HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ជើញជាគណៈអធិបតីក្នុងពិធីសូត្រមន្ត ប្រោះព្រុំសុំសេចក្តីសុខ និងសំណេះសំណាល ជូនពរមន្ត្រីរាជការ កងកម្លាំងប្រដាប់អាវុធ នៃរដ្ឋបាលខេត្តកំពង់ចាម ក្នុងឱកាសឆ្នាំថ្មីប្រពៃណីជាតិ ឆ្នាំម្សាញ់ **|**

ពិធីសូត្រមន្តប្រោះព្រុំសុំសេចក្តីសុខ និងសំណេះសំណាល ជូនពរមន្ត្រីរាជការ កងកម្លាំងប្រដាប់អាវុធ នៃរដ្ឋបាលខេត្តកំពង់ចាម ក្នុងឱកាសឆ្នាំថ្មីប្រពៃណីជាតិ

នៅរសៀលថ្ងៃទី៩ ខែមេសា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញជាគណៈអធិបតីក្នុងពិធីសូត្រមន្តប្រោះព្រុំសុំសេចក្តីសុខ និងសំណេះសំណាល ជូនពរមន្ត្រីរាជការ កងកម្លាំងប្រដាប់អាវុធ នៃរដ្ឋបាលខេត្តកំពង់ចាម ក្នុងឱកាសឆ្នាំថ្មីប្រពៃណីជាតិ ឆ្នាំម្សាញ់ សប្ពស័ក ព.ស ២៥៦៩ គ.ស.២០២៥ ស្ថិតនៅសាលសន្និសីទសាលាខេត្ត ដោយមានការអញ្ជើញចូលរួមពីសំណាក់ ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ លោកតា លោកយាយ និវត្តន៍ជន និងមន្ត្រីពាក់ព័ន្ធ។

ក្នុងឱកាសនោះ ឯកឧត្តមអភិបាលខេត្ត បានយកឱកាសនោះថ្លែងកោតសរសើរនៃការខិតខំប្រឹងប្រែង របស់មន្ត្រីរាជការនៅក្នុងរដ្ឋបាលខេត្តកំពង់ចាម ដែលបានខិតខំបំពេញការងារយ៉ាងសកម្មក្នុងឆ្នាំ២០២៤ កន្លងមក ធ្វើឲ្យសម្រេចបាននូវសមិទ្ធផលជាច្រើន គួរជាទីមោទនៈ។

ឯកឧត្តម អ៊ុន ចាន់ដា អភិបាលខេត្ត បានរំលឹកថា ជាទិសដៅក្នុងឆ្នាំ២០២៤ របស់រដ្ឋបាលខេត្ត ដែលបានដាក់ចេញ ជាការឆ្លើយតបយើងឃើញថា ការអនុវត្តនូវការងារសន្តិសុខសណ្ដាប់ធ្នាប់បានល្អ តាមរយៈការអនុវត្ត គោលនយោបាយភូមិ ឃុំ សង្កាត់ មានសុវត្ថិភាព រហូតដែលយើងទទួលបានជ័យលាភី លេខ១ ទាំង១០៩ ឃុំ សង្កាត់ និងមន្ទីរពេទ្យខេត្តកំពង់ចាមរបស់យើង ក៏ទទួលបានពានរង្វាន់ជ័យលាភី លេខ១ ទូទាំងប្រទេស ជាអង្គភាពផ្ដល់សេវាសាធារណៈ គំរូក្នុងវិស័យសុខាភិបាល។

ឯកឧត្តមអភិបាលខេត្ត បានមានប្រសាសន៍ទៀតថា សមិទ្ធផលដែលខេត្តកំពង់ចាមទទួលបាន យើងអាចនិយាយបានថា ជាសមិទ្ធផលដែលកើតចេញពីការខិតខំប្រឹងប្រែងរបស់យើងទាំងអស់គ្នា ពោលគឺ ពីមន្ត្រីរាជការពាក់ព័ន្ធ ពីរដ្ឋបាលខេត្តកំពង់ចាមរបស់យើងទាំងមូល៕