HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តមបណ្ឌិត ប៉ាន់ខែម ប៊ុនថន បានអញ្ចើញដឹកនាំប្រជុំគណៈកម្មការ ត្រៀមរៀបចំពិធីបុណ្យខួបអនុស្សាវរីយ៍ ទិវាជ័យជម្នះ ៧ មករា លើកទី៤៦ (០៧មករា១៩៧៩ -០៧មករា២០២៥) នៅក្រុងប៉ោយប៉ែត
=============
(ប៉ោយប៉ែត)៖នារសៀលថ្ងៃសៅរ៍ទី១៤ ខែធ្នូ ឆ្នាំ២០២៤ ឯកឧត្តមបណ្ឌិត ប៉ាន់ខែម ប៊ុនថន រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត បានអញ្ចើញជាអធិបតីដឹកនាំប្រជុំគណៈកម្មការត្រៀមរៀបចំពិធីបុណ្យខួបអនុស្សាវរីយ៍ទិវាជ័យជម្នះ ៧ មករា លើកទី៤៦ (០៧-មករា-១៩៧៩.០៧-មករា-២០២៥) នៅក្រុងប៉ោយប៉ែត ដែលនឹងរៀបចំដោយក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែតសហការជាមួយរដ្ឋបាលក្រុងប៉ោយប៉ែត។

នាកិច្ចប្រជុំនោះ ឯកឧត្តមបណ្ឌិត ប៉ាន់ខែម ប៊ុនថន បានបញ្ជាក់ថា ថ្ងៃជ័យជម្នះ៧មករា គឺជាថ្ងៃកំណេីតទី២របស់ប្រជាជនកម្ពុជា ដ៏មានតម្លៃមិនអាចបំភ្លេចបាន ឡេីយ ហេីយគុណតម្លៃថ្ងៃជ័យជម្នះ៧មករា ត្រូវបានប្រជាពលដ្ឋកម្ពុជាគ្រប់រូប ចងចាំដក់ជាប់ក្នុងក្រអៅបេះដូង និងរំលឹកលេីកតម្កេីងជានិច្ច។ ជាក់ស្តែងទូទាំងព្រះរាជាណាចក្រកម្ពុជាតែងតែប្រារព្ធរំលឹកខួបអនុស្សាវរីយ៍ទិវាជ័យជម្នះ៧មករា ជារៀងរាល់ឆ្នាំ ក្នុងនោះក្រុងប៉ោយប៉ែតយេីងក៏តែងតែប្រារព្ធធ្វេីជាមួយគ្នាដែរ ព្រោះទិវាជ័យជម្នះ៧មករា ជាកម្មវិធីបុណ្យរបស់ជាតិ និងប្រជាជនកម្ពុជាទាំងអស់គ្នា។

ឯកឧត្តមបណ្ឌិត ប៉ាន់ខែម ប៊ុនថន បានថ្លែងកោតសរសេីរចំពោះថ្នាក់ដឹកនាំ សមាជិកគណៈកម្មការ និងអនុគណៈកម្មការទាំងអស់ដែលមានការយកចិត្តទុកដាក់ខ្ពស់ចំពោះតួនាទីភារកិច្ចរបស់ខ្លួន ហេីយបានត្រៀមលក្ខណៈប្រកបដោយស្មារតីទទួលខុសត្រូវតាមផ្នែករៀងៗខ្លួន។ ឯកឧត្តមប្រធានបានបញ្ជាក់បន្ថែមថា សម្រាប់ពិធីបុណ្យខួបអនុស្សាវរីយ៍ទិវាជ័យជម្នះ៧មករា លើកទី៤៦ (០៧មករា១៩៧៩ -០៧មករា២០២៥) នៅក្រុងប៉ោយប៉ែត នាដេីមឆ្នាំ២០២៥នេះក្រុមការងារទទួលបានព័ត៌មានថានឹងមានបងប្អូនមន្ត្រីរាជការ អាជីវករ ប្រជាពលរដ្ឋ និងយុវជន យុវតី យ៉ាងច្រេីនកុះករត្រៀមចូលរួមអបអរសាទរសប្បាយរីករាយរួមគ្នាដូចឆ្នាំកន្លងទៅ ហេីយកម្មវិធីនេះនឹងប្រារព្ធធ្វេីឡេីងនៅក្នុងបរិវេណបុរីដឹផាក ដែលមានទីតាំងតាមបណ្តោយផ្លូវជាតិលេខ៥ ទល់មុខសួន ប៉ោយប៉ែត តេជោឈ្នះឈ្នះ៕