HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម វ៉ី សំណាង អភិបាលខេត្តតាកែវ បានបន្តដឹកនាំប្រតិភូខេត្ត អញ្ចើញនាំយកអំណោយមនុស្សធម៌ មកផ្តល់ជូនប្រជាពលរដ្ឋដែលបានជម្លៀសពីតំបន់ក្បែរព្រំដែនថៃ មកកាន់ទីទួលសុវត្ថិភាពជាង ១.៣០០គ្រួសារ ស្ថិតនៅស្រុកគូលែន
==============
នៅថ្ងៃទី២២ ខែមិថុនា ឆ្នាំ២០២៥ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តតាកែវ និងឯកឧត្ដម យស់ ណាស៊ី ប្រធានក្រុមប្រឹក្សាខេត្តតាកែវ បានដឹកនាំគណៈប្រតិភូខេត្តតាកែវរួមមាន សមាជិក សមាជិកាក្រុមប្រឹក្សាខេត្ត ប្រធានមន្ទីរជុំវិញខេត្ត អភិបាលក្រុង ស្រុក សមាជិកគណ:កម្មាធិការសាខា និងមន្រ្តីប្រតិបត្តិសាខា មកសួរសុខទុក្ខ ព្រមទាំងនាំយកអំណោយមនុស្សធម៌របស់សាខាកាកបាទក្រហមកម្ពុជា ខេត្តតាកែវ មកផ្តល់ជូនពុក ម៉ែ ពូ មីង បងប្អូនប្រជាពលរដ្ឋដែលបានជម្លៀសពីតំបន់ក្បែរព្រំដែនថៃ មកកាន់ទីទួលសុវត្ថិភាពចំនួនជាង ១.៣០០គ្រួសារ ស្ថិតនៅក្នុងបរិវេនវត្តពោធិ៍៥០០០ដើម ឃុំគូលែនត្បួង ស្រុកគូលែន ខេត្តព្រះវិហារ។

ក្នុងឱកាសនោះ ឯកឧត្តមប្រធាន បានពាំនាំមតិផ្ដាំផ្ញើរសាកសួរសុខទុក្ខពីសំណាក់ថ្នាក់ដឹកនាំរដ្ឋាភិបាលដែលមានសម្តេចតេជោ និងសម្តេចបវរធិបតី ពិសេសសម្ដេចកិតិ្តព្រឹទ្ធបណ្ឌិ ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចតែងតែយកចិត្តទុកដាក់គិតគូរអំពីសុខទុក្ខ ដល់ប្រជាពលរដ្ឋដែលរងគ្រោះ និងងាយរងគ្រោះ នៅគ្រប់ទីកន្លែងដោយមិនប្រកាន់និន្នាការ ពូជសាសន៍ សាសនា អ្វីឡើយ ដូចបានលើកឡើងថា “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់គ្នា មិនទុកនរណាម្នាក់ចោលឡើយ” និង ពាក្យស្លោក “ទីណាមានការលំបាកទីនោះមានកាកបាទក្រហមកម្ពុជា” ។

សូមបញ្ជាក់ថា សម្ភារៈប្រគល់ជូនមានដូចជា៖ អង្ករ ១០តោន មីខ្លាឃ្មុំ៣៥០កេស ទឹកត្រី១.២០០ដប ទឹកស៊ីអ៊ីវ១.២០០ដប ឆៃប៉ូវផ្អែម៣៥០គីឡូ ពងទាសាប៦.៥០០គ្រាប់ ពងទាប្រៃ៥.៥០០គ្រាប់ និងថវិកា១០លាន៕