គណៈកម្មការទី៧ នៃរដ្ឋសភា ចុះបំពេញបេសកកម្ម និងជំរុញការអភិវឌ្ឍវិស័យគន្លឹះ៤ នៅក្នុងខេត្តកំពង់ឆ្នាំង===============ខេត្តកំពង់ឆ្នាំង៖ គណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ (គណៈកម្មការទី៧) នៃរដ្ឋសភា ដឹកនាំដោយ ឯកឧត្តម ប៉ា សុជាតិវង្ស ប្រធានគណៈកម្មការ រួមជាមួយតំណាងរាស្ត្រខេត្តកំពង់ឆ្នាំង នាព្រឹកថ្ងៃទី៣ ខែមិថុនា ឆ្នាំ២០២៦ បានអញ្ជើញជួបពិភាក្សាការងារជាមួយ ឯកឧត្តម ស៊ីវ រុន ប្រធានក្រុមប្រឹក្សាខេត្ត លោក អម សុភា អភិបាលរងខេត្ត (តំណាងឯកឧត្តមអភិបាលខេត្ត) និងថ្នាក់ដឹកនាំមន្ទីរជំនាញទាំង៤។កិច្ចប្រជុំធ្វើឡើងក្នុងគោលបំណងសំខាន់ ដើម្បីឈ្វេងយល់ពីស្ថានភាពទូទៅ របាយការណ៍វឌ្ឍនភាព បញ្ហាប្រឈម និងទិសដៅការងារក្នុងខេត្ត រួមនឹងការប្រមូលព័ត៌មាន ដើម្បីជួយពន្លឿនការអភិវឌ្ឍលើវិស័យទាំង៤ (អប់រំ សាសនា វប្បធម៌ និងទេសចរណ៍) ដែលស្ថិតក្រោមសមត្ថកិច្ចរបស់គណៈកម្មការ។ ទន្ទឹមនេះ ដើម្បីប្រមូលមូលដ្ឋានព័ត៌មានច្បាស់លាស់សម្រាប់រដ្ឋសភា ក្នុងការរៀបចំកសាង និងអនុម័ត «ច្បាប់ស្តីពីសាសនា» នាពេលខាងមុខ។បន្ទាប់ពីការពិភាក្សា និងឆ្លើយឆ្លងសំណួរ-ចម្លើយយ៉ាងផុសផុល គណៈកម្មការទី៧ នៃរដ្ឋសភា បានផ្តល់អនុសាសន៍គន្លឹះៗមួយចំនួន ដូចខាងក្រោម៖វិស័យវប្បធម៌ និងសាសនា៖ ត្រូវទប់ស្កាត់អាជីវកម្មសាសនា ហាមដាច់ខាតការយកសាសនាធ្វើជាឧបករណ៍ទាញយកផលប្រយោជន៍ផ្ទាល់ខ្លួន ព្រមទាំងត្រូវជំរុញការចុះបញ្ជីដីវត្តអារាមឱ្យបានលឿន ដើម្បីចេញប័ណ្ណកម្មសិទ្ធិ និងទប់ស្កាត់ការសាងសង់សំណង់អនាធិបតេយ្យក្នុងបរិវេណវត្ត ថែរក្សាអភិរក្សអគារបុរាណ និងវប្បធម៌ ព្រមទាំងគិតគូរវែងឆ្ងាយលើការលក់សម្ភារបម្រើឱ្យវិស័យវប្បធម៌ដើម្បីផ្សារភ្ជាប់នឹងសេដ្ឋកិច្ច។វិស័យទេសចរណ៍៖ ត្រូវអភិវឌ្ឍតំបន់សក្តានុពល ពិសេសតំបន់ជុំវិញបឹងទន្លេសាប ដែលជាសក្តានុពលធំរបស់ខេត្ត លើកកម្ពស់ការពង្រឹងការធ្វើបដិសណ្ឋារកិច្ច មគ្គុទ្ទេសក៍ទេសចរណ៍ និងសេវាម្ហូបអាហារ និងត្រូវបង្កើតការកែច្នៃអ្វីដែលថ្មី ប្លែក និងមានគុណភាព (មិនដដែលៗ) ដើម្បីទាក់ទាញភ្ញៀវទេសចរជាតិ និងអន្តរជាតិ ព្រោះទេសចរណ៍ប្រៀបដូចជា «មាសបៃតង» ជួយឱ្យសេដ្ឋកិច្ចមូលដ្ឋានរីកចម្រើន។វិស័យអប់រំ យុវជន និងកីឡា៖ ត្រូវបន្តអភិវឌ្ឍនិងពង្រឹងហេដ្ឋារចនាសម្ព័ន្ធអប់រំ ជំរុញទាំងផ្នែកចំណេះដឹងទូទៅ និងការបណ្តុះបណ្តាលជំនាញ ដើម្បីឆ្លើយតបទៅនឹងតម្រូវការជាក់ស្តែងនៅក្នុងមូលដ្ឋាន។ថ្នាក់ដឹកនាំខេត្ត និងមន្ទីរជំនាញទាំង៤ នៃរដ្ឋបាលខេត្តកំពង់ឆ្នាំង បានទទួលយកនូវរាល់អនុសាសន៍ណែនាំដ៏មានតម្លៃទាំងនេះ ទៅអនុវត្តដើម្បីជំរុញការអភិវឌ្ឍខេត្តឱ្យកាន់តែរីកចម្រើនបន្ថែមទៀត។
ចំនួនអ្នកទស្សនា
