HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា អញ្ជើញចូលរួមកម្មវិធីវេទិកាជាតិគណនេយ្យ ក្រោមប្រធានបទ សុខដុមនីយកម្មបទប្បញ្ញត្តិ ការរាយការណ៍ព័ត៌មានចីរភាព និងរបាយការណ៍ហិរញ្ញវត្ថុឌីជីថល
==================
(ភ្នំពេញ)៖៖នៅព្រឹកថ្ងៃព្រហស្បត្តិ ១២កើត ខែភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៣៤ខែកញ្ញា ឆ្នាំ២០២៥ ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា បានអញ្ជើញចូលរួមកម្មវិធីវេទិកាជាតិគណនេយ្យ ក្រោមប្រធានបទ "សុខដុមនីយកម្មបទប្បញ្ញត្តិ ការរាយការណ៍ព័ត៌មានចីរភាព និងរបាយការណ៍ហិរញ្ញវត្ថុឌីជីថល” ក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។

វេទិកាជាតិគណនេយ្យ គឺជាព្រឹត្តិការណ៍ថ្នាក់ជាតិសម្រាប់កិច្ចសហប្រតិបត្តិការ ការសិក្សា និងការចែករំលែកនូវចំណេះដឹងវិជ្ជាជីវៈគណនេយ្យក្នុងប្រទេសកម្ពុជា។ កម្មវិធីនេះត្រូវបានរៀបចំឡើងដោយនិយ័តករគណនេយ្យ និងសវនកម្ម (ន.គ.ស) នៃអាជ្ញាធរសវាហិរញ្ញវត្ថុមិនមែនធនាគារ (អ.ស.ហ) ដែលជាស្ថាប័ននិយ័តករមានសមត្ថកិច្ច និងគុណតម្លៃវិជ្ជាជីវៈ ព្រមទាំងមានកិច្ចដំណើរការប្រកបដោយនិរន្តភាព និងគណនេយ្យភាព ដោយទទួលនូវការទុកចិត្តពីរាជរដ្ឋាភិបាល វិស័យឯកជន និងតួអង្គពាក់ព័ន្ធផ្សេងទៀតក្នុងការគ្រប់គ្រងវិស័យគណនេយ្យ និងសវនកម្ម ដើម្បីទ្រទ្រង់ និងគាំពារការអភិវឌ្ឍលើគ្រប់វិស័យហិរញ្ញវត្ថុ ពិសេសវិស័យហិរញ្ញវត្ថុ សំដៅរួមចំណែកដល់ការអភិវឌ្ឍសេដ្ឋកិច្ច និងសង្គមប្រកបដោយចីរភាព និងបរិយាបន្ន៕