HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ អញ្ជើញជាអធិបតីធ្វើបាឋកថា ស្ដីពីការងារ គ្រប់គ្រងច្រកទ្វារអន្តរជាតិ និងច្រកទ្វារព្រំដែនអន្តរជាតិ **|**

ឯកឧត្តម ឧត្តមសេនីយ៍ឯក សុខ វាសនា អញ្ជើញជាអធិបតីធ្វើបាឋកថា ស្ដីពី ការងារគ្រប់គ្រងច្រកទ្វារអន្តរជាតិ និងច្រកទ្វារព្រំដែនអន្តរជាតិ

នាព្រឹកថ្ងៃសុក្រ ទី៤ ខែកក្កដា ឆ្នាំ២០២៥ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ តបតាមការអញ្ជើញរបស់បណ្ឌិតសភានគរបាលកម្ពុជា បានផ្តល់កិត្តិយសធ្វើបាឋកថាចែករំលែកចំណេះដឹង និងបទពិសោធន៍ការងារអន្តោប្រវេសន៍ ដល់សិក្ខាកាមវគ្គបំប៉នជំនាញគ្រប់គ្រងច្រកទ្វារអន្តរជាតិ និងច្រកទ្វារទ្វេភាគី និងសិក្ខាកាមវគ្គបំប៉នជំនាញនគរបាលផ្សេងទៀតសរុប ១៥០ នាក់ នៅបណ្ឌិតសភានគរបាលកម្ពុជា។

សិក្ខាកាមទាំងអស់ បានស្វែងយល់អំពីតួនាទី ភារកិច្ចសំខាន់ៗ និងរចនាសម្ព័ន្ធដឹកនាំការងាររបស់អគ្គនាយកដ្ឋានអន្តោប្រវេសន៍ ក្នុងការគ្រប់គ្រងច្រកទ្វារអន្តរជាតិ ច្រកទ្វារព្រំដែនអន្តរជាតិ ការគ្រប់គ្រងវត្តមានស្នាក់នៅទាំងជនបរទេសអន្តោប្រវេសន្ត និង ជនបរទេសមិនមែនអន្តោប្រវេសន្ត ការងារអនុវត្តនីតិវិធីចំពោះជនបរទេសល្មើសច្បាប់កម្ពុជា និងកិច្ចសហប្រតិបត្តិការអនុវត្តច្បាប់ តាមរយៈកិច្ចប្រជុំប្រចាំឆ្នាំរវាងអគ្គនាយកដ្ឋានអន្តោប្រវេសន៍កម្ពុជា និងស្ថាប័នអន្តោប្រវេសន៍នៃបណ្តាប្រទេសពាក់ព័ន្ធ នៅកម្រិតទ្វេភាគី និងកម្រិតតំបន់អាស៊ាន។

ក្រោយការបញ្ចប់ការធ្វើបាឋកថា ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានផ្តល់ជូនសៀវភៅសិក្សាគោលស្តីពីការគ្រប់គ្រងច្រកទ្វារអន្តរជាតិ និងច្រកទ្វារព្រំដែនអន្តរជាតិ ដល់សិក្ខាកាមវគ្គបំប៉នជំនាញគ្រប់គ្រងច្រកទ្វារអន្តរជាតិ និងច្រកទ្វារទ្វេភាគីចំនួន ៤៨ នាក់ និងបានផ្តល់ជូនសាលាមធ្យមវិជ្ជាជីវៈនគរបាល នៃបណ្ឌិតសភានគរបាលកម្ពុជាចំនួន ១០ ក្បាល ដើម្បីទុកជាឯកសារសម្រាប់សិក្ខាកាមផ្សេងទៀត សិក្សាស្វែងយល់។

ជាមួយគ្នានេះ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ និង ឯកឧត្តម នាយឧត្តមសេនីយ៍ សាស្រ្តាចារ្យ ឯក មនោសែន ប្រធានបណ្ឌិតសភានគរបាលកម្ពុជា និងប្រតិភូអម បានផ្តល់កិត្តិយសថតរូបទុកជាអនុស្សាវរីយ៍ជាមួយសិក្ខាកាមទាំងអស់ នៅបណ្ឌិតសភានគរបាលកម្ពុជា៕