សម្ដេចមហាបវរធិបតី ហ៊ុន ម៉ាណែត
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី អញ្ជើញជូនដំណើរសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញដឹកនាំគណៈប្រតិភូជាន់ខ្ពស់ បំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម
លោក ហេង វុទ្ធី ប្រធានក្រុមការងារចុះជួយ ឃុំអារក្សត្នោត និងឃុំទួលសំបួរ អញ្ជើញដឹកនាំក្រុមការងារ ចុះសាកសួរសុខទុក្ខ និងនាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានិត ឧបត្ថម្ភដល់សមាជិក គណបក្សប្រជាជនកម្ពុជា ក្នុងឃុំអារក្សត្នោត តាមខ្នងផ្ទះ
ឯកឧត្តម លូ គឹមឈន់ សមាជិកគណៈកម្មាធិការកណ្តាលគណបក្សប្រជាជនកម្ពុជា អញ្ជើញចូលរួមក្នុងពិធីផ្សព្វផ្សាយផែនការ រួមឆ្ពោះទៅកាន់ការបោះឆ្នោត ជ្រេីសរេីសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅទីស្នាក់ការគណបក្សស្រុកចំការលើ ខេត្តកំពង់ចាម
ឯកឧត្តមសន្តិបណ្ឌិត នេត សាវឿន និងឯកឧត្តមបណ្ឌិតសភាចារ្យ ហង់ជួន ណារ៉ុន អញ្ជើញជាសហអធិបតីដ៏ខ្ពង់ខ្ពស់ ក្នុងកិច្ចប្រជុំផ្សព្វផ្សាយសេចក្ដីសម្រេច ស្ដីពីផែនការ រួមឆ្ពោះទៅកាន់ការបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ របស់គណៈអចិន្ត្រៃយ៍ នៃគណៈកម្មាធិការកណ្ដាល
លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញចូលរួមកម្មវិធីបញ្ចុះបឋមសិលាកសាង រតនមន្ទីរពុទ្ធមណ្ឌលវិបស្សនាឧដុង្គ ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា
ឯកឧត្ដមសន្តិបណ្ឌិត សុខ ផល រដ្នលេខាធិការក្រសួងមហាផ្ទៃ អញ្ជើញចូលរួមកិច្ចប្រជុំផ្សព្វផ្សាយ និងណែនាំតម្រង់ទិស អំពីដំណើរការជំរឿន មន្ត្រីនគរបាលជាតិកម្ពុជា និងប្រកាសសមាសភាពក្រុមការងារតាមដាន ត្រួតពិនិត្យ ការអនុវត្តតួនាទី ភារកិច្ច និងប្រសិទ្ធភាពការងារ ក្នុងសមត្ថកិច្ចក្រសួងមហាផ្ទៃ
លោកឧត្តមសេនីយ៍ទោ ហេង វុទ្ធី ស្នងការនគរបាលខេត្ត និងជាប្រធានលេខាធិការដ្ឋានសមាគមអតីតយុទ្ធជន និងនិវត្តជនកម្ពុជាខេត្តកំពង់ចាម អញ្ចើញចូលរួមក្នុងកិច្ចប្រជុំ ក្រុមការងារលេខាធិការដ្ឋាន នៃគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តកំពង់ចាម
ឯកឧត្តម អ៊ុន ចាន់ដា អញ្ចើញដឹកនាំកិច្ចប្រជុំក្រុមការងារលេខាធិការដ្ឋាន នៃគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម
គណៈកម្មការទី៧ នៃរដ្ឋសភា ដឹកនាំដោយឯកឧត្តម ប៉ា សុជាតិវង្ស ប្រធានគណៈកម្មការ ចុះស្វែងយល់ពីស្ថានភាពអប់រំ និងបញ្ហាប្រឈមក្នុងស្រុកកំពង់ត្រឡាច ខេត្តកំពង់ឆ្នាំង
