ថ្ងៃទី២២ ខែវិច្ឆិកា ឆ្នាំ២០២៦
ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32
សម្ដេចធិបតី នាយករដ្ឋមន្ត្រី៖ រាជរដ្ឋាភិបាលតែងតែចាត់ទុក ការវិនិយោគលើវិស័យអប់រំ ជាការវិនិយោគលើអនាគតរបស់ប្រទេសជាតិ
Tue,03 November 2026 (Time 03:40 PM)
ដោយ ៖ ដើម្បីប្រជាជន


សម្ដេចធិបតី នាយករដ្ឋមន្ត្រី៖ រាជរដ្ឋាភិបាលតែងតែចាត់ទុក «ការវិនិយោគលើវិស័យអប់រំ ជាការវិនិយោគលើអនាគតរបស់ប្រទេសជាតិ»

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការអគារសិក្សា ៥ ខ្នង សរុប ៥៥ បន្ទប់រៀន នៅខេត្តកំពង់ធំ ក្រោមគម្រោង «ទាំងអស់គ្នាដើម្បីការអប់រំ» របស់សមាគមឧកញ៉ាកម្ពុជា នាព្រឹកថ្ងៃទី ៣ ខែ វិច្ឆិកា ឆ្នំា២០២៦ នៅខេត្តកំពង់ធំ ។

មានប្រសាសន៍ក្នុងពិធីនោះ, សម្ដេចធិបតី នាយករដ្ឋមន្ត្រី បានថ្លែងថា រាជរដ្ឋាភិបាលតែងតែចាត់ទុក «ការវិនិយោគលើវិស័យអប់រំ ជាការវិនិយោគលើអនាគតរបស់ប្រទេសជាតិ» ដោយសារការអប់រំ ជាមូលដ្ឋានគ្រឹះនៃការអភិវឌ្ឍធនធានមនុស្ស, ជាឆ្អឹងខ្នងនៃផលិតភាពសេដ្ឋកិច្ចជាតិ និងជាសសរទ្រូងនៃសមត្ថភាពប្រកួតប្រជែងរបស់ប្រទេស ។ ក្នុងន័យនេះ, រាជរដ្ឋាភិបាលបានកំណត់យកការអភិវឌ្ឍវិស័យអប់រំជាអាទិភាពចម្បង ក្នុងយុទ្ធសាស្រ្តអភិវឌ្ឍជាតិរយៈពេលវែង តាមរយៈការពង្រីកលទ្ធភាពទទួលបានការអប់រំ, ការកែលម្អហេដ្ឋារចនាសម្ព័ន្ធសាលារៀន, ការពង្រឹងសមត្ថភាពគ្រូបង្រៀន, ការលើកកម្ពស់គុណភាពនៃការបង្រៀន និង ការរៀន និងការជំរុញការសិក្សាពេញមួយជីវិត ។

សម្ដេចធិបតី នាយករដ្ឋមន្ត្រី បានបន្តថា កន្លងមក, រាជរដ្ឋាភិបាលបានសិក្សា និង​ ដាក់ចេញគោលនយោបាយ, យុទ្ធសាស្ត្រ, កម្មវិធីផែនការសកម្មភាព, វិធានការចាំបាច់នានា និង ក្របខណ្ឌគណនេយ្យភាពសមិទ្ធកម្ម ដើម្បីពង្រឹងគុណភាព និង ប្រសិទ្ធភាព នៃការអប់រំនៅតាមសាលារៀនរដ្ឋ, ចាប់ពីថ្នាក់មត្តេយ្យ រហូតដល់មធ្យមសិក្សា តាមរយៈ ការពង្រឹងអភិបាលកិច្ចសាលារៀន, កែលម្អកម្មវិធីសិក្សា និង វិធីសាស្រ្តបង្រៀន, រៀបចំកម្មវិធីសិក្សា និង សកម្មភាពក្រៅម៉ោងសិក្សា, ការលើកកម្ពស់សុខភាពសិស្សានុសិស្ស តាមរយៈ ការផ្តល់អាហារូបត្ថម្ភដល់កុមារ និង ការត្រួតពិនិត្យគុណភាពចំណីអាហារ នៅតាមសាលារៀន, ការជំរុញការចូលរួមរបស់មាតាបិតា, អាណាព្យាបាល និង សហគមន៍ ក្នុងសកម្មភាពអប់រំ ស្របតាមពាក្យស្លោក «ភាពជាដៃគូរវាងរដ្ឋ និង សហគមន៍ ដើម្បីការអប់រំ» ។

