HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ហួត ឈាងអន អនុប្រធានក្រុមការងារចុះមូលដ្ឋានស្រុកពារាំង បានអញ្ចើញចូលរួមកិច្ចប្រជុំបូកសរុបសកម្មភាពការងារគណបក្សស្រុកពារាំងប្រចាំខែមេសា និងលើកទិសដៅអនុវត្តបន្តខែឧសភា ឆ្នាំ២០២៤
================
នៅព្រឹកថ្ងៃសៅរ៍ ៤រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២៧ ខែមេសា ឆ្នាំ២០២៤ ឯកឧត្តម ហួត ឈាងអន សមាជិកគណកម្មាធិការកណ្ដាលគណបក្សប្រជាជនកម្ពុជា និងជាអនុប្រធានក្រុមការងារចុះមូលដ្ឋានស្រុកពារាំង បានអញ្ចើញចូលរួមកិច្ចប្រជុំបូកសរុបសកម្មភាពការងារគណបក្សស្រុកពារាំងប្រចាំខែមេសា និងលើកទិសដៅអនុវត្តបន្តខែឧសភា ឆ្នាំ២០២៤ ក្រោមអធិបតីភាព ឯកឧត្តម វង្ស ពិសេនសមាជិកគណៈអចិន្ត្រៃ គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានស្រុកពារាំង ខេត្តព្រៃវែង ស្ថិតនៅទីស្នាក់ការគណបក្សស្រុកពារាំង ខេត្តព្រៃវែង។

មានប្រសាសន៍ក្នុងកិច្ចប្រជុំនេះ ឯកឧត្តម វង្ស ពិសេន ប្រធានក្រុមការងារចុះមូលដ្ឋានស្រុកពារាំង បានជំរុញដល់អាជ្ញាធរមូលដ្ឋានបន្តយកចិត្តទុកដាក់រក្សាសន្តិសុខ សណ្តាប់ធ្នាប់សង្គមឲ្យបានល្អថែមទៀត ជាពិសេស អំពីគោលនយោបាយភូមិ ឃុំ មានសុវត្ថិភាព ដោយអាជ្ញាធរគ្រប់ថ្នាក់ត្រូវខិតខំរួមសហការពង្រឹងពង្រីកសមត្ថភាព សកម្មភាព និងបង្កើនស្មារតីទទួលខុសត្រូវឲ្យបានខ្ពស់។

ជាមួយនោះ ឯកឧត្តម វង្ស ពិសេន ក៏បានផ្តាំផ្ញើដល់មន្ត្រីគណបក្សគ្រប់ថ្នាក់ ឲ្យបន្តយកចិត្តទុកដាក់ចុះជាប់ជាប្រចាំនៅមូលដ្ឋាន ជាពិសេសការជួបប្រាស្រ័យនៅតាមខ្នងផ្ទះ ដើម្បីដោះស្រាយរាល់សំណូមពរ បម្រើប្រជាជននៅមូលដ្ឋានឱ្យបានល្អ ទាំងលើការបម្រើសេវាសាធារណៈ ទាំងលើការអភិវឌ្ឍនៅមូលដ្ឋានលើគ្រប់វិស័យ សំដៅលើកកម្ពស់ជីវភាពរស់នៅរបស់ប្រជាជន៕