HomePage

ថ្ងៃទី២៦ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា បានដឹកនាំប្រតិភូកម្ពុជា អញ្ចើញបន្តទស្សនកិច្ចសម្តែងការគួរសម និងកិច្ចប្រជុំពិភាក្សាការងារជាមួយក្រុមហ៊ុនភាគហ៊ុនិកសក្តានុពលជប៉ុន (ក្រុមហ៊ុន KAMIGUMI និងក្រុមហ៊ន Hanshin Port Corporation)
================
ទីក្រុងកូបេ ៖ នាវេលាម៉ោង ១០:០០ នាទីព្រឹកថ្ងៃពុធ ១៥រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៨ ខែមីនា ឆ្នាំ២០២៦ នៅទីស្នាក់ការក្រុមហ៊ុន KAMIGUMI, ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ (កសស) និងជាប្រធានក្រុមប្រឹក្សាភិបាល កសស អាណត្តិទី៩ និង ឯកឧត្តម ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ តំណាង ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានដឹកនាំ សមាជិក នៃក្រុមប្រឹក្សាភិបាល កសស និងថ្នាក់ដឹកនាំ កសស ធ្វើដំណើរទស្សនកិច្ចក្រុមហ៊ុនភាគហ៊ុនិកសក្តានុពលជប៉ុន (ក្រុមហ៊ុន KAMIGUMI និងក្រុមហ៊ន Hanshin Port Corporation) ដោយបានជួបពិភាក្សាការងារ និងរាយការណ៍អំពីស្ថានការថ្មីៗ ស្តីពីបញ្ហាប្រឈមនៃការអភិវឌ្ឍកំពង់ផែក្រុងព្រះសីហនុទៅជាកំពង់ផែតំបន់ ។

ក្នុងងឱកាសដ៍វិសេសវិសាលនេះ ឯកឧត្តមប្រធានប្រតិភូ បានថ្លែងអំណរគុណយ៉ាងជ្រាលជ្រៅចំពោះភាពជឿជាក់យ៉ាងមុតមាំលើការគ្រប់គ្រង និងប្រតិបត្តិការរបស់ កសស និងការបន្តគាំទ្រពីក្រុមហ៊ុន KAMIGUMI និងក្រុមហ៊ន Hanshin Port Corporation លើការបណ្តុះបណ្តាល “On-Job Training” និង“Training For Trainers” ដើម្បីពង្រឹង និងធ្វើអោយប្រសើរឡើង នូវការគ្រប់គ្រង និងប្រតិបត្តិការចំណតផែកុងតឺន័រថ្មី-ជំហានទី១ ទី២ និងទី៣ ប្រកបដោយប្រសិទ្ធិភាព និងផលិតភាពខ្ពស់ ជាពិសេស ផ្នែកជួសជុលគ្រឿងចក្រលើកដាក់កុងតឺន័រ (QGC) និងប្រតិបត្តិការស្វ័យប្រវត្តិកម្មគ្រឿងចក្រ (A-RTG) និងប្រព័ន្ធគ្រប់គ្រងចំណតផែស្វ័យប្រវត្តិកម្ម (TOS) ជាដើម ។ ចំណតផែកុងតឺន័រទឹកជ្រៅថ្មី-ជំហានទី១ ទី២ និងទី៣ គ្រោងនឹងដាក់អោយដំណើរការប្រតិបត្តិការនៅឆ្នាំ២០២៧ ២០២៩-២០៣០ ជាបន្តបន្ទាប់ ។