ក្នុងឱកាសនោះដែរ, សម្ដេចធិបតី បានមានប្រសាសន៍ថា ទិសដៅអាទិភាពរបស់រាជរដ្ឋាភិបាលនីតិកាលទី ៧ នៃរដ្ឋសភា គឺការកសាងសាលារៀន ឱ្យក្លាយជាអង្គភាពផ្តល់សេវាសាធារណៈ នៅជិតប្រជាពលរដ្ឋ និង បំពេញភារកិច្ចផ្តល់វិជ្ជាសម្បទា បំណិនសម្បទា និង ចរិយាសម្បទា ដល់កូនខ្មែរគ្រប់រូប ប្រកបដោយ តម្លាភាព, គណនេយ្យភាព និង ការទទួលខុសត្រូវខ្ពស់ ។ ការណ៍នេះទាមទារឱ្យមានការចូលរួមពីគ្រប់ភាគីពាក់ព័ន្ធ, ជាពិសេស ការចូលរួមរបស់វិស័យឯកជន និង សប្បុរសជន ដែលជាកម្លាំងគាំទ្របន្ថែមដ៏សំខាន់ ចំពោះការប្រឹងប្រែងរបស់រាជរដ្ឋាភិបាល ស្របតាមទិសស្លោក «ទាំងអស់គ្នាដើម្បីការអប់រំ» ដែលមានន័យថា ការអប់រំដែលមានគុណភាព និង ប្រសិទ្ធភាព ត្រូវតែមានការចូលរួមពីគ្រប់ភាគីពាក់ព័ន្ធ គឺ សិស្ស, គ្រូបង្រៀន, សាលារៀន, មាតាបិតា, អាណាព្យាបាល, អាជ្ញាធរមូលដ្ឋាន, សហគមន៍, ដៃគូអភិវឌ្ឍ, សមាគម, វិស័យឯកជន និង សប្បុរសជន ។

សម្ដេចធិបតី នាយករដ្ឋមន្ត្រី បានគូសបញ្ជាក់បន្ថែមថា បច្ចុប្បន្ន រាជរដ្ឋាភិបាល បានអនុវត្តកម្មវិធីផ្ដល់អាហារូបត្ថម្ភសម្រាប់សិស្សចាប់តាំងពីឆ្នាំ១៩៩៩ ដោយមានការជួយគាំទ្រពីកម្មវិធីស្បៀងអាហារពិភពលោក (World Food Program) របស់អង្គការសហប្រជាជាតិ ដោយក្នុងនោះរាជរដ្ឋាភិបាលទទួលខុសត្រូវមួយផ្នែក ។ បច្ចុប្បន្ន, រាជរដ្ឋាភិបាល បានម្ចាស់ការស្ទើរតែទាំងស្រុងលើកម្មវិធី និងឈានទៅម្ចាស់ការទាំងស្រុងនាពេលអនាគត ។ កម្មវិធីនេះ បានជួយលើកកម្ពស់សុខភាព, សុខុមាលភាពសិស្ស និង បានជួយសម្រាលជីវភាពសិស្ស ជាពិសេសសិស្សក្រីក្រ ព្រមទាំងបានជួយលើកកម្ពស់ដល់ជីវភាពរបស់សហគមន៍មូលដ្ឋាន ព្រោះថា ស្បៀងអាហារទាំងនោះត្រូវបានផ្គត់ផ្គង់ដោយសហគមន៍មូលដ្ឋាន ដោយផ្ទាល់។

