HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

អណ្តូងទឹកស្អាតចំនួន១០ ជាអំណោយសម្តេចតេជោ និងសម្តេចកិត្តិព្រឹទ្ធបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនគ្រួសារ អតីតយុទ្ធជន នៅមជ្ឍមណ្ឌលអភិវឌ្ឍន៍ ប៊ុន រ៉ានី សែនជ័យ ដំណាក់ត្រយឹង **|**

អណ្តូងទឹកស្អាតចំនួន១០ ជាអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានលោកជំទាវហ៊ុន ម៉ាណា ប្រគល់ជូនគ្រួសារអតីតយុទ្ធជន នៅមជ្ឍមណ្ឌលអភិវឌ្ឍន៍ ប៊ុន រ៉ានី សែនជ័យ ដំណាក់ត្រយឹង ស្ថិតនៅស្រុកភ្នំក្រវាញ ខេត្តពោធិ៍សាត់

(ពោធិ៍សាត់)៖ នៅព្រឹកថ្ងៃសៅរ៍ ទី១៥ ខែមិថុនា ឆ្នាំ២០២៤ នេះ លោកជំទាវ ហ៊ុន ម៉ាណា អគ្គនាយិកា វិទ្យុ-ទូរទស្សន៍បាយ័ន បានអញ្ជើញដឹកនាំក្រុមការងារចុះប្រគល់អណ្ដូងទឹកស្អាតចំនួន១០ ដែលជាអំណោយដ៏ថ្លៃថ្លា របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនដល់បងប្អូន
គ្រួសារអតីតយុទ្ធជន នៅមជ្ឍមណ្ឌលអភិវឌ្ឍន៍ ប៊ុន រ៉ានី សែនជ័យដំណាក់ត្រយឹង ស្ថិតនៅឃុំព្រងិល ស្រុកភ្នំក្រវាញ ខេត្តពោធិ៍សាត់។

នៅក្នុងពិធីប្រគល់អណ្ដូងទឹកស្អាតចំនួន១០នេះ នៅតាមទីតាំងអណ្ដូងទឹកនីមួយៗលោកជំទាវ ហ៊ុន ម៉ាណា បានមានប្រសាសន៍សំណេះសំណាលជាមួយបងប្អូនប្រជាពលរដ្ឋ គ្រួសារអតីតយុទ្ធជន ដែលទទួលអាស្រ័យផលអណ្ដូងទឹកស្អាតនេះ ព្រមទាំងបានពាំនាំនូវការផ្ដាំផ្ញើសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន,សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដែលលោកទាំងអស់តែងតែយកចិត្តទុកដាក់ដល់បងប្អូនប្រជាពលរដ្ឋ គ្រប់ពេលវេលា និងគ្រប់ទីកន្លែង។

លោកជំទាវបានមានប្រសាសន៍ថា បន្ទាប់ពីបងប្អូនគ្រួសារអតីតយុទ្ធជនទទួលបានដី និងបានផ្ទះពីបណ្ដាសប្បុរសជនតាមរយៈកាកបាទក្រហមកម្ពុជារួចហើយ ដោយមើលឃើញពីតម្រូវការនៃការខ្វះខាតទឹកប្រើប្រាស់ទើបសម្ដេចតេជោ និងសម្ដេចកិត្តិព្រឹទ្ធបណ្ឌិត បានរៀបចំដាក់អណ្ដូងទឹកស្អាតជូនដល់បងប្អូនគ្រួសារអតីតយុទ្ធជនទាំងអស់បានប្រើប្រាស់នៅក្នុងភូមិអភិវឌ្ឍន៍ថ្មីនេះ ដើម្បីឲ្យការរស់នៅកាន់តែមានភាពងាយស្រួល ហើយនៅពេលខាងមុខ នឹងមានការផ្ដល់ជូនអណ្ដូងទឹកស្អាតនេះជាបន្តបន្ទាប់ទៀត។

នាឱកាសនោះ លោកជំទាវ ហ៊ុន ម៉ាណា ក៏បាននាំយកនូវអំណោយសម្ដេចតេជោ និងសម្ដេចកិត្តិព្រឹទ្ធបណ្ឌិត ដែលមានជាសំភារៈប្រើប្រាស់ ជូនដល់បងប្អូនប្រជាពលរដ្ឋដែលបានចូលរួមទាំងអស់,ចែកជូននូវកាតាបដែលមានសម្ភារៈសិក្សា សំលៀកបំពាក់ ប្រដាប់ប្រដាប្រើប្រាស់ ជូនដល់សិស្សានុសិស្ស និងចែករទេះរុញសម្រាប់ជនពិការដល់បងប្អូនអតីតយុទ្ធជន ដែលកំពុងរស់នៅទីនេះផងដែរ៕