HomePage

ថ្ងៃទី២៨ ខែកក្កដា ឆ្នាំ២០២៦

ទំនាក់ទំនងផ្សព្វផ្សាយពាណិជ្ជកម្ម តាមរយៈលេខទូរស័ព្ទ 017 22 00 32

ព័ត៌មានជាតិ ព័ត៌មានអន្តរជាតិ ព័ត៌មានសន្តិសុខសង្គម ព័ត៌មានសុខភាពនិងសម្រស់ ព័ត៌មានសិល្បៈ និងកីឡា

ព័ត៌មានថ្មីបំផុត

លោកស្រី ឈាង ស្រីនាថ ប្រធានកិត្តិយសអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ស្នងការដ្ឋាននគរបាលខេត្តកំពង់ចាម អញ្ជើញចុះសាកសួរសុខទុក្ខ កងកម្លាំងដែលកំពុងមានជំងឺ និងជួបការលំបាក ដល់គេហដ្ឋាន
============
(កំពង់ចាម)៖នៅព្រឹកថ្ងៃចន្ទ ទី៣០ ខែមេសា ឆ្នាំ២០២៦ លោកស្រី ឈាង ស្រីនាថ ប្រធានកិត្តិយសអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ស្នងការដ្ឋាននគរបាលខេត្តកំពង់ចាម តំណាងលោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងសហការី អញ្ជើញចុះសាកសួរសុខទុក្ខមន្រ្តីនគរបាលជាតិ ដែលមានជំងឺប្រចាំកាយ កំពុងសម្រាកព្យាបាលជំងឺនៅគេហដ្ឋាន នាឱកាសមុនចូលឆ្នាំប្រពៃណីជាតិខ្មែរ ខាងមុននេះ ។

ក្នុងឱកាសនោះដែរ លោកស្រី ប្រធានកិត្តិយសអនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ស្នងការដ្ឋាននគរបាលខេត្តកំពង់ចាម ក៏បានដឹកនាំក្រុមគ្រូពេទ្យ នៃស្នងការដ្ឋាននគរបាលខេត្តកំពង់ចាម ដើម្បីពិនិត្យសុខភាពជូនកងកម្លាំង និងនាំយកថវិកា និងគ្រឿងឧបភោគបរិភោគ មួយចំនួន ដើម្បីសម្រួលដល់ការលំបាក ដល់កងកម្លាំងទាំង១០នាក់ ដែលជាមន្រ្តីនគរបាលជាតិ បម្រើការនៅតាមបណ្ដាការិយាល័យជំនាញ និងនៅតាមអធិការដ្ឋាននគរបាលស្រុក

ក្នុងនោះមាន ការិយាល័យព្រហ្មទណ្ឌកម្រិតស្រាល ១នាក់,
ស្រុកព្រៃឈរ ០៣នាក់, ស្រុកកំពង់សៀម ០១នាក់, ស្រុកចំការលើ ០១នាក់, ស្រុកជើងព្រៃ ០១នាក់ និងក្រុងកំពង់ចាម ០១នាក់ សរុបជាថវិកាចំណាយអស់ចំនួន ៤,៥៩០,០០០រៀល។

ជាមួយនឹងការចូលរួមរំលែកភាពលំបាករបស់បងប្អូនកងកម្លាំងដែលកំពុងមានជំងឺ លោកស្រី ក៏បានមានប្រសាសន៍ផ្ដាំផ្ញើ និងណែនាំ ឱ្យមានការត្រួតពិនិត្យ និងតាមដានសុខភាពជាប់ជាប្រចាំ មិនអាចធ្វេសប្រហែសបានឡើយ និងបានលើកទឹកចិត្ត ឱ្យជំនះនិងជំងឺទាំងអស់នេះ ដើម្បីវិលត្រលប់មកមានសុខភាពល្អប្រសើរឡើងវិញ ។