ជាទីបញ្ចប់, សម្ដេចធិបតី នាយករដ្ឋមន្ត្រី បានមានប្រសាសន៍ពាក់ព័ន្ធនឹងការពង្រឹងគុណភាពវិស័យអប់រំនៅកម្ពុជា ដោយក្នុងនោះ រាជរដ្ឋាភិបាលនៅតែផ្ដោតអាទិភាពលើការពង្រីក និងពង្រឹងសាលារៀនជាបន្តទៀត ជាពិសេសសាលារៀននៅកម្រិតមូលដ្ឋាន មានទាំងបឋមសិក្សា, អនុវិទ្យាល័យ និងវិទ្យាល័យ ដោយរាជរដ្ឋាភិបាល នឹងពង្រីកចំនួនសាលារៀន និងថ្នាក់រៀន, ជ្រើសរើសបំពេញគ្រូបន្ថែម, បន្ថែមម៉ោងសិក្សា, ពង្រឹងវិន័យ និងបង្កើតទំលាប់ក្នុងការសិក្សា និងជំរុញការអានសៀវភៅ ជាដើម ។ ពាក់ព័ន្ធនឹងការបន្ថែម៉ោងសិក្សា, សម្ដេចធិបតីបានបញ្ជាកបន្ថែម​ ពីចក្ខុវិស័យរបស់រាជរដ្ឋាភិបាលក្នុងការបន្ថែមម៉ោងសិក្សា៦ម៉ោង ក្នុងមួយថ្ងៃ នៅក្នុងក្របខណ្ឌទូទាំងប្រទេស នៅថ្ងៃអនាគត។ បន្ថែមពីនេះ, សម្ដេចធិបតីបានណែនាំឱ្យយកចិត្តទុកដាក់លើការប្រើប្រាស់បច្ចេកវិទ្យាឌីជីថល ដោយត្រូវប្រើប្រាស់ឱ្យចំទិសដៅ និងកម្រិតសមស្រប, មិនត្រូវប្រើប្រាស់បច្ចេកវិទ្យាជាឧបករណ៍ជំនួសឱ្យតួនាទីគ្រូបង្រៀន និងត្រូវចាត់ទុកបច្ចេកវិទ្យាជាឧបករណ៍ជំនួយ, ជាពិសេសការហាមឃាត់សិស្សានុសិស្សមិនឱ្យប្រើប្រាស់ទូរសព្ទដៃ ឬ ឧបករណ៍អេឡិចត្រូនិក ក្នុងថ្នាក់រៀន, បង្កើនការផ្ដោតអារម្មណ៍របស់សិស្សនៅក្នុងថ្នាក់រៀន៕

ចំនួនអ្នកទស្សនា

ថ្ងៃនេះ :
2178 នាក់
ម្សិលមិញ :
2088 នាក់
សប្តាហ៍នេះ :
33372 នាក់
សរុប :
7324922 នាក់

លោកឧត្តមសេនីយ៍ទោ ហេង វុទ្ធី និងភរិយា ព្រមទាំងក្រុមគ្រួសារ បានប្រារព្ធពិធីបុណ្យទក្ខិណាទុប្បទានគម្រប់ខួប១០ឆ្នាំ ឧទ្ទិសមហាកុសលជូនដល់អ្នកគុណទាំង២ ស្ថិតនៅបរិវេណវត្តបទុមកេសរ ក្នុងភូមិពាមក្នុង ឃុំពាមកោះស្នា ស្រុកស្ទឹងត្រង់ ខេត្តកំពង់ចាម ដែលជាស្រុកកំណើត

