជាប្រធានក្រុមការងាររាជរដ្នាភិបាលចុះជួយមូលដ្នានស្រុកស្រីសន្ធរ ខេត្តកំពង់ចាម និងលោកជំទាវ មានសេចក្តីក្តុកក្តួល រន្ធត់ចិត្ត និងសោកស្តាយឥតឧបមាជាទីបំផុត បន្ទាប់ពីបានទទួលដំណឹងដ៏ក្រៀមក្រំថា ឧបាសិកា នេត សុគន្ធ ត្រូវជាបងស្រីបង្កើត ជាទីគោរពស្រលាញ់របស់ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្នាភិបាលចុះជួយមូលដ្នានខេត្តកំពង់ចាម ដែលបានទទួលមរណភាព នៅវេលាម៉ោង១៣៖៥៧នាទី ថ្ងៃទី៦ ខែកក្កដា ឆ្នាំ២០២៦ ដោយរោគាពាធ ក្នុងជន្មាយុ៧៨ឆ្នាំ។

ក្នុងវេលាប្រកបដោយសេចក្តីទុក្ខសោកដ៏ធំធេងនេះឯកឧត្តម លូ គីមឈន់ ប្រតិភូរាជរដ្នាភិបាលកម្ពុជា សូមចូលរួមរំលែកទុក្ខដោយក្តីសង្វេគជាទីបំផុតជាមួយ ឯកឧត្តមសន្តិបណ្ឌិត នេត សាវឿន ព្រមទាំងក្រុមគ្រួសារ និងញាតិមិត្តជិតឆ្ងាយទាំងអស់ ចំពោះការបាត់បង់ឧបាសិកា នេត សុគន្ធ ដែលជាការបាត់បង់ដ៏ធំធេងនូវមាតាមេត្តាធម៌ ភរិយាដ៏ល្អ បងស្រីជាទីគោរពស្រឡាញ់ និងជាជីដូនជីតាដ៏ប្រពៃ ដែលពេញមួយជីវិតរបស់លោកស្រី បានខិតខំប្រឹងប្រែងកសាង និងថែរក្សាគ្រួសារ ប្រកបដោយគុណធម៌ និងព្រហ្មវិហារធម៌។

ឯកឧត្តម លូ គីមឈន់ ប្រតិភូរាជរដ្នាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ សូមឧទ្ទិសបួងសួងដល់ដួងវិញ្ញាណក្ខន្ធឧបាសិកា នេត សុគន្ធ សូមបានទៅកាន់សុគតិភព កុំបីឃ្លៀងឃ្លាតឡើយ។ សូម ឯកឧត្តមសន្តិបណ្ឌិត នេត សាវឿន ព្រមទាំងក្រុមគ្រួសារ និងញាតិមិត្តជិតឆ្ងាយទាំងអស់ មេត្តាទទួលនូវសេចក្តីគោរពស្រឡាញ់ និងការចូលរួមរំលែកទុក្ខដោយក្តីសោកស្តាយបំផុតពីខ្ញុំបាទ។ សូម ឯកឧត្តមសន្តិបណ្ឌិត នេត សាវឿន ព្រមទាំងក្រុមគ្រួសារ និងញាតិមិត្តជិតឆ្ងាយទាំងអស់ ជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