ឯកឧត្តម ឧត្តមអគ្គានុរក្សថ្នាក់លេខ១ នុត សវនា អគ្គនាយករង និងជាប្រធានមណ្ឌលអប់រំកែប្រែទី១ អញ្ចើញដឹកនាំប្រជុំបូកសរុបលទ្ធផលការងារប្រចាំសប្តាហ៍ និងលើកទិសដៅការងារបន្ត

ឯកឧត្តម ឧត្តមអគ្គានុរក្សថ្នាក់លេខ១ នុត សវនា អគ្គនាយករង និងជាប្រធានមណ្ឌលអប់រំកែប្រែទី១ បានអញ្ជើញដឹកនាំប្រជុំបូកសរុបលទ្ធផលការងារប្រចាំសប្តាហ៍ និងលើកទិសដៅការងារបន្ត ដោយមានការចូលរួមពីសំណាក់ លោក លោកស្រី អនុប្រធានមណ្ឌល ប្រធានការិយាល័យជំនាញទាំង៥ និងមន្ត្រីគ្រប់លំដាប់ថ្នាក់ ចំណុះមណ្ឌលអប់រំកែប្រែទី១ នៅសាលប្រជុំរបស់មណ្ឌល នាព្រឹកថ្ងៃអង្គារ ទី១៥ ខែកញ្ញា ឆ្នាំ២០២៦។

កិច្ចប្រជុំផ្ដោតសំខាន់លើមួយចំនួន រួមមាន
-បន្តពង្រឹងអនុត្តភារកិច្ច តាមលិខិតបទដ្ឋានគតិយុត្តិ ច្បាប់ស្ដីពីពន្ធនាគារ សេចក្តីណែនាំ ជាពិសេសគោលការណ៍សំខាន់ៗដែលជាការងារស្នូលរបស់មណ្ឌលអប់រំកែប្រែទី១
-បន្តពង្រឹងត្រួតពិនិត្យ គ្រប់មធ្យោបាយដឹកជញ្ជូន ឱ្យបានល្អ
-គ្រប់ការិយាល័យ បន្តពង្រឹងវិន័យ គ្រប់គ្រងតាមដានអវត្តមានមន្ត្រី ឱ្យបានត្រឹមត្រូវ
-មន្ត្រីចាស់ៗមានបទពិសោធន៍ល្អ ត្រូវបន្តចែករំលែកទៅដល់មន្ត្រីជំនាន់ក្រោយៗ ឱ្យទទួលបានចំណេះជំនាញបន្ថែម ដើម្បីពង្រឹងសមត្ថភាពរបស់ខ្លួន ឱ្យកាន់តែល្អប្រសើរ ក្នុងអាជីពជាមន្ត្រីពន្ធនាគារ
-មន្ត្រីចំណុះមណ្ឌលអប់រំកែប្រែទី១ ទាំងអស់ ត្រូវចៀសវាងឱ្យឆ្ងាយពីគ្រឿងញៀន ព្រោះវានាំមកទុក្ខទោស ដល់ខ្លួនឯង និងគ្រួសារ
-ផ្នែកបុគ្គលិកបណ្តុះបណ្ដាល ត្រូវពិនិត្យរៀបចំបែងចែកកម្លាំងមន្រ្តី តាមវេនឱ្យសមាមាត្រគ្នា
-តាមវេនប្រចាំការ បន្តពង្រឹងប្រសិទ្ធភាពការងារ ការគ្រប់គ្រងកម្លាំងមន្ត្រីតាមគោលដៅ ដើម្បីធានាបាននូវការគ្រប់គ្រងប្រកបដោយសន្តិសុខសុវត្ថិភាព
-បន្តពង្រឹង និងបណ្ដុះមន្ត្រីបន្ថែមជួយការងាររដ្ឋបាល តាមការិយាល័យទាំង៥
-ការិយាល័យប្រតិបត្តិ បន្តពង្រឹងការងារគ្រប់គ្រងជនជាប់ឃុំ បន្តរៀបចំឡើងតារាងបញ្ជីជនជាប់ឃុំ ដើម្បីប្រជុំពិនិត្យវាយតម្លៃចំណាត់ថ្នាក់សន្តិសុខ
-តាមផែន តាមការិយាល័យ ត្រូវបន្តពង្រឹងយកចិត្តទុកដាក់ អនុវត្តផែនការ និងទិសដៅមណ្ឌលដែលបានដាក់ចេញ
-បន្តពង្រឹងត្រួតពិនិត្យឆែកឆេរ តាមកងព័ន្ធទាំង៤ ព្រមទាំងច្រកចូលអគារឃុំទាំងអស់
-បន្តសម្អាតអនាម័យ ទាំងក្នុង និងក្រៅបរិវេណជុំវិញមណ្ឌល
-ការិយាល័យជំនាញ ត្រូវបន្តពង្រឹងការងារគ្រប់គ្រងទ្រព្យសម្បត្តិរដ្ឋ អោយបានល្អ កុំមានការបាត់បង់ ទាក់ទងនឹងការងារនេះដែរ បន្ទាប់ពីចប់កិច្ចប្រជុំនេះ ឯកឧត្តមប្រធានមណ្ឌល និងដឹកនាំមន្ត្រីជំនាញ ដើម្បីចូលរួមកិច្ចប្រជុំសំណេះសំណាល និងទទួលប័ណ្ណកម្មសិទ្ធិប្លង់រឹង សម្រាប់មណ្ឌលកែប្រែទី១ នៅមន្ទីររៀបចំដែនដីនគរូបនីយកម្ម សំណង់ និងសុរិយោដីរាជធានីភ្នំពេញ
-ថ្នាក់ដឹកនាំ និងមន្ត្រីទាំងអស់ ត្រូវបន្តពង្រឹងសាមគ្គីភាពផ្ទៃក្នុងឱ្យបានល្អ

ជាកិច្ចបញ្ចប់ នៃអង្គប្រជុំ ឯកឧត្តមប្រធានមណ្ឌល បានកោតសរសើរ និងវាយតម្លៃខ្ពស់នូវលទ្ធផលការងារ ដែលសម្រេចបាន និងសូមប្រសិទ្ធពរជ័យប្រោសព្រំ សិរីមង្គលវិបុលសុខ ជូនដល់ថ្នាក់ដឹកនាំ និងមន្ត្រីចំណុះមណ្ឌលអប់រំកែប្រែទី១ ទាំងអស់ ទទួលបានជ័យជម្នះ សម្រេចគ្រប់ភារកិច្ច ជួបតែសេចក្តីសុខ សេចក្តីចម្រើន និងពុទ្ធពរទាំង៤ ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។