ឯកឧត្តម ឧត្តមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការ ភស្ភុភារ អគ្គបញ្ជាការ អញ្ចើញចូលរួមក្នុងពិធី បិទសិក្ខាសាលាពិគ្រោះយោបល់ និងពិនិត្យកែតម្រូវកម្មវិធី បណ្តុះបណ្តាលវគ្គសន្តិសុខជាតិ នៅសាកលវិទ្យាល័យការពារជាតិ

ឯកឧត្តម នាយឧត្តមសេនីយ៍ វង្ស ពិសេន៖ វគ្គសន្តិសុខជាតិ ជាយន្តការយុទ្ធសាស្ត្រសំខាន់ ក្នុងការកសាងសមត្ថភាពថ្នាក់ដឹកនាំ និងពង្រឹងសន្តិសុខជាតិ

ឯកឧត្តម សាយ សំអាល់ ឧបនាយករដ្នមន្ត្រី រដ្នមន្ត្រីក្រសួងរៀបចំដែនដី នគរូបនីយកម្ម និងសំណង់ អញ្ចើញក្នុងជំនួបសម្តែងការគួរសម និងពិភាក្សាការងារជាមួយក្រុមហ៊ុន CANCAP Global Co., Ltd., និងគណៈប្រតិភូវិនិយោគិនកាណាដា នៅទីស្ដីការក្រសួង

ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី អញ្ជើញចូលរួមកិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នៅវិមានសន្តិភាព

ឯកឧត្តម ឧត្តមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការភស្ភុភារ អគ្គបញ្ជាការ អញ្ចើញចូលរួមពិធីបើក វគ្គបណ្តុះបណ្តាលបញ្ជាការ-សេនាធិការ ជំនាន់ទី២៥ ដើម្បីពង្រឹងសមត្ថភាពនាយទាហាន នៅវិទ្យាស្ថានបញ្ជាការ-សេនាធិការ

ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ អញ្ជើញជាអធិបតីភាពដ៏ខ្ពង់ខ្ពស់ក្នុងពិធី បើកវគ្គបណ្តុះបណ្តាលបញ្ជាការ-សេនាធិការ ជំនាន់ទី២៥ ដើម្បីពង្រឹងសមត្ថភាពនាយទាហាន

ឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ដ្រី អញ្ជើញជាអធិបតីដ៏ខ្ពង់ខ្ពស់ក្នុងពិធី ពិសាអាហារសាមគ្គីរបស់អនុគណៈកម្មការទី៤ សន្តិសុខ សណ្ដាប់ធ្នាប់ និងសង្គ្រោះ ដើម្បីអបអរសាទរជោគជ័យ នៃការរៀបចំកិច្ចប្រជុំកំពូលហ្វ្រង់កូហ្វូនី លើកទី២០ ឆ្នាំ២០២៦

ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា ផ្ញើសារលិខិតគោរជូនពរ ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទ ក្នុងឱកាសខួបចម្រើនជន្មាយុគម្រប់ ៦៩ឆ្នាំ ឈានចូល៧០ឆ្នាំ

ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ផ្ញើសារលិខិតគោរពជូនពរ ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ក្នុងឱកាសដ៏មហានក្ខត្តឫក្ស នៃពិធីចម្រើនជន្មាយុ នៅថ្ងៃទី១៩ ខែវិច្ឆិកា ឆ្នាំ២០២៦

ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា បានទទួលស្វាគមន៍ដំណើរទស្សនកិច្ច គណៈប្រតិភូការិយាល័យ តំណាងសភាពាណិជ្ជកម្មកម្ពុជារដ្ឋកាលីហ្វ័រញ៉ា មកកាន់ កំពង់ផែស្វយ័តក្រុងព្រះសីហនុ