ឯកឧត្តមបណ្ឌិត ម៉ក់ ជីតូ រដ្ឋលេខាធិការក្រសួងមហាផ្ទៃ អញ្ជើញបន្តជាអធិបតីភាពដឹកនាំកិច្ចប្រជុំតាមដាន និងត្រួតពិនិត្យ ការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព តាមបណ្តាស្រុក ក្នុងក្របខណ្ឌក្រសួងមហាផ្ទៃ នៅសាលាស្រុកអង្គរបូរី ខេត្តតាកែវ
គណៈកម្មការទី៧ នៃរដ្ឋសភា ដឹកនាំដោយ ឯកឧត្តម ប៉ា សុជាតិវង្ស រួមជាមួយតំណាងរាស្ត្រខេត្តកំពង់ឆ្នាំង អញ្ជើញជួបពិភាក្សាការងារជាមួយ ប្រធានក្រុមប្រឹក្សាខេត្ត អភិបាលរងខេត្ត តំណាងឯកឧត្តមអភិបាលខេត្ត និងថ្នាក់ដឹកនាំមន្ទីរជំនាញទាំង៤
ឯកឧត្តមសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ផ្ញើសារជូនពរឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី នាឱកាសខួបចម្រើនជន្មាយុ
ឯកឧត្តមសន្តិបណ្ឌិតសុខ ផល ប្រធានក្រុមការងាររាជរដ្នាភិបាលចុះមូលដ្នានស្រុកបាណន់ បានអញ្ជើញចុះពិនិត្យសាលាបឋមសិក្សាស្នឹង និងបឋមសិក្សាចែងមានជ័យ ដើម្បីត្រៀមរៀបចំកម្មវិធីសម្ពោធនាពេលខាងមុខ ស្ថិតនៅស្រុកបាណន់
ឯកឧត្តមបណ្ឌិត ម៉ក់ ជីតូ រដ្ឋលេខាធិការក្រសួងមហាផ្ទៃ អញ្ជើញជាអធិបតីភាពដ៏ខ្ពង់ខ្ពស់ ដឹកនាំកិច្ចប្រជុំតាមដាន និងត្រួតពិនិត្យ ការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព នៅសាលាស្រុកព្រៃកប្បាស ខេត្តតាកែវ
រាជរដ្ឋាភិបាល មិនមានផែនការកាត់ចំណាយក្នុងវិស័យអប់រំ និងសុខាភិបាល ទៅបំពេញឱ្យតម្រូវការ វិស័យការពារជាតិទេ ផ្ទុយទៅវិញគម្រោងចំណាយ របស់រាជរដ្ឋាភិបាល ក្នុងវិស័យសង្គមកិច្ច ដែលរួមមានវិស័យអប់រំ និងសុខាភិបាល មានតែបន្តកើនឡើងក្នុងរយៈពេលមធ្យម និងរយៈពេលវែង ព្រោះការវិនិយោគ ដើម្បីពង្រឹងធនធានមនុស្ស នៅតែជាអាទិភាពទីមួយ របស់រាជរដ្ឋាភិបាល
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី អញ្ជើញចូលរួមពិធីសម្ពោធអគារ កម្ពស់៣ជាន់ សមិទ្ធផលនានា និងប្រគល់សញ្ញាបត្រ ដល់គរុសិស្ស និងគរុនិស្សិត នៃវិទ្យាស្ថានជាតិ អប់រំកាយនិងកីឡា ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត
ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្រ្តី អញ្ជើញអមសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា អញ្ជើញទស្សនកិច្ចអគារទីស្នាក់ការកណ្ដាល នៃអគ្គនាយកដ្ឋានពន្ធដារ
កិច្ចប្រជុំរវាងគណៈកម្មាធិការទី៧ នៃរដ្ឋសភា ដឹកនាំដោយឯកឧត្តម ប៉ា សុជាតិវង្ស ជាមួយប្រធានក្រុមប្រឹក្សាខេត្ត អភិបាលនៃគណៈអភិបាលខេត្ត ប្រធានមន្ទីរជំនាញពាក់ព័ន្ធជុំវិញខេត្តពោធិ៍សាត់
ឯកឧត្តមបណ្ឌិត ម៉ក់ ជីតូ រដ្ឋលេខាធិការក្រសួងមហាផ្ទៃ អញ្ជើញបន្តជាអធិបតីភាព ដឹកនាំកិច្ចប្រជុំតាមដាន និងត្រួតពិនិត្យ ការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព តាមបណ្តាស្រុក ក្នុងក្របខណ្ឌក្រសួងមហាផ្ទៃ ស្ថិតនៅសាលាស្រុកទ្រាំង ខេត្តតាកែវ