ឯកឧត្តម សេង សក្ដា រដ្នលេខាធិការក្រសួងការងារ និងបណ្ដុះបណ្ដាលវិជ្ជាជីវៈ សូមជូនពរជូនចំពោះឯកឧត្តមសន្តិបណ្ឌិត សុខ ផល រដ្នលេខាធិការក្រសួងមហាផ្ទៃ ក្នុងឱកាសដ៏មង្គលថ្លៃថ្លា នៃថ្ងៃចម្រើនជន្មាយុ

លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម អញ្ជើញចូលរួម និងដឹកនាំកម្លាំងនគរបាល ការពារសន្តិសុខ រៀបចំសណ្ដាប់ធ្នាប់សាធារណៈ ជូនថ្នាក់ដឹកនាំជាន់ខ្ពស់ អញ្ជើញក្នុងពិធីសម្ពោធដាក់ឱ្យប្រើប្រាស់ ជាផ្លូវការនូវសមិទ្ធផល កែលំអហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្ត្រ មន្ទីរពេទ្យបង្អែកស្រុកចំនួន៦១កន្លែង

ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ជើញចូលរួមពិធីសម្ពោធ ដាក់ឱ្យប្រើប្រាស់ជាផ្លូវការសមិទ្ធផលនានា នៅមន្ទីរពេទ្យបង្អែកស្រុកចំនួន ៦១ ទូទាំងប្រទេស និងពិធីបំពាក់ឧបករណ៍វេជ្ជសាស្ត្រ

ឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ដ្រី អញ្ជើញចូលរួមពិធីសម្ពោធ ដាក់ឱ្យប្រើប្រាស់ជាផ្លូវការ សមិទ្ធផលកែលម្អ ហេដ្ឋារចនាសម្ព័ន្ធ និងបំពាក់ឧបករណ៍ វេជ្ជសាស្ត្រមន្ទីរពេទ្យបង្អែកស្រុកចំនួន ៦១កន្លែង ក្រោមអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត នៅមន្ទីរពេទ្យបង្អែកស្រុកបាធាយ

ឯកឧត្តម ប៉ា សុជាតិវង្ស ប្រធានគណៈកម្មការទី៧ នៃរដ្ឋសភា អញ្ជើញចូលរួមលៀងសាយភោជន៍ស្វាគមន៍ ដែលរៀបចំឡើងដោយឯកឧត្តមប្រធានរដ្ឋសភាប្រទេសហ្វីលីពីន ជូនគណៈប្រតិភូដែលចូលរួមមហាសន្និបាត អន្តរសភាអាស៊ានលើកទី៤៧

ឯកឧត្តមបណ្ឌិត ម៉ក់ ជីតូ រដ្នលេខាធិការក្រសួងមហាផ្ទៃ ផ្ញើសារលិខិតសូមគោរពជូនពរ ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ក្នុងឱកាស ដ៍មហានក្ខត្តឬក្សនៃថ្ងែខួបចម្រើនជន្មាយុ

ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តីរដ្នមន្ត្រីក្រសួងមហាផ្ទៃ ផ្ញើសារលិខិតសូមជូនពរឯកឧត្តមសន្តិបណ្ឌិត សុខ ផល រដ្នលេខាធិការក្រសួងមហាផ្ទៃ ក្នុងឱកាសដ៏ប្រពៃថ្លៃថ្លានៃថ្ងែខួបចម្រើនជន្មាយុ

លោក ប៊ិន ឡាដា អភិបាលស្រុកស្រីសន្ធរ អញ្ជើញជាអធិបតីក្នុងពិធី បើកការដ្ឋានសាងសង់ផ្លូវបេតុងអាមេចំនួន៣គម្រោង នៅក្នុងស្រុកស្រីសន្ធរ ខេត្តកំពង់ចាម

សម្តេចកិត្តិសង្គហបណ្ឌិត ម៉ែន សំអន អញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំ ឆ្លងសម្រេចបញ្ជីឈ្មោះបេក្ខជន ផ្លូវការឈរឈ្មោះបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅខេត្តស្វាយរៀង